မီးသတ်ဦးစီးဌာန(အင်္ဂလိပ်: Fire Service Department)သည် ပြည်ထဲ​ရေးဝန်ကြီးဌာနလက်​အောက်ရှိ ဌာနတစ်ခုဖြစ်သည်။

မီးသတ်ဦးစီးဌာန
 မြန်မာအစိုးရအဖွဲ့အစည်း
Seal of FSD.png
အစိုးရအဖွဲ့အစည်း အကျဉ်းချုပ်
ဖွဲ့စည်းသည့်အချိန်၃ ဖေဖော်ဝါရီ ၁၉၄၇ (မီးသတ်ဌာန)
ယခင်အဖွဲ့အစည်းမီးသတ်ဌာန
ဌာနချုပ်အုတ်ပုံဆိပ်လမ်း၊ မရမ်းကုန်းမြို့နယ်၊ ရန်ကုန်မြို့။
ဝန်ကြီးများဒုတိယဗိုလ်ချုပ်ကြီးစိုးထွဋ်
ဌာနအကြီးအမှူးများဦးမြတ်သူ၊ ညွှန်ကြားရေးမှူးချုပ်
မိခင်အဖွဲ့အစည်းပြည်ထဲရေး ဝန်ကြီးဌာန
ဝက်ဘ်ဆိုက်fsd.gov.mm

သမိုင်းကြောင်းပြင်ဆင်

 
မြန်မာနိုင်ငံမီးသတ်တပ်ဖွဲ့၊ မီးသတ်သုတေသနနှင့် မီးဘေးလုံခြုံရေး အသိပညာပေးရေးဌာန

သမိုင်းမှတ်တမ်းများအရ ပုဂံခေတ်၊ အနော်ရထာမင်းစော (အေဒီ-၁၀၄၄-၁၀၇၇)လက်ထက်ကပင် မီးကပ်တပ်သား (၆၆၃)ဦး (သောသောညံ ပုဂံမီးဆော်မောင်း) ခန့်ထားပြီး ပုဂံနေပြည်တော်၏ မီးဘေး ကာကွယ်ရေး လုပ်ငန်းများကို ဆောင်ရွက်ခဲ့သည်။ ရှေးခေတ် မြန်မာမင်းအဆက်ဆက် လက်ထက်တွင်လည်း မီးဘေးကာကွယ်ရေး အမိန့်ပြန်တမ်းများ ထုတ်ပြန်ပြီး နိုင်ငံတော် မီးဘေး ကာကွယ်ရေး လုပ်ငန်းများ ဆောင်ရွက်ခဲ့ကြသည့် အထောက်အထားများရှိခဲ့သည်။

 
ကိုလိုနီခေတ်မီးသတ်ယာဉ်များ၊ မြန်မာနိုင်ငံမီးသတ်တပ်ဖွဲ့ မီးသတ်သုတေသနနှင့် မီးဘေးလုံခြုံရေး အသိပညာပေးရေးဌာန

ပထမဦးဆုံးသော ရန်ကုန်မြူနီစီပါယ်မီးသတ်ကို ၁၈၈၅ ခုနှစ်တွင် တည်ထောင်ခဲ့သည်။ ၁၉၃၂ ခုနှစ်တွင် ရန်ကုန်မြူနီစီပယ်အက်ဥပဒေအရ စေတနာ့ဝန်ထမ်း မီးသတ်အဖွဲ့အစည်းကို စတင်ဖွဲ့စည်းခဲ့ပြီး ၁၉၄၇ခုနှစ်၊ ဖေဖော်ဝါရီလ(၃)ရက်နေ့တွင် ပညာရေးနှင့် ဒေသန္တရအုပ်ချုပ်ရေးဌာန၏ အမိန့်အရ မီးဘေးတားဆီးရေးနှင့် မီးဘေးကာကွယ်ရေး ကိစ္စရပ်များကို ဆောင်ရွက်ရန် မီးသတ်ဌာနကို မီးသတ်ညွှန်ကြားရေးဝန် အပါအဝင် အရာထမ်း အမှုထမ်း (၂၁)ဦးတို့ဖြင့် ဖွဲ့စည်းခဲ့ပါသည်။ ၁၉၅၂ ခုနှစ်၊ မတ်လ(၂၈)ရက်နေ့တွင် မီးသတ်ဝန်ထမ်း အက်ဥပဒေအမှတ်(၆)ကို ပြဋ္ဌာန်းပြီး ပြည်ထဲရေး ဝန်ကြီးဌာနခွဲ၊ နိုင်ငံတော်အစိုးရ မီးသတ်ဌာနတွင် ဝန်ထမ်း(၆၃၆)ဦးဖြင့် ဖွဲ့စည်းခဲ့သည်။ ၁၉၆၃ ခုနှစ်တွင် မီးသတ်တပ်ဖွဲ့ ဥပဒေကို အသစ်ထုတ်ပြန် ပြဋ္ဌာန်းခဲ့သည်။

