ဗော်လ်ဂါမြစ်
ဗော်လ်ဂါမြစ်သည် ဥရောပတွင် အရှည်အားဖြင့်သော်လည်းကောင်း၊ စီးထွက်မှု အားဖြင့်သော် လည်းကောင်း၊ မြစ်ဝှမ်းဒေသ ဧရိယာအားဖြင့် သော်လည်းကောင်း အကြီးဆုံးသော မြစ်တစ်စင်းဖြစ်သည်။ ၎င်းသည် ရုရှားနိုင်ငံ အလယ်ပိုင်းကို ဖြတ်သန်းစီးဆင်း သဖြင့် ရုရှားနိုင်ငံ၏နိုင်ငံတော် အထိမ်းအမှတ် မြစ်အဖြစ် မှတ်ယူကြသည်။ ရုရှားနိုင်ငံရှိ မြို့ကြီးပေါင်း ၂၀ မြို့တွင် မြို့တော် ဖြစ်သော မော်စကိုမြို့ အပါအဝင် ၁၁ မြို့တို့သည် ဗော်လ်ဂါမြစ်ဝှမ်းတွင် တည်ရှိကြသည်။ ကမ္ဘာပေါ်တွင် အကြီးဆုံးသော ရေလှောင်ကန်များကို ဗော်လ်ဂါမြစ် တလျှောက်တွင် တွေ့နိုင်သည်။ ဗော်လ်ဂါမြစ်သည် ရုရှားယဉ်ကျေးမှုတွင် ပြယုဂ်တစ်ခု အဖြစ် တည်ရှိပြီး ရုရှားစာပေနှင့် ဒဏ္ဍာရီများတွင် မိခင်ဗော်လ်ဂါ ဟု ရည်ညွှန်းလေ့ ရှိကြသည်။
