တံဇောင်းကြီးပင်

တံဇောင်းကြီးပင်သည် မိုးခေါင်ရေရှားရပ်ဝန်း၊ အပူပိုင်းဒေသများတွင် များစွာ ပေါက်ရောက်သော အပင်မျိုး ဖြစ်ပြီး၊ တံဇောင်းပြဿဒ်ပင်ဟုလည်း တွင်သည်။ အဖူးအပွင့်များသည် နားကပ်နှင့် တူသောကြောင့်လည်း အချို့အရပ်တွင် စိန်နားကပ်ပင်ဟု ခေါ်သေးသည်။။။

ပုံပန်း

အဖုအထစ်နှင့် ခွများပြားသည်။ အနက်ရောင်ဆူးရှိသည်။ အစေးဖြူ ထွက်သည်။ ဆူးသည် ခြေထောက်ကို စူးမိသော် မြွေဆိုး ကိုက်ခံရသကဲ့သို့ ပူကနဲ ဖြစ်ပြီး၊ ပေါင်တွင် အကြိတ်ဖြစ်၊ ခြေလေး၊ မိနစ်ပိုင်းနှင့် လမ်းမလျှောက်နိုင်လောက်အောင် အဆိပ်ရှိသည်။

အကျိုး

• နွားများ ကူးစက်ရောဂါ ဖြစ်သော် အပင်ကို နွားခြံဝဝယ် စောက်ထိုး ချိတ်၊ ကင်းပယ်သည်။

• အစေးကို ရွေးကြီးစေ့ခန့်မြို၊ ငှက်ဖျားသေသည်။

• အအေးဝမ်းပိတ်သူ၊ ရေလုပ်သား၊ ရေငုပ်စသူများ ဝမ်းချုပ်က အစေး တရွေးသားမြို၊ ဝမ်းလျှောပြီးနောက် သက်သာစေသည်။

• တံဇောင်းကြီးပင်မှ ရသော တံဇောင်းကြီးနှစ်သည် အစီအရင် တန်ဖိုးရှိလှသောကြောင့် ရလျှင် ဈေးကြီးမပေးက မရောင်းသင့်ဘဲ မိမိကိုယ်တိုင် ဆောင်ထားပါက ပိုမို၍ အကျိုးရှိသည်။