မစ္ဆရိယ

မစ္ဆရိယ သည် ဝန်တိုစိတ်ရှိခြင်း ဖြစ်သည်။ မစ္ဆရိယ ၅-မျိုးရှိပြီး ယင်းတို့မှာ -

1. အာဝါသမစ္ဆရိယ (မိမိနေရာ၌ ဝန်တိုမှု)
2. ကုလမစ္ဆရိယ (မိမိ အမျိုးအပေါ် ဝန်တိုမှု)
3. လာဘမစ္ဆရိယ (ပစ္စည်းလာဘ်လာဘကို ဝန်တိုမှု)
4. ဝဏ္ဍမစ္ဆရိယ (ကိုယ့်အဆင်း ဂုဏ်သတင်း ၂လုံး၌ ဝန်တိုမှု)
5. ဓမ္မမစ္ဆရိယ (မိမိတတ်သိသောတရား(အတတ်ပညာ)ကိုဝန်တိုမှု) တို့ ဖြစ်သည်။

ပြီးပြည့်စုံသောဘဝရောက်ချင်ရင် မစ္ဆရိယစိတ်တွေ ကင်း အောင် ကျင့်ကြံနေထိုင်ရမယ်...။ မစ္ဆရိယစိတ် ကြီးမားတဲ့ပုဂ္ဂိုလ်ဟာ ,ဘဝမှာ အောက်တန်းကျတဲ့အမျိုးတွေ ဆင်းရဲတဲ့အမျိုးတွေမှာ ဖြစ်တယ်တဲ့...။ ဆိုပါစို့...လူ့ဘဝရောက်လာပြီဆိုရင် မွေးကတည်းက တဲစုတ်နဲ့အိမ်မှာ သွားမွေးတယ်၊ သို့မဟုတ် နေစရာမရှိတဲ့မိသားစုထဲသွားမွေးတယ်...။ မစ္ဆရိယနည်းပြီးဒါနကောင်းမှုလုပ်တဲ့ ပုဂ္ဂိုလ်က မွေးကတည်းက တိုက်အိမ်မှာသွားမွေးတယ်၊ သူဌေးအိမ်မှာသွားမွေးတယ်...။ ဒါကြောင့် ကိုယ့်ကိုယ်ကိုဆုံးဖြတ်ရမှာ ငါနောင်ဘဝကျရင် တဲစုတ်ထဲသွားမွေးမလား ? သူဌေးအိမ်သွားမွေးမလား? သူဌေးအိမ်မွေးချင်ရင် ကုသိုလ်ကောင်းမှုတော့လုပ်ရမှာပဲ၊ကိုယ့်စိတ်ထဲမှာဖြစ်တဲ့မစ္ဆရိယကို , တော်လှန်ဖို့အရေးကြီးတယ်...။ မစ္ဆရိယကလည်း တော်တော်ကို လူ့စိတ်ကိုလွှမ်းမိုးထားနိုင်တဲ့အနေအထားမျိုးရှိတယ်ပေါ့...။ မစ္ဆရိယကင်းတဲ့ပုဂ္ဂိုလ်တွေကျတော့ အင်မတန်မှ အဆင်ပြေတဲ့ နေရာမျိုးကိုရောက်တယ်တဲ့...။ မစ္ဆရိယတွေ ကင်းလို့ ကုသိုလ်ကောင်းမှုတွေ လုပ်တဲ့ပုဂ္ဂိုလ်ဟာ ဒီဘဝမှာချမ်းသာတဲ့အမျိုး၊ မြင့်မြတ်တဲ့အမျိုး၊မိသားစုထဲမှာ မတောင့်မတမကြောင့်မကြစားရတဲ့ အမျိုးထဲမှာလာပြီးတော့လူဖြစ်တယ်တဲ့...။ လူဖြစ်ပြီးတော့ သူ့ဘဝမှာ အမြဲတမ်း ပြီးပြည့်စုံတဲ့ဘဝမျိုးရောက်တယ်တဲ့...။

1. ဒေါက်တာအရှင်နန္ဒမာလာဘိဝံသ