မျိုးမင်းစိုး

မျိုးမင်းစိုး (၁၂ ဇွန် ၁၉၇၆ မွေးဖွား) သည် မြန်မာနိုင်ငံသား ဖက်ရှင်ဒီဇိုင်နာတစ်ဦး ဖြစ်သည်။ ၁၉၇၆ ခုနှစ်၊ ဇွန်လ (၁၂)ရက်နေ့၌ မန္တလေးမြို့တွင် မွေးဖွားခဲ့သည်။

မျိုးမင်းစိုး
မွေးဖွား	(၁၉၇၆--၁၂)ဇွန် ၁၂၊ ၁၉၇၆ မန္တလေးမြို့
နိုင်ငံလူမျိုး	မြန်မာ
တက်ကြွလှုပ်ရှားနှစ်များ	၂၀၀၇ - လက်ရှိ
ကျော်ကြားမှုအရင်းခံ	ဖက်ရှင်ဒီဇိုင်နာ

မျိုးမင်းစိုးသည် မြန်မာ့ဒီဇိုင်နာလောက တွင်အောင်မြင်သော ဒီဇိုင်နာတစ်ယောက် ဖြစ်ပြီး ရွှေသား ဝတ်စုံများ၊ ရတနာဝတ်စုံများ ဖန်တီးချုပ်လုပ်ခြင်းဖြင့် ထင်ရှားသည်။

သက်မွေးဝမ်းကြောင်း

မျိုးမင်းစိုး သည် စက်ချုပ် လုပ်ငန်း လုပ်ကိုင်သော မိသားစုတွင် မွေးဖွားခဲ့သောကြောင့် ငယ်စင်ကတည်းကပင် စက်ချုပ်ခြင်းနှင့် ပတ်သက်ပြီး ရင်းနှီးခဲ့သည်။ စက်ချုပ်လုပ်ငန်းကို မိခင်ထံမှ ပညာအမွေ ဆက်ခံခဲ့သည်။ ၇ တန်း တက်ရောက်နေစဉ်ကတည်းကပင် နွေရာသီ ကျောင်းပိတ်ရက်ရောက်တိုင်း မိခင်ထံမှ စက်ချုပ် သင်ရသည်။ သူသည် ရတနာပုံတက္ကသိုလ် တွင် သင်္ချာမေဂျာဖြင့် အဝေးသင်တက်ရောက်ခဲ့ပြီး ၂၀၀၅ ခုနှစ်တွင် ဘွဲ့ရခဲ့သည်။ ဖက်ရှင်ဆိုင် တစ်ဆိုင်တွင် အလုပ်လုပ်ခဲ့ပြီးနောက် ဖက်ရှင်ပညာကို ဝါသနာပါခဲ့ပြီး တက္ကသိုလ်ကျောင်းပြီးသောအခါ ဒီဇိုင်နာပညာကို စတင်လေ့လာခဲ့သည်။ သူသည် ၂၀၀၇ ခုနှစ်ကတည်းက ဒီဇိုင်နာလောက ကို ဝင်ရောက်လာခဲ့သည်။ သူ၏ ဖက်ရှင်ဆိုင်ကိုလည်း ၂၀၀၇ ခုနှစ်၊ မန္တလေးမြို့တွင် ဖွင့်လှစ်ခဲ့သည်။

မျိုးမင်းစိုးသည် မန္တလေးမြို့ မှ ရန်ကုန်မြို့အထိ ခြေဆန့်နိုင်ခဲ့ပြီး ဒီဇိုင်နာလောကတွင် အောင်မြင်သော ဒီဇိုင်နာတစ်ယောက် အဖြစ် ရပ်တည်နိုင်ခဲ့သည်။ ဟောင်ကောင်၊ ဘန်ကောက်၊ ချင်းမိုင် တို့တွင်လည်း သူဖန်တီးထားသော ဝတ်စုံပြပွဲနှင့်Show များပြုလုပ်ခဲ့ပြီး ဖြစ်သည်။ မြန်မာပြည်တွင်း တွင် ဖက်ရှင်ပြပွဲ ၁၀ဝ ကျော်ပြသခဲ့ပြီးဖြစ်သည်။ အမျိုးသမီးရေးရာပွဲများ၊ Myanmar Fashion Week များ၊ နိုင်ငံတော်ပွဲများ နှင့် တခြားပွဲများတွင်လည်း မျိုးမင်းစိုးရဲ့ ဖက်ရှင်ဝတ်စုံများကိုဖော်ပြခဲ့သည်။ ဖက်ရှင်ပြိုင်ပွဲများတွက်လည်း ဒိုင်အဖြစ်လည်း လုပ်ကိုင်သည်။ထို့အပြင် မြန်မာ့ရုပ်ရှင် အကယ်ဒမီ ထူးချွန်ဆုပေးပွဲများတွင် ရုပ်ရှင်အနုပညာရှင်များနှင့် အတတ်ပညာရှင်များကို အဝတ်စားဆင်ယင်မှုအတွက် စပွန်ဆာပေးခဲ့သည်မှာ ၁၀နှစ်ကျော်ပြီ ဖြစ်သည်။ မျိုးမင်းစိုးသည် ရွှေသားများ စိန်များ ရတနာများဖြင့် တန်ဖိုးကြီးဝတ်စုံများဖန်တီးသည်။ သိန်း ၃၀ဝ၀ ကျော်တန်ဖိုးရှိသော စိန်ပုဝါ ကိုလည်း ဖန်တီးခဲ့သည်။ မျိုးမင်းစိုးသည် သူ့၏ ဒီဇိုင်နာဘဝဖြတ်သန်းမှု အတွေ့ကြုံများကို စာအုပ်ထုတ်ရန် စီစဉ်လျက်ရှိသည်။

ပြင်ပလင့်ခ်များ

• ဖေ့စ်ဘွတ်ခ် ပေါ်ရှိ မျိုးမင်းစိုး
• မျိုးမင်းစိုး gettyimages