၁၉၇၂ ခုနှစ်တွင် စနစ်သစ်အုပ်ချုပ်ရေးဖော်ထုတ်မှု အစီအစဉ်အရ အခြားဌာနများနှင့် ဝန်ထမ်း(၄၄၈)ဦး ပြောင်းရွှေ့ရောက်ရှိလာရာ ဝန်ထမ်းအင်အား (၁၇၉၈)ဦးအထိတိုးတက်လာခဲ့ပြီး (၂၄)နာရီ တာဝန် ထမ်းဆောင်သည့် မီးသတ်တပ်ဖွဲ့ ဖြစ်လာခဲ့သည်။ ၁၉၈၀ ခုနှစ်၊ ဧပြီလ(၁)ရက်နေ့မှစတင်၍ ရိက္ခါငွေများ ခံစားခွင့်ရရှိခဲ့သည်။

နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ လက်ထက် ၁၉၉၁ ခုနှစ်၊ ဒီဇင်ဘာလမှ စတင်၍ ဖွဲ့စည်းပုံကို (၂၅၈၁)ဦးအထိ အင်အားတိုးချဲ့ ဖွဲ့စည်းခဲ့ပြီး ၁၉၉၂ခုနှစ်၊ ဖေဖော်ဝါရီလ (၂၀)ရက်နေ့တွင် မီးသတ်လုပ်ငန်းများကို ကျယ်ကျယ်ပြန့်ပြန့် ဆောင်ရွက်နိုင်ရန် ပြည်ထဲရေးနှင့် သာသနာရေးဝန်ကြီးဌာနမှ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနသို့ ပြောင်းရွှေ့ခဲ့သည်။ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ လက်ထက် ၁၉၉၈ခုနှစ်၊ ဧပြီလ(၃၀)ရက်နေ့ တွင် အရာထမ်း၊ အမှုထမ်း(၈၂၂)ဦးပါဝင်သော ဗဟိုမီးသတ် သင်တန်းကျောင်းကြီးကို ဖွင့်လှစ်ခဲ့သည်။၂၀၁၁ ခုနှစ်တွင် မီးသတ်စခန်းများအား ယူနစ်အဆင့်မြှင့်တင်ရန် (၇၁၆၇)ဦး ဖွဲ့စည်းပုံ တင်ပြ ခွင့်ပြုချက် ရရှိခဲ့ပါသည်။ [၁] ပြည်ထောင်စုသမ္မတမြန်မာနိုင်ငံတော် အစိုးရလက်ထက်တွင် မီးသတ်ဦးစီးဌာနသည် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ကွပ်ကဲမှုအောက်မှ ၆-၁၁-၂၀၁၂ ရက်နေ့တွင် ပြည်ထဲရေးဝန်ကြီးဌာန ကွပ်ကဲမှုအောက်သို့ ပြောင်းရွှေ့တာဝန်ထမ်းဆောင်ခဲ့ပြီး ၂၀၁၇ ခုနှစ် ဖေဖော်ဝါရီလတွင် မီးသတ်ဦးစီးဌာန၏ လုပ်ငန်းလိုအပ်ချက်အရ အရာထမ်း ၇၃၅ ဦး၊ အမှုထမ်း ၂၃၈၆၄ ဦး၊ စုစုပေါင်း ဖွဲ့စည်းပုံအင်အား ၂၄၅၉၉ ဦးဖြင့် မီးဘေးလုံခြုံရေးလုပ်ငန်းများကို ဆောင်ရွက်လျှက်ရှိသည်။

မီးသတ်တပ်ဖွဲ့နေ့ပြင်ဆင်

အကျယ်တဝင့် ဖော်ပြထားသောဆောင်းပါး - မီးသတ်တပ်ဖွဲ့နေ့

မီးသတ်အစည်းအရုံးများစုစည်းရန် ၁၉၄၆ ခုနှစ်မေလ(၅)ရက်နေ့တွင်ဗမာနိုင်ငံလုံးဆိုင်ရာစေတနာ့ဝန်ထမ်း မီးသတ်အစည်း အရုံး ညီလာခံကြီးကိုရန်ကုန်မြို့၊ကန်တော်ကလေး၊ ဇိနတ်အစ္စလာမ်အမျိုးသမီးကျောင်းတွင် ကျင်းပ ခဲ့ရာတစ်ပြည်လုံးရှိ(၁၉)ခရိုင်မှကိုယ်စားလှယ်ပေါင်း(၁၉၇)ဦးစုံညီစွာတက်ရောက်ခဲ့ကြသည်။နာယကလူကြီးများမှာဦးအောင်ဆန်း၊ဦးဘချို၊ဦးဘဂျမ်း၊သခင်မြ၊ဦးဘဖေကြီး၊ဦးစိုးညွန့်ဟင်္သာတဦးမြ၊ဦးတင်(မြန်မာ့အလင်း)၊ဦးမြ(ပျော်ဘွယ်)သခင်သန်းထွန်း၊ဦးဘဝင်း၊ဗန္ဓုလဦးစိန်တို့ဖြစ်ကြသည်အဆိုပါအခမ်း အနားသို့အမျိုးသားခေါင်းဆောင်ကြီး ဗိုလ်ချုပ် အောင်ဆန်းကိုယ်တိုင် တက်ရောက်ခဲ့ပြီးမီးသတ်လုပ်ငန်းနှင့်ပတ်သက်၍လမ်းညွှန်ဩဝါဒမိန့်ကြားခဲ့သည်၊ဗမာနိုင်ငံ လုံးဆိုင်ရာမီးသတ်ညီလာခံကျင်းပခဲ့သည့်မေလ(၅)ရက်နေ့ကိုမီးသတ်တပ်ဖွဲ့နေ့အဖြစ်နှစ်စဉ်ကျင်းပခဲ့သည်။

