ဖက်ထုပ်
ဖက်ထုပ် (တရုတ်: 餃子) သည် တရုတ်ပေါက်စီ တမျိုးဖြစ်ပြီး တရုတ်နှင့် အရှေ့အာရှနိုင်ငံများတွင် စားလေ့ရှိသည်။ တရုတ် နှစ်သစ်ကူးပွဲတွင် အဓိကစားစရာများအနက် တခုဖြစ်ပြီး မြောက်ပိုင်းပြည်နယ်များတွင်မူ နေ့စဉ်စားနေသော အစားအစာ ဖြစ်သည်။ အခြား တရုတ်ဟင်းလျာများထက် အနောက်တိုင်းသို့ ထိုးဖောက်နိုင်သည့် တရုတ်စားစရာလည်း ဖြစ်၏။
_(Pork_and_napa_cabbage).jpg)
အသားလွှာတို့ကိုလည်းကောင်း၊ ဟင်းသီးဟင်းရွက် နှောသော အသားမျှင်တို့ကိုလည်းကောင်း ဂျုံလုံးနှင့် ခပ်ပြားပြားပိတ်ကာ ပေါင်း၍လည်းကောင်း၊ ပြုတ်၍လည်းကောင်း၊ ကြော်၍လည်းကောင်း စီမံကာ ပဲဆီ၊ နှမ်းဆီတို့တွင် နှစ်၍ တည်လေ့ရှိသည်။ အသားပြုတ်ရည်တွင်လည်း ထည့်စားတတ်သည်။