ယာစုကုနိ ဗိမာန်

ယာစုကုနိ ဗိမာန်သည် ဂျပန်နိုင်ငံ တိုကျိုမြို့ ချီယိုဒါ့ရပ်ကွက်တွင် တည်ရှိသည့် ရှင်တိုဘာသာ နတ်ကွန်းတစ်ခုဖြစ်သည်။ ယာစုကုနိ ဗိမာန်တွင် စစ်ပွဲအတွင်း ကျဆုံးသွားသော ဂျပန်စစ်သည်များ သို့မဟုတ် ဂျပန် ဧကရာဇ်အတွက် အသက်စတေးခဲ့သူများအား ကိုးကွယ်ထားသည်။ လက်ရှိ ယာစုကုနိ ဗိမာန်တွင် ကိုးကွယ်ထားသည့် လူပေါင်း ၂.၄၆၆ သန်းကျော်ရှိပြီး ၎င်းတို့အနက် ဒုတိယကမ္ဘာစစ်မှ အေအဆင့် စစ်ရာဇဝတ်သား ၁၄ ဦး ပါဝင်သောကြောင့် ဂျပန်တို့၏ ကိုလိုနီနယ်မြေ ဖြစ်ခဲ့ဖူးသည့် နိုင်ငံများက ယင်းဗိမာန်ကို ဂျပန်စစ်ဝါဒ၏ သင်္ကေတတစ်ခုအဖြစ် ရှုမြင်ထားသည်။