တူးဂျာ

ဦးတူးဂျာ(၁၉၅၉ ဖွား) သည် ကချင်တိုင်းရင်းသားတရားသူကြီး နှင့် ကချင်ပြည်နယ်တရားလွှတ်တော် တရားသူကြီးချုပ် အဖြစ် တာဝန်ထမ်းဆောင်ခဲ့သူဖြစ်သည်။ သူသည် အငြိမ်းစားပြည်နယ်တရားသူကြီးလည်း ဖြစ်သည်။

တူးဂျာ
ကချင်ပြည်နယ်တရားလွှတ်တော် တရားသူကြီးချုပ်
တာဝန်သက်တမ်း ၃၀ မတ် ၂၀၁၁ – ၁၉ ဒီဇင်ဘာ ၂၀၂၄
ခန့်အပ်သူ	ဦးသိန်းစိန်
သမ္မတ	ဦးသိန်းစိန် ဦးထင်ကျော် ဦးဝင်းမြင့် ဦးမြင့်ဆွေ (ယာယီ)
ဝန်ကြီးချုပ်	ဗိုလ်ချုပ်မှူးကြီး မင်းအောင်လှိုင်
ယခင်လူ	ကိုယ်တိုင်
ဆက်ခံသူ	ဒေါ် အေးအေးမော်
ကချင်ပြည်နယ်တရားရုံး၊ ပြည်နယ်တရားသူကြီး
တာဝန်သက်တမ်း ၂၀၀၇ – ၂၀၁၁
ကိုယ်ရေး အချက်အလက်များ
မွေးဖွား	၁၉၅၉ မြန်မာနိုင်ငံ
လူမျိုး	မြန်မာ
ပညာရေး	ရန်ကုန်အဝေးသင်တက္ကသိုလ်
အလုပ်အကိုင်	တရားသူကြီး

ပညာရေးနှင့်ဝန်ထမ်းဘဝ

ရန်ကုန်အဝေးသင်တက္ကသိုလ် မှနေ၍ ဥပဒေဘွဲ့ကို ၁၉၈၁ခုနှစ် တွင်ရရှိခဲ့သည်။၁၉၈၃ ခုနှစ်ကစပြီး တရားရေးဌာနသို့ တရားရေးအရာရှိအဆင့်(၄) ဖြင့် ဝင်ရောက်တာဝန်ထမ်းဆောင်ခဲ့သည်။ထိုမှတဆင့် ရာထူးအဆင့်ဆင့် တိုးပြီး ၂၀၀၇ ခုနှစ်တွင် ကချင်ပြည်နယ်တရားရုံး ပြည်နယ်တရားသူကြီးအဖြစ် တိုးမြှင့်ခြင်းခံရသည်။ထိုတာဝန်ကို သမ္မတဦးသိန်းစိန်လက်ထက် ကချင်ပြည်နယ်တရားလွှတ်တော် တရားသူကြီးချုပ် အဖြစ် ခန့်အပ်ခံရသည်အထိ နောက်ဆုံးတာဝန်ထမ်းဆောင်ခဲ့သည်။

တရားလွှတ်တော်တရားသူကြီးဘဝ

၂၀၀၈ဖွဲ့စည်းပုံအခြေခံဥပေဒေအရ တိုင်ဒေသကြီးနှင့်ပြည်နယ်အလိုက် တရားလွှတ်တော်များပေါ်ပေါက်လာချိန်တွင် ၎င်းသည် ကချင်ပြည်နယ်တရားလွှတ်တော် တရားသူကြီးချုပ် အဖြစ် သမ္မတ၏အဆိုပြုမှုကို ခံရသည်။ကချင်ပြည်နယ်လွှတ်တော် ကလည်း သဘောတူမကန့်ကွက်သည့်အတွက် ပြည်နယ်တရားလွှတ်တော်တရားသူကြီးချုပ်တာဝန်ကို ၂၀၁၁ ခုနှစ် မတ်လ ၃၀ရက်က စပြီး ထမ်းဆောင်သည်။သူသည် သမ္မတဦး သိန်းစိန်လက်ထက်၊သမ္မတ ဦးထင်ကျော် လက်ထက်၊သမ္မတ ဦးဝင်းမြင့် လက်ထက် အပါအဝင် လက်ရှိ နိုင်ငံတော်စီမံအုပ်ချုပ်ရေးကောင်စီ လက်ထက် အထိ ကချင်ပြည်နယ်တရားလွှတ်တော် တရားသူကြီးချုပ် အဖြစ် ရှိနေခဲ့သည်။ ၂၀၂၄ ခုနှစ် ဒီဇင်ဘာလ တွင် အသက် ၆၅နှစ်ပြည့်၍ သက်ပြည့်အငြိမ်းစားယူသည်။

မိသားစုဘဝ

အိမ်ထောင်သည် တစ်ဦး ဖြစ်ကာ သား ၃ဦး၊သမီး ၁ဦးရှိသည်။