မမြကလေး

မမြကလေး (၁၁၇၁ - ၁၂၀၇) သည် ကုန်းဘောင်ခေတွင် ထင်ရှားခဲ့သည့် အမျိုးသမီးစာဆိုတော်တစ်ဦး ဖြစ်သည်။

ဘဝ

မမြကလေးကို ၁၁၇၁ ခုနှစ်၊ သီတင်းကျွတ်လပြည့်ကျော် ၂ ရက်နေ့ တနင်္လာနေ့တွင် ဖွားမြင်ခဲ့သည်။ မိဘနှစ်ပါးမျာ ပုသိမ်နယ် သာရဝေါ-ပဲ့နင်းမင်းပျံချီဘွဲ့ခံ သမိန်ထောရာဇာနှင့် မယ်အိ ဖြစ်သည်။ မမြကလေး၏ ငယ်မည်မှာ “မမြကြုတ်” ဖြစ်သည်။

သာယာဝတီမင်းသည် မြို့စားအဖြစ်ဖြင့် စံနေစဉ် မမြကလေးအား နှစ်သက်တော်မူသဖြင့် ကောက်ယူခဲ့သည်။ ၁၁၉၉ ခုနှစ် အထွတ်အမြတ်သို့ ရောက်သည့်အခါတွင် သုရတနာစန္ဒာဒေဝီဘွဲ့ဖြင့် အနောက်နန်းတော်ကို ချီးမြှောက်ပေးအပ်ခဲ့သဖြင့် အနောက်နန်းတော်မမြလေးဟု တွင်ခဲ့သည်။ ထို့နောက်တွင် သမီးတော် လှိုင်ထိပ်ခေါင်တင်ကို ဖွားမြင်ခဲ့သည်။

ကွယ်လွန်ခြင်း

မမြကလေးသည် အထင်တော်လွဲခြင်း ခံရ၍ ၁၂၁၇ ခုနှစ်၊ ဝါခေါင်လတွင် ကွပ်မျက်ခြင်း ခံခဲ့ရသည်။

စာပေများ ရေးသားပြုစုခြင်း

မမြကလေးသည် ပတ်ပျိုးများ၊ တေးထပ်၊ ဒွေးချိုး၊ လေးချိုးနှင့် ဘုန်းတော်ဘွဲ့သီချင်းခံကြီးများကို ရေးသားခဲ့သည်။ မမြကလေး ရေးသားခဲ့သည့် ပတ်ပျိုးများတွင် အောက်ပါတို့ ပါဝင်သည်။

၁။ ရှိစုံရွက်ကြာချီပတ်ပျိုး၊

၂။ နဝရတ်ရောင်စုံချီပတ်ပျိုး၊

၃။ ဂန္ဓမာရိပ်သာဖလ်ဂျနန်းကလေချီပတ်ပျိုး၊

၄။ ရွှေဖီဂေါ်ဇင်ချီပတ်ပျိုး၊

၅။ ဂန္ဓမာတောင်ချီပတ်ပျိုး၊

၆။ ချစ်သမျှကိုချီပတ်ပျိုး။