ဓမ္မစက္ကိက

အရှင်ဓမ္မစက္ကိကထေရ် သည် မြတ်စွာဘုရား၏ သာသနာတော်ရှိ ရဟန်းတစ်ပါး ဖြစ်၏။

ဘဝဇာတ်ကြောင်း

သိဒ္ဓတ္ထမြတ်စွာဘုရားလက်ထက်

သိဒ္ဓတ္ထမြတ်စွာဘုရားပွင့်တော်မူစဉ် အခါက ဖြစ်၏။ အရှင်ဓမ္မစက္ကိကထေရ် သည် ထိုမြတ်စွာဘုရား၏ နေရာတော်မြတ်ရှေ့မှောက်တွင် ခြင်္သေ့ရုပ်တပ်ထားသည့် တရားစကြာကို လှူဒါန်းခဲ့၏။

အကျိုးခံစားရခြင်း

ထိုသို့ လှူဒါန်းခဲ့ရသည့် အကျိုးကျေးဇူးကြောင့် တူရိယာ၊ အခြံအရံတို့ဖြင့် အခါခပ်သိမ်း နေခဲ့ရ၏။ ထို့ပြင် ဤဘဒ္ဒကမ္ဘာမှ တစ်ဆယ့်တစ်ကမ္ဘာထက်တွင် သဟဿရာဇ ဟူသောအမည်ဖြင့် စကြဝတေးမင်း ရှစ်ကြိမ်တိုင်တိုင် ဖြစ်ခဲ့၏။ ဤဘဒ္ဒကမ္ဘာမှ ကိုးဆယ့်လေးကမ္ဘာထက်တွင်တရားစကြာကို အလှူပြုခဲ့သည့်အချိန်မှစကာ အရှင်ဓမ္မစက္ကိကထေရ် သည် အပါယ်လေးဘုံသို့ လုံးဝမကျရောက်ခဲ့ရပေ။

ဂေါတမမြတ်စွာဘုရားထက်ထက်

နောက်ဆုံးဘဝတွင် ဂေါတမမြတ်စွာဘုရား၏ သာသနာတော်တွင် အရှင်ဓမ္မစက္ကိကထေရ် အဖြစ်ဖြင့် အာသဝေါကုန်ခမ်း ရဟန္တာ ဖြစ်တော်မူ၏။