ဖူးခက်ဗုဒ္ဓရုပ်ပွားတော်ကြီး
ဖူးခက်ဗုဒ္ဓရုပ်ပွားတော်ကြီး သည် ထိုင်တော်မူဗုဒ္ဓရုပ်ပွားတော်တစ်ဆူ ဖြစ်ပြီး ထိုင်းနိုင်ငံ၊ ဖူးခက်မြို့တွင် တည်ရှိသည်။ တရားဝင်အမည်မှာ Phra Phutta Ming Mongkol Akenakiri (Thai: พระพุทธมิ่งมงคลเอกนาคคีรี; RTGS: phra phuttha ming mongkhon eknakhakhiri) ဖြစ်ပြီး အတိုကောက်အားဖြင့် Ming Mongkol Buddha ဟု ခေါ်ကြသည်။ Chalong အနီးရှိ Nakkerd တောင်ကုန်းထိပ်တွင် ရုပ်ပွားတော်ကို ၂၀၀၄ ခုနှစ်မှ စတင်ကာ တည်ထားခဲ့သည်။ အောက်ခြေအား ချဲ့ခြင်းကို ၂၀၁၅ ခုနှစ်အထိ လုပ်ဆောင်ခဲ့ရသည်။[၁][၂] ၂၀၁၇ ခုနှစ်တွင် စေတီတော်တည်ဆောက်ရေး၏ ၈၀ ရာခိုင်နှုန်းသည် ပြီးစီးခဲ့ပြီ ဖြစ်သည်။ ဤရုပ်ပွားတော်သည် Great Buddha of Thailand နှင့် Luangpho Yai စသည့် စေတီပုထိုးများ ပြီးပါက ထိုင်းနိုင်ငံတွင် တတိယမြောက် အရှည်ဆုံးရုပ်ပွားတော်တစ်ဆူ ဖြစ်သည်။
| พระพุทธมิ่งมงคลเอกนาคคีรี (Phra Phutta Ming Mongkol Akenakiri) | |
 The statue in 2012, before being covered with white marble | |
| တည်နေရာ | Wat Kitthi Sangkharam, Karon, Meaung, Phuket, Thailand |
|---|---|
| အမျိုးအစား | Buddha statue, Maravijaya Attitude |
| ပစ္စည်း | Concrete, covered with white marble |
| အမြင့် | ၄၅ မီတာ (၁၄၈ ပေ) |
| စတင် | 2002 |
| ပြီးဆုံး | 2014 |
| ရည်ရွယ် | Buddha (Guatama) |
| ဝဘ်ဆိုဒ် | http://www.phuket-big-buddha.com |
ရုပ်ပွားတော်သည် ထိုင်တော်မူနေဟန် ဖြစ်ပြီး ၄၅ မီတာ (၁၄၈ ပေ) မြင့်ကာ ၂၅.၄၅ မီတာ (၈၃.၅ ပေ) ကျယ်သည်။ ကွန်ကရစ်ဖြင့် ပြုလုပ်ထားပြီး အပြင်ဘက်မှ မြန်မာ့စကျင်ကျောက်ဖြင့် ကာရံထားသည်။ Wat Kitthi Sankaram temple (Wat Kata) ကျောင်းတော်၏ အဓိဗုဒ္ဓရုပ်ပွားတော်ကြီးဖြစ်သည်။ ရုပ်ပွားတော်သည် Ao Chalong ပင်လယ်အော်ကို မျက်နှာချင်းဆိုင်နေဟန် တည်ရှိသည်။ ၂၀၀၈ ခုနှစ်တွင် ထိုင်းနိုင်ငံ၏ ဂိုဏ်းချုပ်ဘုန်းတော်ကြီး Somdet Phra Yanasangwonက ရုပ်ပွားတော်ကြီးအား “ဖူးခက်၏ ဗုဒ္ဓရတနာ” ဟု ပြောဆိုခဲ့သည်။[၂]
ရုပ်ပွားတော် တည်ဆောက်မှုသည် ထိုင်းဘတ် သန်း၃၀ (အမေရိကန်ဒေါ်လာ ၉၅၀၀၀၀၊ ၂၀၁၉ ခုနှစ် ဖေဖော်ဝါရီလတွင်) ကုန်ကျသည်။ ကုန်ကျမှု၏ အဓိကအသုံးစရိတ်များမှာ လှူဒါန်းမှုများမှ ဖြစ်သည်။[၃] ရုပ်ပွာတော်ကို ထိုင်းတော်ဝင်သစ်တောရေးရာဌာန၏ ထောက်ခံမှုဖြင့် နိုင်ငံတော်က ထိန်းသိမ်းထားသည့် တောနေရာတွင် တရားဝင် တည်ဆောက်ထားခြင်း ဖြစ်သည်။
ရုပ်ပွားတော်၏ တရားဝင်အမည်သည် Phra Phutta Ming Mongkol Akenakakiri (Thai: พระพุทธมิ่งมงคลเอกนาคคีรี) ဖြစ်သည်။ အဓိပ္ပာယ်မှာ -
- Phra Phutta (พระพุทธ-) =ဗုဒ္ဓ
- Ming Mongkol (มิ่งมงคล) = မြင့်မြတ်သော
- Ake (เอก) = ထိပ်ဖျားမှ
- Nakakiri (นาคคีรี) = နခတောင်(ရုပ်ပွားတော်တည်ရှိရာနေရာဖြစ်သည့် Nakkerd တောင်ကုန်းကို ရည်ညွှန်းသည်).
အပြည့်အစုံအားဖြင့် နဂ (Nakkerd Hill ) တောင်ကုန်းထိပ်ဖျားရှိ မြင့်မြတ်သည့် ဗုဒ္ဓ ဟု အဓိပ္ပာယ်ရသည်။
ကိုးကား
ပြင်ဆင်ရန်- ↑ Thuan၊ Willy (13 December 2017)။ Phuket Big Buddha။
- ↑ ၂.၀ ၂.၁ Phuket Big Buddha Chalong Phuket Thailand။ 15 February 2019 တွင် ပြန်စစ်ပြီး။
- ↑ Phuket Big Buddha - History & Construction of a Giant Buddha (in en-US)။ 15 February 2019 တွင် ပြန်စစ်ပြီး။