ဒုဿီလသုတ်

(၄)သုတ် ရှိပါသည်။

(က) အသဒ္ဓ, အဟိရိက, အနောတ္တပ္ပီ, ဒုဿီလ, ဒုပ္ပည၊

(ခ) သဒ္ဓ, ဟိရီမန, ဩတ္တပ္ပီ, သီလဝန္တ, ပညဝန္တ ဓာတ်(သဘော)တူသူ ပုဂ္ဂိုလ်အချင်းချင်းသာ ပေါင်းဆုံညီညွတ်ကြပုံကို ကဏှပက္ခ, သုက္ကပက္ခအားဖြင့် ရဟန်းတို့အား ဘုရားရှင်ဟောတော်မူသည့်သုတ်။

---

အသဒ္ဓ, အဟိရိက, အနောတ္တပ္ပီ, ဒုဿီလ-ဟူသော ဓမ္မငါးမျိုးတို့နှင့် ပြည့်စုံသော မာတုဂါမသည် ကွယ်လွန်ပြီးနောက် အပါယ, ဒုဂ္ဂတိ, ဝိနိပါတ, နိရယသို့ ရောက်ရသည်ဟု အရှင်အနုရုဒ္ဓါအား ဘုရားရှင် ဟောတော်မူသည့်သုတ်။

---

အသဒ္ဓ, ဒုဿီလ, ကုသီတ, ဒုပ္ပည-ဓမ္မလေးမျိုးတို့နှင့် ပြည့်စုံသောပုဂ္ဂိုလ်သည် ကွယ်လွန်ပြီးနောက် ငရဲသို့ရောက်ရပုံ၊ သဒ္ဓ, သီလဝန္တ, အာရဒ္ဓဝီရိယ, ပညဝန္တ-ဓမ္မလေးမျိုးနှင့် ပြည့်စုံသောပုဂ္ဂိုလ်သည် ကွယ်လွန်ပြီးနောက် နတ်ပြည်သို့ ရောက်ရပုံကို ကဏှပက္ခ, သုက္ကပက္ခ ဒေသနာတော်အားဖြင့် ရဟန်းတို့အား ဘုရားရှင် ဟောတော်မူသည့်သုတ်။

---

ဒုဿီလ သီလဝိပန္နပုဂ္ဂိုလ်အား သမ္မာသမာဓိပျက်စီးပုံ၊ သမ္မာသမာဓိမရှိ၊ သမ္မာသမာဓိ ပျက်စီးသူအား ယထာဘူတဉာဏဒဿန၊ နိဗ္ဗိဒါဝိရာဂ, ဝိမုတ္တိဉာဏ ဒဿနတို့ အဆင့်ဆင့်ပျက်စီးပုံ၊ သီလဝန္တပုဂ္ဂိုလ်အား ယင်းဓမ္မများ အားကြီးသော ပြည့်စုံပုံတို့ကို သစ်ပင်ဥပမာဖြင့် ကဏှပက္ခ, သုက္ကပက္ခအားဖြင့် ရဟန်းတို့အား ဘုရားရှင် ဟောတော်မူသည့်သုတ်။

---

ဒုဿီလသုတ် သည် မြတ်စွာဘုရားဟောကြားတော်မူခဲ့သည့် သုတ္တန်တစ်ခု ဖြစ်သည်။ ဤသုတ္တန်တွင် မြတ်စွာဘုရားသည် သီလပျက်စီးသော ဒုဿီလပုဂ္ဂိုလအကြောင်းနှင့် သီလနှင့် ပြည့်စုံသော သီလဝန္တပုဂ္ဂိုလ်အကြောင်းကို ဟောကြားတော်မူခဲ့သည်။