ဗန်ကူးဗားမြို့

ဗန်ကူးဗားမြို့သည် ကနေဒါနိုင်ငံ ဗြိတိသျှ ကိုလံဘီယာ ပင်မကုန်းမြေကြီး၏ အနိမ့်ပိုင်းတွင် ရှိသော ကမ်းရိုးတန်း မြို့တော်တစ်ခု ဖြစ်သည်။ ၁၇၉၀နှစ်များက ထိုဒေသကို လေ့လာရှာဖွေပြီး မြေပုံဆွဲခဲ့သော ဗြိတိသျှ ကပ္ပတိန် ဂျော့ရှ်ဗန်ကူးဗားကို အစွဲပြု၍ ခေါ်ဝေါ်ခြင်းဖြစ်သည်။

ဗန်ကူးဗား
မြို့တော်
'ထိပ်မှစ၍ (လက်ယာရစ်): ဖော့စ်ခရိမှ မြင်ရသော ဗန်ကူးဗားမြို့လယ်၊ ဗြိတိသျှ ကိုလံဘီယာ တက္ကသိုလ်၊ လိုင်းယွန်းဂိတ် တံတား၊ဂရန်းဗေးတံတားမှ မြင်ရသော မြင်ကွင်း၊ ဘားရတ်တံတား၊ တရုတ်တန်း ဂိတ်တံခါးဝ၊ စတန်လေပန်းခြံရှိ တိုတန်တိုင်ရေကန်ကို အပေါ်စီးမှ မြင်ရပုံ ၏ မြင်ကွင်းပုံ
၏ တံဆိပ်အမှတ်အသား Coat of arms ၏ ရုံးသုံးလိုဂို လိုဂို
နိုင်ငံ	ကနေဒါ

မက်ထရိုပိုလစ်တန် နယ်မြေသည် အနောက်ကနေဒါတွင် လူဦးရေ အထူထပ်ဆုံးဖြစ်ပြီး နိုင်ငံအတွင်း တတိယအကြီးဆုံးဖြစ်သည်။ ကနေဒါနိုင်ငံမြို့ကြီးများတွင် ရှစ်ခုမြောက်အဖြစ် အဆင့် သတ်မှတ်ထားသည်။ ၂၀၀၆ ခုနှစ် လူဦးရေ စာရင်းအရ ဗန်ကူးဗားတွင် လူဦးရေ ၅၇၈,၀၄၁ ရှိပြီး မက်ထရိုပိုလစ်တန် နယ်မြေတွင် ၂.၁ သန်းကျော်မျှ နေထိုင်ကြသည်။ လွန်ခဲ့သော နှစ်ပေါင်း ၃၀ အတွင်းက ပြောင်းရွှေ့လာသူ သိသိသာသာ များလာခဲ့ပြီး မြို့တော်ကို လူမျိုးနှင့် ဘာသာစကား အစုံ ရှိလာစေသည်။ ၅၂ ရာခိုင်နှုန်းသောသူတို့မှာ အင်္ဂလိပ်ဘာသာကို ပထမဘာသာစကား အဖြစ် ပြောဆိုခြင်း မရှိကြပေ။ မြို့နေလူဦးရေ ၏ ၃၀ ရာခိုင်နှုန်းခန့်မှာ တရုတ် အနွယ်ဝင်များ ဖြစ်ကြသည်။