မယ်တော်ဆေးခန်း
မယ်တော်ဆေးခန်းသည် ထိုင်းမြန်မာနယ်စပ် မဲဆောက်မြို့သို့ ထွက်ပြေးတိမ်းရှောင်နေရသည့် ကရင်တိုင်းရင်းသား ဒေါက်တာ စင်သီယာမောင်က ၁၉၈၉ ခုနှစ်တွင် ဦးစီးဦးဆောင်ပြု တည်ထောင်ထားသည့် ဆေးခန်းဖြစ်သည်။ မဲဆောက်နှင့် အနီးတဝိုက်ဒေသသို့ ရောက်ရှိနေသည့် မြန်မာဒုက္ခသည်များ အဓီက အားထားရာ ဆေးခန်းလည်းဖြစ်သည်။ [၁]
သမိုင်း ပြင်ဆင်ရန်
၁၉၈၈ ခုနှစ် မြန်မာစစ်အစိုးရက ၈၈၈၈ အရေးအခင်းအား အင်အားသုံး ဖိနှိပ်ခြေမှုန်းခဲ့ပြီးနောက် ဒေါက်တာ စင်သီယာမောင်သည် အခြား နိုင်ငံရေး လှုပ်ရှားသူများနှင့်အတူ ထိုင်းနိုင်ငံသို့ ထွက်ပြေးခဲ့ရသည်။ ဒေါက်တာ စင်သီယာမောင် မဲဆောက်မြို့သို့ ရောက်ရှိပြီးနောက် ထိုဒေသရှိ နာမကျန်းသူများအား စောင့်ရှောက်ကုသပေးရန် ဆေးပေးခန်း တစ်ခုကို ထူထောင်ခဲ့သည်။ ထိုနှစ်တွင် လူနာပေါင်း ၂၀၀၀ ကျော်ကို ကုသပေးခဲ့သည်။ [၂] ထိုအချိန်မှစ၍ ကြီးထွားလာသည့် မယ်တော်ဆေးခန်းသည် ဆေးဝါးကုသရေးအပြင် လူမှုရေး အကျိုးဆောင်မှုများ၊ လေ့ကျင့်ရေးများ၊ ကျန်းမာရေးပညာပေး လုပ်ငန်းများကို ဆောင်ရွက်လျက်ရှိသည်။ ၂၀၀၆ ခုနှစ်တွင် မယ်တော်ဆေးခန်းမှ ကူညီပေးခဲ့သူ ၈ သောင်းထက် မနည်း ရှိကြောင်း သိရသည်။ [၃].
ယနေ့တွင် မယ်တော်ဆေးခန်းမှ ကုသပေးနေရသည့် လူနာအများစုမှာ မြန်မာအစိုးရ၏ အဓမ္မမှုကြောင့် မိမိဌာနေကို ကျောခိုင်းခဲ့ရသည့် ကရင်လူမျိုး ဒုက္ခသည်များ ဖြစ်သည်။ [၄][၅].
၂၀၀၈ ခုနှစ် ဩဂုတ်လတွင် အမေရိကန်သမ္မတ ဂျော့ရှ် ဒဗလျူ ဘုရှ် တို့ ဇနီးမောင်နှံ ထိုင်းနိုင်ငံသို့ သွားရောက်ချိန်တွင် လော်ရာဘုရှ် သည် မယ်တော်ဆေးခန်းသို့ သွားရောက် ကြည့်ရှုကာ ဒေါက်တာ စင်သီယာမောင်နှင့် သူမ၏ အကျိုးပြု ဆောင်ရွက်ချက်များကို အားပေးထောက်ခံကြောင်း ပြောကြားခဲ့သည်။[၆] လော်ရာဘုရှ် က မယ်တော်ဆေးခန်းအား ဤကဲ့သို့ မီဒီယာရှေ့ မီးမောင်းထိုးခြင်းသည် နိုင်ငံရေး ရည်မှန်းချက် ရှိနေသည်၊ [၇] မြန်မာအာဏာပိုင်များအပေါ် အမေရိကန်တို့၏ ရပ်တည်ချက်ကို ဗွင်းဗွင်းလင်းလင်း ဖော်ပြလိုက်ခြင်း ဖြစ်သည်ဟု အချို့က ထင်ကြေးပေးကြသည်။
မယ်တော်ဆေးခန်း၏ ရည်မှန်းချက် ပြင်ဆင်ရန်
- ထိုင်းမြန်မာနယ်စပ် တလျှောက် အပြောင်းအရွှေ့ခံရသည့် မြန်မာနိုင်ငံသားများအား ကျန်းမာရေး စောင့်ရှောက်မှုပေးရေး၊
- ကျန်းမာရေး ဝန်ထမ်းများအား ကနဦးလေ့ကျင့်မှုနှင့် နောက်ဆက်တွဲ ဆေးပညာ ပို့ချပေးရေး၊
- နယ်စပ်ဒေသအတွင်း ကျန်းမာရေးစနစ် ဆိုင်ရာ အချက်အလက်များကို အားဖြည့်ပေးရေး၊
- ဒေသတွင်းရှိ မြန်မာလူထုအကြား ကျန်းမာရေး ဗဟုသုတ တိုးပွားလာစေရေး၊
- ဌာနေရှိ ကျန်းမာရေး အဖွဲ့အစည်းများအကြား ပူးပေါင်းဆောင်ရွက်နိုင်ရန် ညှိနှိုင်းပေးရေး၊
- နိုင်ငံတကာ ကျန်းမာရေးဌာနများ ကျွမ်းကျင်သူများနှင့် ပူးတွဲဆောင်ရွက်ခြင်းကို အားဖြည့်လုပ်ဆောင်ရေး တို့ဖြစ်သည်။[၁]
အကျိုးဆောင်မှု ပြင်ဆင်ရန်
- အပြင်လူနာ
- အတွင်းလူနာ
- ခွဲစိတ်ကုသမှု
- သားဖွားမီးယပ်
- ကလေးသူငယ် ကျန်းမာရေး
