ဘုရားကြီးစေတီတော်

ဘုရားကြီးစေတီတော် သည် သရေခေတ္တရာမြို့ဟောင်းတွင် တည်ရှိသည့် ရှေးဟောင်းစေတီတော်တစ်ဆူ ဖြစ်သည်။

တည်နေရာ

စေတီတော်သည် သရေခေတ္တရာမြို့ဟောင်း၏ အနောက်မြောက်ဘက် ပြည် - အောင်လံ ကားလမ်းဘေးတွင် တည်ရှိသည်။

တည်ထားကိုးကွယ်ခြင်း

စေတီတော်ကို ဒွတ္တပေါင်မင်းကြီးသည် အေဒီ ၆ - ၇ ရာစုတွင် တည်ထားခဲ့သည်။ မင်းကြီး တည်ထားခဲ့သည့် စေတီကိုးဆူတွင် တစ်ဆူအပါအဝင် ဖြစ်သည်။

စေတီတော်တွင် မြတ်စွာဘုရားရှင်၏ ဓာတ်တော်စစ်တစ်ဆူ၊ လက်ယာခြေမတော်မှ ခြေသည်းတော်တို့ကို ထည့်သွင်းဌာပနာထားသည်။

စေတီတော်သည် အလွန်ကြီးမားသဖြင့် "မဟာစေတီ" ဟု ခေါ်ဝေါ်သမုတ်ကြသည်။ စေတီတော်သည် မြန်မာနိုင်ငံတွင် ရှေးအကျဆုံးစေတီတော်တစ်ဆူလည်း ဖြစ်သည်။

အတိုင်းအတာများ

ဉာဏ်တော် ၄၂.၃၆၇ မီတာ ရှိသည်။ အောက်ခြေလုံးပတ်တော်သည် ၉၃.၅၇၄ မီတာ ရှိသည်။

ပုံသဏ္ဌာန်

စေတီတော်သည် ပစ္စယံသုံးဆင့်ပါရှိသည်။ စေတီတော်သည် ယခုခေတ်မြန်မာစေတီတော်များ၏ ပုံစံသို့ စတင်ပြောင်းလဲလာသော အဆောက်အအုံပုံစံ ဖြစ်သည်။