မက္ကဋ

မက္ကဋ သည် မြတ်စွာဘုရားအား ပါလိလေယျကဆင်နှင့်အတူ တောအုပ်အတွင်း၌ အလုပ်အကျွေးပြုစုခဲ့ဖူးသည့် မျောက်ဖြစ်ပြီး သေလွန်သည့်အခါ နတ်သား ဖြစ်ခဲ့သည်။

မက္ကဋ

ဆင်အပေါင်းနှင့် နေရသည့် ဆင်းရဲကို သည်းမခံနိုင်သဖြင့် ပါလိလေယျကဆင်မင်းသည် ထိုတောအုပ်တွင် တစ်ကောင်းတည်း နေ၏။ ထိုအချိန်တွင် မြတ်စွာဘုရားသည် ကောသမ္ဗီပြည်တွင် တပည့်ရဟန်းတို့၏ မညီညွတ်မှုကို အကြောင်းပြုကာ ပါလိလေယျယတောအုပ်၌ တစ်ပါးတည်း သီတင်းသုံးတော်မူ၏။ ထိုဆင်မင်းသည် မြတ်စွာဘုရားအား ဝတ်ကြီးဝတ်ငယ်တို့ကို ပြုစုလုပ်ကျွေးတော်မူ၏။

ဤသို့ ပါလိလေယျကသည် မြတ်စွာဘုရားအား လုပ်ကျွေးပြုစုသည်ကို မျောက်ကြီးတစ်ကောင်သည် မြင်၍ အားကျသဖြင့် လုပ်ကျွေးပြုစုလေ၏။

မျောက်ကြီးသည် ပျားကောင်မရှိသော ပျားလဘို့ကို ငှက်ပျောဖက်ပေါ်တင်ကာ ဆက်ကပ်၏။ မြတ်စွာဘုရားသည် ပျားဥများရှိသဖြင့် ဘုဉ်းမပေးဘဲ ရှိနေရာ မျောက်ကြီးသည် ပျားဥတို့ကို ဖယ်ရှား၍ ထပ်မံဆက်ကပ်လေ၏။

ထိုအခါ မျောက်ကြီးသည် ဘုရားရှင်ဘုဉ်းပေးသည်ကို မြင်၍ ဝမ်းသာအားရကာ သစ်ပင်ပေါ်၌ ကခုန်၍ လိမ့်ကျ၍ သေဆုံးခဲ့ကာ တာဝတိံသာနတ်ပြည်တွင် မက္ကဋနတ်သား ဖြစ်လေသည်။

နတ်သားဘဝ

မက္ကဋနတ်သား၏ ရွှေဗိမာန်သည် ယူဇနာသုံးဆယ်ကျယ်ပြန့်ကာ အခြံအရံနတ်သမီးတစ်ထောင်ရှိသည်။