နိဂဏ္ဌသုတ်

(၁၁)သုတ် ရှိပါသည်။

အရှင်အာနန္ဒာထေရ် ဝဇ္ဇီနိုင်ငံ ဝေသာလီမြို့တော်အနီး မဟာဝုန်တော ကူဋာဂါရသာလာကျောင်းတော်ဝယ် သီတင်းသုံးနေတော်မူစဉ် အဘယလိစ္ဆဝီနှင့် ပဏ္ဍိတကုမာရကလိစ္ဆဝီမင်းသားတို့ရောက်ရှိလာပြီး အဘယလိစ္ဆဝီက နာဋပုတ္တ နိဂဏ္ဌ၏ “သန္ဒိဋ္ဌိက နိဇ္ဇရာဝိသုဒ္ဓိ” ကိုလျှောက်ထားပြီး ဘုရားရှင်၏ ယင်းနှင့် ဆက်စပ်သော မိန့်ကြားချက်ကို အရှင်အာနန္ဒာထေရ်အား မေးလျှောက်သဖြင့် အရှင်အာနန္ဒာထေရ်၏ ဘုရားရှင်၏ နိဇ္ဇရာဝိသုဒ္ဓိသုံးမျိုးကို မိန့်ကြားတော်မူရာ ပဏ္ဍိတ ကုမာရကလိစ္ဆဝီက အဘယလိစ္ဆဝီ၏ ဝမ်းမြောက်မှုမရှိပုံကို မေးမြန်းရာ အဘယ လိစ္ဆဝီက အရှင်အာနန္ဒာ၏ မိန့်ကြားချက်ကို လက်မခံသူသည် ဦးခေါင်းပြတ်ကျသေ နိုင်ပုံကို ပြောကြားသည့်သုတ်။

အဋ္ဌကထာ, ဋီကာတို့၌ ဖွင့်ဆိုချက်များ ရှိပါသည်။

---

ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူစဉ် နိဂဏ္ဌသာဝက မုဏ္ဍ, ဇဋိလက, ပရိဗ္ဗာဇက, မာဂဏ္ဍိက, တောဒဏ္ဍိက, အာရုဒ္ဓက, ဂေါတမက, ဒေဝဓမ္မိကတို့သည် ငါးပါးသီလကို မစောင့်ရှောက်ခြင်းကြောင့် ငရဲ၌ဖြစ်ကြရ၏ဟု ရဟန်းတို့အား တစ်သုတ်စီ တစ်သုတ်စီ ဘုရားရှင်ဟောတော်မူသည့် (၉)သုတ်။

---

ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူစဉ် နိဂဏ္ဌတို့၏ အသဒ္ဓမ္မ (၁၀)မျိုးတို့ကို ရဟန်းတို့အား ဘုရားရှင်ဟောတော်မူသည့်သုတ်။