ဖလိုင်းဝှီး
ဖလိုင်းဝီး ဆိုသည်မှာ ချပ်ပြား သို့မဟုတ် ဘီး အထူစားဖြစ်ပြီး လည်ပတ်နေသော ဝင်ရိုးများနှင့် တွဲချိတ်ထားသည်။ ဖလိုင်းဝှီးသည် အရွေ့စွမ်းအင်ကို သိမ်းဆည်းပေးသော ပစ္စည်းဖြစ်သည်။ ဖလိုင်းဝှီးသည် ၎င်းတွင် ရှိနေသော အဟုန်ကြောင့် အရှိန်ကို အလွယ်တကူ မပြောင်းလဲနိုင်ပေ။ ထို့အတွက်ကြောင့် ဖလိုင်းဝှီးတို့သည် ဝင်ရိုးများကို တသမတ်တည်းသော အရှိန်ဖြင့် ဆက်လက် လည်ပတ်နေစေရန် အထောက် အကူပေးသည်။ ထို့အတွက်ကြောင့် ဝင်ရိုးပေါ်တွင် သက်ရောက်သော အားစုံတွဲ (Torque) မကြာခဏ ပြောင်းလဲသော နေရာတွင် အထောက်အကူ ပေးသည်။ မညီမျှသော အားစုံတွဲတို့သည် လည်ပည်နေသော အရှိန်ကို ပြောင်းလဲစေနိုင်သည်။ သို့သော်လည်း ဖလိုင်းဝှီးမှ အရှိန်ပြောင်းလဲမှုကို တန်ပြန်သက်ရောက်မှု ပေးသောကြောင့် မညီမျှသော အားစုံတွဲ၏ အကျိုးသက်ရောက်မှုကို လျှော့ချနိုင်သည်။ ပစ်စတင် သုံးသော အင်ဂျင်များတွင် မညီမျှသော အားစုံတွဲ၏ ပြဿနာ ရှိပြီး ဖလိုင်းဝှီးကို သုံးခြင်းအားဖြင့် ထိုပြဿနာကို ဖြေရှင်းနိုင်သည်။
 2.JPG)    |