မီးသတ်တပ်ဖွဲ့ပြင်ဆင်

မီးသတ်ဦးစီးဌာနလက်အောက်တွင် မီးသတ်တပ်ဖွဲ့ကိုသုံးမျိုးခွဲခြားထားပါသည်- (က) အစိုးရမီးသတ်တပ်ဖွဲ့ဝင်များ၊(သန္ဓေမီးသတ်တပ်ဖွဲ့ဝင်များ) (ခ) ဒေသအရန်မီးသတ်တပ်ဖွဲ့ဝင်များ (ဂ) သီးသန့်ဖွဲ့စည်းထားသော မီးသတ်တပ်ဖွဲ့ဝင်များ (မီးဘေးစိုးရိမ်ရသောစက်ရုံ/အလုပ်ရုံများ၊စီးပွားရေး လုပ်ငန်းများအတွက်ဖွဲ့စည်းထားသော ဝန်ထမ်းများ)

ဖွဲ့စည်းပုံပြင်ဆင်

  • ညွှန်ကြားရေးမှူးချုပ်
  • ဒုတိယညွှန်ကြားရေးမှူးချုပ်
  • ညွှန်ကြားရေးမှူး
  • ဒုတိယညွှန်ကြားရေးမှူး
  • လက်ထောက်ညွှန်ကြားရေးမှူး
  • ဦးစီးအရာရှိ
  • ဒုတိယမီးသတ်ဦးစီးမှူး
  • လက်ထောက်မီးသတ်ဦးစီးမှူး
  • မီးသတ်တပ်ကြပ်ကြီး
  • မီးသတ်တပ်ကြပ်/ဒု-တပ်ကြပ်
  • မီးသတ်တပ်သား

သင်တန်းများပြင်ဆင်

(က) ဗဟိုမီးသတ်သင်တန်းကျောင်းတွင် ဖွင့်လှစ်သော သင်တန်းများမှာ အောက်ပါအတိုင်းဖြစ်သည်။

  • အခြေခံမီးသတ်ပညာသင်တန်း
  • တန်းမြင့်မီးသတ်ပညာသင်တန်း
  • အဆင့်မြင့်မီးသတ်ပညာသင်တန်း
  • စခန်းမှူးသင်တန်း
  • အဆင့်မြင့်အရာရှိသင်တန်း
  • အသက်ကယ်နည်းစနစ်သင်တန်း
  • ရေကူးသင်တန်း
  • အင်္ဂလိပ်စာသင်တန်း
  • ဆေးတပ်စုသင်တန်း
  • ရေပြင်အသက်ကယ်သင်တန်း
  • လက်ထောက်မီးသတ်ဦးစီးမှူးလောင်းသင်တန်း
  • စိုက်ပျိုးရေးနှင့် မွေးမြူရေးသင်တန်း
  • ကွန်ပျူတာ အခြေခံသင်တန်း

(ခ) လေ့ကျင့်ရေးဌာနစု(ရန်ကုန်)တွင် ဖွင့်လှစ်သော သင်တန်းများမှာ အောက်ပါအတိုင်းဖြစ်သည်။

  • စခန်းမှူးသင်တန်း
  • အသက်ကယ်နည်းစနစ်သင်တန်း
  • ရေကူးနည်းစနစ်သင်တန်း
  • ရေပြင်အသက်ကယ်သင်တန်း
  • အင်တာနက်နှင့် အီးမေး(လ်)သင်တန်း
  • မြို့နယ်မှူးမွမ်းမံသင်တန်း
  • စခန်းမှူးမွမ်းမံသင်တန်း
  • စက်ပြင်သင်တန်း
  • လေယာဉ်မီးငြိမ်းသတ်ရေးနှင့် အသက်ကယ်နည်းစနစ်သင်တန်း
  • ယာဉ်မောင်းနည်းပြသင်တန်း

ကိုးကားပြင်ဆင်

  1. မြန်မာနိုင်ငံမီးသတ်တပ်ဖွဲ့သမိုင်းအကျဉ်းချုပ်။ ၂၂ ၊ ၂၀၁၃ တွင် ပြန်စစ်ပြီး။မတ်လ ၂၀၁၃ တွင် ပြန်စစ်ပြီး။

ပြင်ပလင့်ခ်များပြင်ဆင်