ဗြဟ္မသုတ်

(၂)သုတ် ရှိပါသည်။

ဘုရားရှင် ဥရုဝေလတော နေရဉ္ဇရာမြစ်ကမ်း အဇပါလညောင်ပင်ရင်း၌ ဘုရားဖြစ်တော်မူပြီးစ သီတင်းသုံးနေတော်မူ၍ သတိပဋ္ဌာန်လေးပါး၏ ဧကာယန ဖြစ်ပုံကို ကြံစည်တော်မူနေစဉ် သဟမ္ပတိဗြဟ္မာရောက်လာပြီး ဘုရားရှင် ကြံစည်တော် မူနေသော သတိပဋ္ဌာန်လေးပါး တရားတော်၏အကျိုးတရားတို့ကိုလျှောက်ထားပြီး ဧကာယနံ-အစရှိသော ဂါထာဖြင့် သဟမ္ပတိဗြဟ္မာက ဘုရားရှင်အားလျှောက်ထားသည့်သုတ်။

အဋ္ဌကထာ, ဋီကာတို့၌ မှတ်သားဖွယ်ဖွင့်ဆိုချက်များရှိပါသည်။

---

ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူစဉ် ဗြဟ္မ၊ လက်ဦးဆရာ၊ အိမ်ဦးနတ်၊ လက်ဆောင်ပို့လာ ပူဇော်ခံယူထိုက်သော ပုဂ္ဂိုလ်တို့နှင့်တူကြပုံ။ မိဖနှစ်ပါး၏ သားသမီးများအပေါ် ကျေးဇူးများပုံ၊ ပြုစု လုပ်ကျွေးလိုက်ပုံတို့ကို ရဟန်းတို့အား ဘုရားရှင်ဟောတော်မူသည့်သုတ်။