- ကျန်းမာရေး ပညာပေး
- ဓာတ်ခွဲခန်းနှင့် သွေးဘဏ်
- မျက်လုံးနှင့် မျက်လုံးခွဲစိတ်ကုသမှု
- ခြေတု၊ လက်တုများ တပ်ဆင်ခြင်း
- ငှက်ဖျားရောဂါ ကုသရေး
- HIV/AIDS ရောဂါ ကြိုတင်ကာကွယ်ရေး
- တီဘီရောဂါ ရှာဖွေခြင်း
- မဲဆောက်ဆေးရုံသို့ လမ်းညွှန်ပေးခြင်း
လက်ရှိဝန်ထမ်း ပြင်ဆင်ရန်
- ဆရာဝန် ၅
- ကျန်းမာရေး ဝန်ထမ်း ၁၂၀
- ရိုးရိုးဝန်ထမ်း ၄၀
ပြင်ပလင့်ခ်များ ပြင်ဆင်ရန်
မယ်တော်ဆေးခန်းနှင့် ဒေါက်တာ စင်သီယာမောင်တို့နှင့် စပ်လျဉ်း၍
ဗီဒီယို
- CNN, October 10 2007 'Desperate for Help in Myanmar': http://edition.cnn.com/video/#/video/world/2007/10/10/chance.thailand.refugee.doctor.cnn
- You Tube, May 2006: http://www.youtube.com/watch?v=glnQr5lc_Uk
သတင်း
- Voice of America, 25 June 2008: https://web.archive.org/web/20080628191855/http://www.voanews.com/english/Making-a-Difference-Cynthia-Maung.cfm
- Time (Asia): https://web.archive.org/web/20030422124141/http://www.time.com/time/asia/2003/heroes/cynthia_maung.html
- Ramon Magasaysay Award for Community Leadership: http://www.rmaf.org.ph/Awardees/Citation/CitationMaungCyn.htm Archived 29 April 2011 at the Wayback Machine.
Facebook:
ဘလော့ဂ်
- http://student.bmj.com/back_issues/1101/life/426.html
- http://burmasitmone.wordpress.com/2008/01/13/another-towering-lady-of-burma-dr-cynthia-maung/[လင့်ခ်သေ]
အထွေထွေ
- Asian Human Rights Commission: http://www.ahrchk.net/index.php Archived 5 November 2009 at the Wayback Machine.
- Back Packer Health Worker Team: https://web.archive.org/web/20070704102041/http://www.geocities.com/maesothtml/bphwt/
- Burma Campaign UK: http://www.burmacampaign.org.uk/
- Ramon Magasaysay Award Foundation: http://www.rmaf.org.ph/ Archived 20 February 2009 at the Wayback Machine.
ကိုးကား ပြင်ဆင်ရန်
- ↑ ၁.၀ ၁.၁ မော်ကွန်းတင်ပြီးမိတ္တူ။ 31 October 2007 တွင် မူရင်းအား မော်ကွန်းတင်ပြီး။ 10 November 2009 တွင် ပြန်စစ်ပြီး။
- ↑ BBC NEWS | Asia-Pacific | Saving lives on the Burmese border
- ↑ http://news.bbc.co.uk/2/hi/asia-pacific/6418645.stm</[လင့်ခ်သေ]
- ↑ မော်ကွန်းတင်ပြီးမိတ္တူ။ 21 August 2008 တွင် မူရင်းအား မော်ကွန်းတင်ပြီး။ 10 November 2009 တွင် ပြန်စစ်ပြီး။
- ↑ Ingenitex Media။ 10 March 2010 တွင် မူရင်းအား မော်ကွန်းတင်ပြီး။ 10 November 2009 တွင် ပြန်စစ်ပြီး။
- ↑ Statement by Mrs. Laura Bush After a Visit to Mae Tao Clinic
- ↑ မော်ကွန်းတင်ပြီးမိတ္တူ။ 12 August 2010 တွင် မူရင်းအား မော်ကွန်းတင်ပြီး။ 10 November 2009 တွင် ပြန်စစ်ပြီး။