မုသာဝါဒသုတ်
(၃)သုတ် ရှိပါသည်။
[၁] ဘုရားရှင် ကောသလနိုင်ငံ ... သီတင်းသုံးတော်မူစဉ် မုသာဝါဒမှရှောင်ကြဉ်သော သတ္တဝါတို့နည်းပါးလှပုံ၊ မုသာဝါဒမှ မရှောင်ကြဉ်သောသတ္တဝါတို့ များပြား လှပုံ၊ သစ္စာလေးပါးကို မသိမမြင်ကြပုံ ထို့ကြောင့် အရိယသစ္စာလေးပါးတို့ကို သိမြင်ရန် အားထုတ်သင့်ပုံကို ရဟန်းတို့အား ဘုရားရှင် ဟောတော်မူသည့်သုတ်။
[၂] ဘုရားရှင် ကောသလနိုင်ငံ ... သီတင်းသုံးတော်မူစဉ် ဝစီဒုစရိုက်လေးပါးကို ပြောဆိုသောပုဂ္ဂိုလ်သည် ကွယ်လွန်ပြီးနောက် ငရဲသို့ရောက်ရမည်၊ ဝစီဒုစရိုက် လေးပါးတို့မှ ရှောင်ကြဉ်သောပုဂ္ဂိုလ်သည် ကွယ်လွန်ပြီးနောက် နတ်ပြည်သို့ရောက်လိမ့်မည်ဟု ကဏှပက္ခ, သုက္ကပက္ခအားဖြင့် ရဟန်းတို့အား ဘုရားရှင် ဟောတော်မူသည့်သုတ်။
[၃] သမ္ပဇာန မုသာဝါဒဟူသော တစ်ခုသောဓမ္မကို ကျူးလွန်သောပုဂ္ဂိုလ်အား တစ်စုံတစ်ခုသောမကောင်းမှုကို မပြုလုပ်တော့သည်မရှိဟု ဝံသနိုင်ငံ ကောသမ္ဗီမြို့ ဥတေနမင်းနန်းတော်၌ ခုဇ္ဇုတ္တရာက သမာဝတီအမှူးရှိသော မိဖုရားတို့အား ဘုရားရှင် အထံတော်ကကြားနာခဲ့ပုံကို ဟောပြသည့်သုတ်။ [၄]
ကိုးကား
ပြင်ဆင်ရန်- ↑ -သံ၊၃၊၄၀၇။ သံ၊မြန်၊၃၊၄၁၃။ -သံယုတ္တနိကာယ၊ မဟာဝဂ္ဂသံယုတ္တ၊ ၁၂-သစ္စသံယုတ္တ၊ ၈-ဒုတိယအာမကဓညပေယျာလဝဂ္ဂ၊ စတုတ္ထသုတ်။
- ↑ -အံ၊၁၊၃၉၅-၆။ အံ၊မြန်၊၁၊၄၁၀။ -အင်္ဂုတ္တရနိကာယ၊ စတုက္ကနိပါတ၊ ၂-ဒုတိယပဏ္ဏာသက၊ (၉) ၄-မစလဝဂ္ဂ၊ ဒုတိယသုတ်။
- ↑ -ဣတိဝုတ်၊၂၀၇။ ဣတိဝုတ်၊မြန်၊၁၉၀။ ဣတိဝုတ်၊ဋ္ဌ၊၈၂-၃။ -ခုဒ္ဒကနိကာယ၊ ဣတိဝုတ္တက၊ ၁-ဧကကနိပါတ၊ ၃-တတိယဝဂ္ဂ၊ ပဉ္စမသုတ်။
- ↑ ပခုက္ကူမြို့ မဟာဝိသုတာရာမတိုက်၊ သာသနဓဇ သိရီပဝရ ဓမ္မာစရိယ၊ B.A (ဝိဇ္ဇာဂုဏ်ထူး-သီရိလင်္ကာ)၊ အဂ္ဂမဟာပဏ္ဍိတ ဘဒ္ဒန္တ ကေလာသမဟာထေရ် တိပိဋကသူစိကျမ်း နှင့် နိုင်ငံတော်ပရိယတ္တိသာသနာ့ တက္ကသိုလ် (ရန်ကုန်) ဒုတိယပါမောက္ခချုပ်၊ အဂ္ဂမဟာပဏ္ဍိတ ဘဒ္ဒန္တကုမာရထေရ် တိပိဋက သုတ္တသူစိ ဝိဘာဝိနီ