ပဌမ သဒ္ဓမ္မသမ္မောသသုတ်
ပဌမ သဒ္ဓမ္မသမ္မောသသုတ် သည် မြတ်စွာဘုရားဟောကြားတော်မူခဲ့သည့် သုတ္တန်တစ်ခု ဖြစ်သည်။ ဤသုတ္တန်တွင် မြတ်စွာဘုရားသည် သူတော်ကောင်းတရား ပျောက်ပျက်ရန် ကွယ်ပရန် ဖြစ်သော တရားငါးမျိုးနှင့် သူတော်ကောင်းတရား တည်တံ့ရန် မပျောက်ပျက်ရန် မကွယ်ပရန် ဖြစ်သော တရားငါးမျိုးတို့ကို ဟောကြားတော်မူခဲ့သည်။[၁]
ပဌမ သဒ္ဓမ္မသမ္မောသသုတ်
ပြင်ဆင်ရန်ရဟန်းတို့ ဤတရားငါးမျိုးတို့သည် သူတော်ကောင်းတရား ပျောက်ပျက်ရန် ကွယ်ပရန်ဖြစ်ကုန်၏။
အဘယ်ငါးမျိုးတို့နည်းဟူမူ ’[၁]
ရဟန်းတို့ ဤသာသနာတော်၌ ရဟန်းတို့သည် ’[၁]
- တရားကို ရိုသေစွာ မနာကုန်။
- တရားကို ရိုသေစွာ မသင်ကုန်။
- တရားကို ရိုသေစွာ မဆောင်ကုန်။
- ဆောင်ထားသော တရားတို့၏ အနက် အဓိပ္ပာယ်ကို ရိုသေစွာ ဉာဏ်ဖြင့် မစူးစမ်း မဆင်ခြင်ကုန်။
- အနက်သဘောကို သိ၍ တရားသဘောကို သိ၍ (လောကုတ္တရာ) တရားအားလျော်သော အကျင့်ကိုရိုသေစွာ မကျင့်ကုန်။[၁]
ရဟန်းတို့ ဤတရားငါးမျိုးတို့သည် သူတော်ကောင်းတရား ပျောက်ပျက်ရန် ကွယ်ပရန် ဖြစ်ကုန်၏။[၁]
ရဟန်းတို့ ဤတရားငါးမျိုးတို့သည် သူတော်ကောင်းတရား တည်တံ့ရန် မပျောက်ပျက်ရန် မကွယ်ပရန်ဖြစ်ကုန်၏။[၁]
အဘယ်ငါးမျိုးတို့နည်းဟူမူ ’
ရဟန်းတို့ ဤသာသနာတော်၌ ရဟန်းတို့သည် ’[၁]
- တရားကို ရိုသေစွာ နာကုန်၏။
- တရားကို ရိုသေစွာ သင်ကုန်၏။
- တရားကို ရိုသေစွာ ဆောင်ကုန်၏။
- ဆောင်ထားသော တရားတို့၏ အနက် အဓိပ္ပာယ်ကို ရိုသေစွာ ဉာဏ်ဖြင့် စူးစမ်း ဆင်ခြင်ကုန်၏။
- အနက်သဘောကို သိ၍ တရားသဘောကို သိ၍ (လောကုတ္တရာ) တရားအားလျော်သော အကျင့်ကိုရိုသေစွာ ကျင့်ကုန်၏။[၁]
ရဟန်းတို့ ဤတရားငါးမျိုးတို့သည် သူတော်ကောင်းတရား တည်တံ့ရန် မပျောက်ပျက်ရန် မကွယ်ပရန်ဖြစ်ကုန်၏ဟု (မိန့်တော်မူ၏)။[၁]