မေဃသုတ်

(၂)သုတ် ရှိပါသည်။

ဘုရားရှင် ကောသလနိုင်ငံ ... သီတင်းသုံးတော်မူစဉ် “နွေလတို့၏နောက်ဆုံး ဖြစ်သော ဝါဆိုလ၌ ကောင်းကင်သို့ပျံ့နှံ့တက်နေသော မြူနုမြူကြမ်းကို အချိန် အခါမဲ့ရွာသွန်းသော မိုးကြီးသည် တခဏချင်း ကွယ်ပျောက်ငြိမ်သက်စေသကဲ့သို့ ဝိဝေကနိဿိတ၊ ဝိရာဂနိဿိတ၊ နိရောဓနိဿိတ၊ ဝေါဿဂ္ဂပရိဏာမီဖြစ်အောင် အဋ္ဌင်္ဂိက အရိယမဂ်ကိုပွားများအပ်၊ ကြိမ်ဖန်များစွာ အလေ့အလာပြုအပ်သည်ရှိသော် ဖြစ်ပေါ်လာကုန် ဖြစ်ပေါ်လာကုန်သော ပါပကအကုသလဓမ္မတို့ကို တခဏချင်း ကွယ်ပျောက်ငြိမ်းအေးစေနိုင်၏ဟု ရဟန်းတို့အား ဘုရားရှင်ဟောတော်မူသည့်သုတ်။

---

ဘုရားရှင် ကောသလနိုင်ငံ ... သီတင်းသုံးတော်မူစဉ် “သည်းထန်စွာရွာသွန်း နေသောမိုးကြီးကို ပြင်းထန်စွာတိုက်ခတ်လာသော လေမုန်တိုင်းသည် ရွာသွန်းနေစဉ် တခဏချင်း ကွယ်ပျောက်ငြိမ်သက်သွားစေနိုင်သကဲ့သို့၊ အထက်သုတ်တော်အတိုင်း အဋ္ဌင်္ဂိက အရိယာမဂ်ကိုပွားများလျှင် အကုသိုလ်တရားတို့ကို တခဏချင်းကွယ်ပျောက် ငြိမ်းအေးစေနိုင်၏”ဟု ရဟန်းတို့အား ဘုရားရှင် ဟောတော်မူသည့်သုတ်။