မိုက်ခရိုနီးရှားဒဏ္ဍာရီ

မိုက်ခရိုနီးရှားဒဏ္ဍာရီ (အင်္ဂလိပ်: Micronesian mythology) တွင် မိုခရိုနီးရှားလူမျိုးတို့၏ ရိုးရာယုံကြည်မှုစနစ်များပါဝင်သည်။ မိုက်ခရိုနီးရှားကျွန်းများ၌ တစ်ခုတည်းသော ယုံကြည်မှုစနစ်မရှိချေ။ ကျွန်းတစ်ကျွန်းစီတွင် ကိုယ်ပိုင်ဒဏ္ဍာရီလာ ပုဂ္ဂိုလ် (သို့) သတ္တဝါများရှိကြသောကြောင့် ဖြစ်၏ ။

နယ်မြေဒေသ

မိုက်ခရိုနီးရှားသည် သမုဒ္ဒရာပိုင်းဒေသအဖြစ် သိရှိသော နယ်မြေတွင် ပစိဖိတ်သမုဒ္ဒရာ၏ အနောက်တောင်ပိုင်းတွင်တည်ရှိသော ဒေသတစ်ခုဖြစ်သည်။ ထိုဒေသတွင် ကျွန်းစု အချို့ရှိ၍ ပါဝင်သော ကျွန်းများမှာ ကာရာလိုင်းကျွန်းများ (Caroline Islands)၊ မာရှယ်ကျွန်းများ၊ မာရီယားနာကျွန်းများ (Mariana)၊ ဂစ်လ်ဘ ကျွန်းများ (Gilbert) ပါဝင်သည်။ ၁၅၂၀နှစ်များတွင် များစွာသော ဥရောပသားများ ရောက်ရှိလာမှုနှင့်အတူ ရိုးရာယုံကြည်မှုများကျဆင်း၍ ပြောင်းလဲသွားခဲ့သည်။ ထို့အပြင် ဥရောပယဉ်ကျေးမှုများနှင့် ထိတွေ့ခြင်းကလည်း ထိုဒေသတွင်း ဒဏ္ဍာရီ၊ ရာဇဝင်များကို ပြောင်းလဲသွားစေခဲ့သည်။