မင်းမင်း

ဦးမင်းမင်း (၁၉၆၉ ဖွား) သည် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ၏ ဒုတိယဝန်ကြီးဖြစ်သည်။ ထိုမတိုင်မီက သူသည် ယင်းဝန်ကြီးဌာန၏ အမြဲတမ်းအတွင်းဝန်ဖြစ်ခဲ့သည်။

ဦးမင်းမင်း
စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ဒုတိယဝန်ကြီး
တာဝန်ထမ်းဆောင်ဆဲ
တာဝန် စတင် ၂၅ စက်တင်ဘာ ၂၀၂၃
ယခင်လူ	ဦးညွန့်အောင်
ကိုယ်ရေး အချက်အလက်များ
မွေးဖွား	၁၉၆၉ မန္တလေးတိုင်းဒေသကြီး၊ပြင်ဦးလွင်မြို့
မိခင်ကျောင်း	စစ်တက္ကသိုလ်

ပညာရေး

သူသည် စစ်တက္ကသိုလ် ဗိုလ်လောင်းသင်တန်းအမှတ်စဉ် (၃၃) ဆင်းဖြစ်သည်။

ဝန်ထမ်းဘဝ

ဦးမင်းမင်းသည် တပ်မတော်သားဘဝမှ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ကုန်သွယ်ရေးဦးစီးဌာန သို့ ပြောင်းရွှေ့လာပြီးနောက် ရာထူးအဆင့်ဆင့်တိုးကာ ၂၀၁၃ခုနှစ် မေလ ၂၃ရက် တွင် ကုန်သွယ်ရေးဦးစီးဌာန ဒုတိယညွှန်ကြားရေးမှူးချုပ် အဖြစ် ရာထူးတိုးခံရသည်။ သူ၏ အထက်အရာရှိ ကုန်သွယ်ရေးညွှန်ချုပ် ဦးရန်နိုင်ထွန်း အထူးကုန်စည်လိုင်စင်ကိစ္စဖြင့် ၂၀၁၉ ခုနှစ် ၊ ဇန်နဝါရီ လ တွင် ရာထူးမှ ထုတ်ပယ်ခံရပြီးနောက် သူသည် ထိုဦးစီးဌာန ၏ ညွှန်ကြားရေးမှူးချုပ် ဖြစ်လာသည်။ ၂၀၂၁ စစ်အာဏာသိမ်းခံရပြီးနောက် သူသည် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အမြဲတမ်းအတွင်းဝန်ရာထူး အထိ တာဝန်ပေးခံရသည်။

ဒုတိယဝန်ကြီးဘဝ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးညွန့်အောင် တာဝန်မှ အနားပေးခံရပြီးနောက် သူသည် ထိုသူ၏ နေရာသို့ ၂၀၂၃ ခုနှစ် စက်တင်ဘာ ၂၅ ရက်တွင် အစားထိုးဝင်ရောက်ကာ ဒုတိယဝန်ကြီး ဖြစ်လာခဲ့သည်။