ဘုန်းတင့်ကျော်

အမည်ရင်းဦးကျော်ဇင်ဖြစ်သည်။၁၉၅၈ခုနှစ် ဇန်နဝါရီ၂၀တွင်မွေးဖွားသည်။ မိဘများမှာ ဦးခင်မောင်တင့်(တက္ကသိုလ်ဘုန်းနိုင်-အငြိမ်းစားပါမောက္ခချုပ် ပညာရေးတက္ကသိုလ် ရန်ကုန်)နှင့်ဒေါ်နီနီခင်တို့ဖြစ်သည်။ အင်္ဂလိပ်စာအထူးပြုဖြင့်တက္ကသိုလ်ပညာကို သငယူဆည်းပူးခဲ့သည်။ ပထမနှစ်တွင် သမိုင်းဘာသာရပ်ကို ပြဋ္ဌာန်းဘာသာရပ်တခုအဖြစ်သင်ယူခဲ့ရသည်။၁၉၈၂-၈၃ခုနှစ် အင်္ဂလိပ်စာအသင်း(ရန်ကုန်တက္ကသိုလ်)၏အတွင်းရေးမှူးအဖြစ် ဆောင်ရွက်ခဲ့သည်။၁၉၈၃ခုနှစ်တွင် ရန်ကုန်တက္ကသိုလ်မှ အင်္ဂလိပ်စာ(အဓိက)ဘွဲ့ကိုရရှိခဲ့သည်။၁၉၈၃ခုနှစ်မှ၁၉၉၄အထိ ရန်ကုန်တက္ကသိုလ် အင်္ဂလိပ်စာဌာနတွင် ဆရာငယ်တဦးအဖြစ်ဆောင်ရွက်ခဲ့သည်။၁၉၉၃ခုနှစ်မှစတင်၍ တက္ကသိုလ်ဘုန်းနိုင် ၊တက်တိုး၊ မောင်ခင်မင်(ဓနုဖြူ) ၊သောင်းထိုက် ၊မောင်ထွန်းသူ ၊ငြိမ်းကျော် ၊ဆောင်းဝင်းလတ် ၊ဇဝန၊ သော်တာဆွေ၊ မင်းလူ ၊ဒေါ်ခင်နှင်းယု၊ မောင်မိုးသူ ၊မောင်မြင့်ကြွယ် အစရှိသော စာရေးဆရာကြီးများနှင့် အခြားသော စာရေးဆရာ စာရေးဆရာမများ၏ မြန်မာရသစာပေဝင်ဝတ္ထုများ ကမ႓ာ့စာပေဂန္ထဝင် ဘာသာပြန်ဝတ္ထုများ ကဗျာစာအုပ် သုတကျမ်း ပညာရပ်ကျမ်းစာအုပ်များကို ကိုယ်တိုင်ဖြန့်ချိစီစဉ်သည်။ သရဖူစာပေမဂ္ဂဇင်း(၁၉၉၄-၉၅) အတွဲ(၁)အမှတ်(၁)မှ အမှတ်(၈)အထိ စီစဉ်သူ အယ်ဒီတာအဖြစ်ဆောင်ရွက်ခဲ့သည်။ ကံ့ကော်ဝတ်ရည်စာပေတိုက်၏ ထုတ်ဝေဖြန့်ချိသူ ပိုင်ရှင် အယ်ဒီတာအဖြစ် လုပ်ငန်းဆောင်ရွက်လုပ်ကိုင်သည်။ ဒေါက်တာသန်းထွန်း သဘာပတိအဖြစ်ဆောင်ရွက်သော ၂၀၀၃ခုနှစ် အောက်တိုဘာ ၃ရက်နေ့ စာတမ်းဖတ်ပွဲတွင် ကျမ်းကိုးများ ရှေးဗမာကျောက်စာများနှင့် ကွဲလွဲမှားယွင်းနေသော ဂျီအိတ်ချ်လုစ်၏ ဗမာသမိုင်းအယူအဆစာတမ်းကိုတင်သွင်းဖတ်ကြားခဲ့သည်။ထိုစာတမ်းကို အပိုင်း၂ပိုင်းခွဲကာ၂၀၁၀ခုနှစ် နိုဝင်ဘာလတွင် စာအုပ်၂အုပ်ထုတ်ခဲ့သည်။ မြန်မာဟူသော ပျူရာဇဝင်ဆိုရိုးစကားကို ရှေးပျူဗမာကျောက်စာများနှင့် နှိုင်းယှဉ်လေ့လာကြည့်ခြင်း ဒေါက်တာသန်းထွန်းပင် သဘာပတိအဖြစ်ဆောင်ရွက်သော သမိုင်းသုတေသနစာတမ်းကို (၂၀၀၄)ခုနှစ် မတ်လ(၁၁)ရက်နေ့တွင် တင်သွင်းဖတ်ကြားခဲ့သည်။၂၀၀၅ခုနှစ် ဩဂုတ်လမှ ၂၀၀၆ခုနှစ်ဖေဖော်ဝါရီလအထိ ရုပ်ရှင်တေးကဗျာမဂ္ဂဇင်းတွင် ခုနစ်လကြာ ဖော်ပြခဲ့သော ပျူစစ်လျင်မြန်မာ အခန်းဆက်ဆောင်းပါးများကို ်စုစည်းကာ စာအုပ်ထုတ်ဝေခဲ့သည်။ စာအုပ်အမည်မှာ ပျူစစ်လျင်မြန်မာဖြစ်ပြီး ၂၀၀၇ခုနှစ်ဒီဇင်ဘာလတွင် ပထမအကြိမ်ထွက်ရှိလာသည်။ စာတမ်း၂စောင်ကို အနှစ်ချုပ်ကာ သည်အေးရှန့်ဟစ်စ်တွရွီအော့ဖှ် ပျူဗြဟ္မာ ဘီဖှိုးအနော်ရထာအမည်ဖြင့်စာအုပ်ထုတ်ဝေခဲ့သည်။ ထိုစာအုပ်သည် ၂၀၁၅ ဧပြီတွင် ပထမအကြိမ်အဖြစ်ထွက်ရှိလာသည်။

ပြင်ပလင့်ခ်များ

• အင်္ဂပူမြို့နယ်ကပျူဂဝံမြို့ဟောင်း-နီလာဝင်း(ရွှေသွေးကြီး)
• ပထမ မြန်မာနိုင်ငံတော် သရေခေတ္တရာ- ဘုန်းတင့်ကျော်
• DVB Debate: Is it too late to save Burma’s crumbling heritage? - DVB Multimedia Group Archived 28 March 2015 at the Wayback Machine.
• ဗရမ္မာ ခေါ် ပျူတွေ စာတတ်မြောက်တဲ့ခေတ်-ဘုန်းတင့်ကျော်
• အနိရုဒ္ဓမတိုင်ခင်က ပေထက် အက္ခရာတင် ပဋိစ္စသမုပ္ပါဒ် ပါဠိတော်-ရန်ဝင်း (တောင်တံခါး)
• နှစ်ပေါင်းနှစ်ထောင်ကျော်ခဲ့ပြီဖြစ်သောမြန်မာ့သမိုင်း အပိုင်း(၁)