ရွှေမြင်တင်စေတီတော် (သီဟတော)

ရွှေမြင်တင်စေတီတော် သည် သပိတ်ကျဉ်းနယ် ရွှေမြင်တင်တောင်ပေါ်တွင် တည်ရှိသည့် စေတီတော်တစ်ဆူ ဖြစ်သည်။ ဧရာဝတီမြစ်အရှေ့ဘက်ကမ်းရှိ သီဟတောဘုရားနှင့် မျက်နှာချင်ဆိုင်တွင် ရှိ၏။

သမိုင်းကြောင်း

သက္ကရာဇ် ၄၆၇ ခုနှစ်တွင် အလောင်းစည်သူမင်းကြီးသည် သရက္ခံရုပ်ပွားတော်ကို ဌာပနာ၍ အညာသီဟတောