နိရယသုတ်

(၅)သုတ် ရှိပါသည်။

ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူစဉ် ပါဏာတိပါတီ၊ အဒိန္နာဒါယီ၊ ကာမေသုမိစ္ဆာစာရီ၊ မုသာဝါဒီဟူသော တရားလေးမျိုးတို့နှင့် ပြည့်စုံသောပုဂ္ဂိုလ်သည် သေလွန်သည့်အခါ ငရဲသို့ရောက်လိမ့်မည်ဟု ရဟန်းတို့အား ဘုရားရှင် ဟောတော်မူသည့်သုတ်။

---

ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူစဉ် ငါးပါးသီလ မမြဲသူ, မြဲသူတို့၏ လားရောက်ရမည့် ဂတိကို ကဏှပက္ခ, သုက္ကပက္ခခွဲ၍ ရဟန်းတို့အား ဘုရားရှင် ဟောတော်မူသည့်သုတ်။

---

ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူစဉ် ငါးပါးသီလ မမြဲသောဥပါသကာသည် သေလျှင် ငရဲသို့ရောက်မည်။ ငါးပါးသီလမြဲသော ဥပါသကာသည် ကွယ်လွန်လျှင် နတ်ပြည်သို့ ရောက်ရမည်ဟု ကဏှပက္ခ, သုက္ကပက္ခအားဖြင့် ရဟန်းတို့အား ဘုရားရှင် ဟောတော်မူသည့်သုတ်။

---

ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူစဉ် သုရာမေရယမှတစ်ပါး ငါးပါးသီလ ရှေ့သိက္ခာပုဒ် လေးပါးပျက်စီးသူနှင့် ပါပိစ္ဆာ, မိစ္ဆာဒိဋ္ဌိတရား ခြောက်ပါးနှင့်ပြည့်စုံသူ ကွယ်လွန်လျှင် ငရဲသို့ရောက်လိမ့်မည်။ ယင်းသိက္ခာပုဒ်သီလလေးပါး စောင့်ထိန်းသူနှင့် အပ္ပိစ္ဆ, သမ္မာဒိဋ္ဌိဟူသော တရား ခြောက်ပါးနှင့် ပြည့်စုံသူကွယ်လွန်လျှင် နတ်ပြည်သို့ရောက်လိမ့်မည်ဟု ကဏှပက္ခ, သုက္ကပက္ခအားဖြင့် ရဟန်းတို့အား ဘုရားရှင်ဟောတော်မူသည့်သုတ်။

---

ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူစဉ် ငါးပါးသီလ ရှေ့ပိုင်းသိက္ခာပုဒ် လေးမျိုးမစောင့်ထိန်းသူနှင့် လုဒ္ဓ, ပဂဗ္ဘဟူ သော တရားခြောက်ပါးနှင့်ပြည့်စုံသူ သေလျှင်ငရဲ၌ဖြစ်မည်။ ယင်းသိက္ခာပုဒ်လေးပါးကို စောင့်ထိန်းသူနှင့် အလုဒ္ဓ, အပဂဗ္ဘဟူသော တရားခြောက်ပါးနှင့်ပြည့်စုံသူ ကွယ်လွန်လျှင် နတ်ပြည်၌ ဖြစ်လိမ့်မည်ဟု ကဏှပက္ခ, သုက္ကပက္ခအားဖြင့် ရဟန်းတို့အား ဘုရားရှင် ဟောတော်မူသည့်သုတ်။

---

နိရယသုတ် သည် မြတ်စွာဘုရားဟောကြားတော်မူခဲ့သည့် သုတ္တန်တစ်ခု ဖြစ်သည်။ ဤသုတ္တန်တွင် မြတ်စွာဘုရားသည် တရားငါးမျိုးတို့နှင့် ပြည့်စုံသောသူသည် ဆောင်ယူ၍ ချထားအပ်သကဲ့သို့ ထို့အတူ ငရဲ၌ ဖြစ်ရကြောင်းကို ဟောကြားတော်မူခဲ့သည်။