ပြန်လည်ထူထောင်ရေး ဦးစီးဌာန

ပြန်လည်ထူထောင်ရေး ဦးစီးဌာန
မြန်မာအစိုးရအဖွဲ့အစည်း
အစိုးရအဖွဲ့အစည်း အကျဉ်းချုပ်
ဖွဲ့စည်းသည့်အချိန်	၂၀၁၈ (ပြန်လည်ထူထောင်ရေး ဦးစီးဌာန)
ဝန်ကြီးများ	ဒေါက်တာသက်သက်ခိုင်
ဌာနအကြီးအမှူးများ	ဦးအောင်ကျော်မိုး၊ ညွှန်ကြားရေးမှူးချုပ်
မိခင်အဖွဲ့အစည်း	လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန
ဝက်ဘ်ဆိုက်	moswrr.gov.mm

ပြန်လည်ထူထောင်ရေး ဦးစီးဌာန(အင်္ဂလိပ်: Department of Rehabilitation)သည် လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနလက်အောက်ရှိ ဌာနတစ်ခုဖြစ်သည်။

သမိုင်းအကျဉ်း

ပြန်လည်ထူထောင်ရေးဦးစီးဌာနအား လူမှုဝန်ထမ်းဦးစီးဌာနနှင့် ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနတို့၏ ဖွဲ့စည်းပုံအင်အားတို့မှ ထုတ်နုတ်၍ ပြည်ထောင်စုအစိုးရအဖွဲ့၏ (၃၀-၁-၂၀၁၈) ရက်စွဲပါစာအမှတ်၊၁၄/ ၁၆၈/အဖရ(၁/၂၀၁၈) ခွင့်ပြုချက်အရ ပြန်လည်ထူထောင်ရေးဦးစီးဌာနကို အရာထမ်း(၅၄)ဦး၊အမှုထမ်း(၂၆၄)ဦး၊စုစုပေါင်း (၃၁၈)ဦးတို့ဖြင့်စတင်ဖွဲ့စည်းခဲ့သည်။

ရည်ရွယ်ချက်များ

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြန်လည်ထူထောင်ရေး ဦးစီးဌာန၏ဖွဲ့စည်းပုံအားတိုးချဲ့ပြင်ဆင်ဖွဲ့စည်းရခြင်း၏ရည်ရွယ်ချက်မှာအောက်ပါအတိုင်းဖြစ်သည်-

(က) ပြန်လည်ထူထောင်ရေးဦးစီးဌာနမှ ဆောင်ရွက်ပေးရသော ဝန်ဆောင်မှုလုပ်ငန်းများကို ပြည်သူလူထုအားလုံးသိရှိခံစားခွင့်ရရှိစေရန်၊၊
( ခ ) လူမှုရေးဒုက္ခခံစားရန်အလားအလာရှိသူများအား ပြန်လည်ထူထောင်ရေး ကာကွယ် စောင့်ရှောက်မှုလုပ်ငန်းများကိုလိုအပ်ချက်များနှင့်အညီ ပြန်လည်ထူထောင်ရေးလုပ်ငန်းများကူညီစောင့်ရှောက်မှုပေးနိုင်ရန်၊၊
( ဂ ) မိမိတို့ဦးစီးဌာန၏လုပ်ငန်းတာဝန် (၁၀)ချက်ပါလုပ်ငန်းများအားတိုးချဲ့၍ နိုင်ငံတကာ အဖွဲ့အစည်းများနှင့်ချိတ်ဆက် ဆောင်ရွက်ပေးနိုင်ရန်၊၊
(ဃ) အခြားသောဝန်ကြီးဌာနများ၊ NGO, INGO များနှင့်ပူးပေါင်း၍ အပြည်ပြည်ဆိုင်ရာ စံနှုန်းများနှင့်အညီ ထိရောက်သောပြန်လည်ထူထောင်ရေးလုပ်ငန်းများ ဆောင်ရွက်ရန်။

လုပ်ငန်းတာဝန်များ

(က) ကလေးသူငယ်၊ ကလေးနှင့် လူငယ်များ ပြန်လည်ထူထောင်ရေးလုပ်ငန်း၊
( ခ) မသန်စွမ်းသူများ ပြန်လည်ထူထောင်ရေးလုပ်ငန်း၊
( ဂ) သက်ကြီးရွယ်အို ပြန်လည်ထူထောင်ရေးလုပ်ငန်း၊
(ဃ) ဘေးဒဏ်ခံပြည်သူများ ပြန်လည်ထူထောင်ရေးလုပ်ငန်း၊
( င) အမျိုးသမီး ပြန်လည်ထူထောင်ရေးလုပ်ငန်း၊
( စ) ရွှေ့ပြောင်းလုပ်သားများ ပြန်လည်ထူထောင်ရေးလုပ်ငန်း၊
(ဆ) မိုင်းအန္တရာယ်ဆိုင်ရာပညာပေးနှင့် ပြန်လည်ထူထောင်ရေးလုပ်ငန်း၊
( ဇ) လက်နက်ကိုင်တပ်ဖွဲ့၊ လက်နက်ကိုင်အုပ်စုနှင့် ပတ်သက်ဆက်နွယ်နေသော ကလေးသူငယ် များကို ပြန်လည်ထူထောင်ရေးလုပ်ငန်း၊
( ဈ) လူကုန်ကူးခံရသူများအား ပြန်လည်လက်ခံရေး၊ ပြန်လည်ဝင်ဆံ့ပေါင်းစည်း ရေးနှင့် ပြန်လည်ထူထောင်ရေးလုပ်ငန်း၊
(ည) မူးယစ်ဆေးဖြတ်ပြီးသူများ ပြန်လည်ထူထောင်ရေးလုပ်ငန်း၊

ပြန်လည်ထူထောင်ရေးဦးစီးဌာန၏ ဝန်ထမ်းဖွဲ့စည်းပုံအား အရာထမ်း(၅၄)ဦး၊ အမှုထမ်း (၂၆၄) ဦး၊ စုစုပေါင်း (၃၁၈)ဦးဖြင့် ဖွဲ့စည်းထားပြီး ရုံးချုပ်တွင် အောက်ဖော်ပြပါဌာနခွဲ (၃)ခုဖြင့် လုပ်ငန်းတာဝန်များဆောင်ရွက်လျက်ရှိသည်-

(က) စီမံ/ဘဏ္ဍာဌာနခွဲ၊
(ခ) ထိခိုက်လွယ်အုပ်စုများဌာနခွဲ၊
(ဂ) မူးယစ်၊လူကုန်ကူးဌာနခွဲ၊

ပြန်လည်ထူထောင်ရေးဦးစီးဌာန၏ လက်ရှိ ဖွဲ့စည်းပုံ