မဟာမြတ်မုနိဘုရား (နမ့်ဆန်မြို့)

မဟာမြတ်မုနိဘုရား သည် ရှမ်းပြည်မြောက်ပိုင်း၊ နမ့်ဆန်မြို့မှ တစ်မိုင်အကွာ ရွှေစကားပင်တောင်ပေါ်တွင်တည်ရှိသည့် ရုပ်ပွားတော်တစ်ဆူ ဖြစ်သည်။

သမိုင်းကြောင်း

ရုပ်ပွားတော်မြတ်ကြီးကို သက္ကရာဇ် ၁၁၄၃ ခုနှစ်တွင် တောင်ပိုင်နယ် ကွန်ဟယ်ရွာဇာတိ ပလောင်ဘုန်းတော်ကြီး ဦးစန္ဒာ ကြီးမှူး၍ သွန်းလုပ်တော် မူခဲ့သည်။ ထို့နောက်တွင် ပေ ၅၀၀၀ ကျော်မြင့်သည့် ရွှေစကားပင် တောင်ပေါ်သို့ ပင့်ဆောင်ခဲ့သည်။

အတိုင်းအတာများ

ရုပ်ပွားတော်ကြီး၏ မကိုဋ်တော်မှာ ရွှေချိန် ၅ ပိဿာ ၉၈ ကျပ်သားရှိ၍ ကျောက်မျက်ရတနာတို့ဖြင့် ပြုလုပ်ထားသည်။ တန်ဖိုးအားဖြင့် ငွေ နှစ်သိန်း နီးပါးတန်သည်။ ၁၂၉၆ ခုနှစ်တွင် ကဆုန်လပြည့်ကျော် ၁၁ ရက်နေ့ညတွင် မကိုဋ်ကို မသမာသောသူတို့ ခိုးခြင်း ခံခဲ့ရသည်။ ထို့နောက်တွင် စော်ဘွားကြိး ခွန်ပန်းစိန်က ကြီးကြပ်ကာ ရွှေချိန် ၄ ပိဿာကျော်၊ ကျောက်မျက်ရတနာတို့ဖြင့် မကိုဋ်သစ်ပြုလုပ်ကာ ၁၂၉၈ ခုနှစ်၊ တပေါင်းလတွင် တင်လှူခဲ့သည်။

တောင်ပိုင်းနယ် ဦးဇနိယသည် ကျောက်မျက်များ စီခြယ်ထားသည့် ရွှေစလွယ်တော်ကို လှူခဲ့သည်။

ရုပ်ပွားတော်ကြီးသည် စမ္မခံမှ မဏိတော်အထိ ဉာဏ်တော် ၇ တောင် ၁ မိုက် ရှိသည်။