ဒုတိယ ဒိဃစာရိကသုတ်

ဒုတိယ ဒီဃစာရိကသုတ် သည် မြတ်စွာဘုရားဟောကြားတော်မူခဲ့သည့် သုတ္တန်တစ်ခု ဖြစ်သည်။ ဤသုတ္တန်တွင် မြတ်စွာဘုရားသည် ရှည်လျားစွာ ခရီးသွားခြင်း, အပိုင်းအခြားမရှိပဲ ခရီးသွားခြင်းကို အဖန်တလဲလဲ အားထုတ်သော ရဟန်း၏ အပြစ်ငါးမျိုးနှင့် အပိုင်းအခြားရှိသော ခရီးသွားခြင်း၌ အကျိုးငါးမျိုးတို့ကို ဟောကြားတော်မူခဲ့သည်။

ဒုတိယ ဒီဃစာရိကသုတ်

ရဟန်းတို့ ရှည်လျားစွာ ခရီးသွားခြင်း အပိုင်းအခြားမရှိဘဲ ခရီးသွားခြင်းကို အဖန်တလဲလဲ အားထုတ်သော ရဟန်း၏ အပြစ်တို့သည် ဤငါးမျိုးတို့တည်း။ အဘယ်ငါးမျိုးနည်း ဟူမူ -

• မရဘူးသော တရားထူးကို မရ။
• ရပြီးသော တရားထူးမှ ယုတ်လျော့၏။
• ရပြီးသော အချို့သော တရားဖြင့် မရဲရင့်။
• ပြင်းထန်စွာ ရောဂါစွဲကပ်ခြင်းသို့ ရောက်၏။
• အဆွေခင်ပွန်းလည်း မရှိ။

ရဟန်းတို့ ရှည်လျားစွာ ခရီးသွားခြင်း အပိုင်းအခြားမရှိဘဲ ခရီးသွားခြင်းကို အဖန်တလဲလဲ အားထုတ်သော ရဟန်း၏ အပြစ်တို့သည် ဤငါးမျိုးတို့တည်း ဟု(မိန့်တော်မူ၏)။

ရဟန်းတို့ အပိုင်းအခြားရှိသော ခရီးသွားခြင်း၌ အကျိုးတို့သည် ဤငါးမျိုးတို့တည်း။ အဘယ်ငါးမျိးတို့နည်း ဟူမူ -

• မရဘူးသေးသော တရားထူးကို ရ၏။
• ရပြီးသော တရားထူမှ မယုတ်လျော့။
• ရပြီးသော အချို့သော တရားထူးဖြင့် ရဲရင့်၏။
• ပြင်းထန်စွာ ရောဂါ စွဲကပ်ခြင်းသို့ မရောက်။
• အဆွေခင်ပွန်းလည်း ရှိ၏။

ရဟန်းတို့ အပိုင်းအခြားရှိသော ခရီးသွားခြင်း၌ အကျိုးတို့သည် ဤငါးမျိုးတို့တည်း ဟု(မိန့်တော်မူ၏)။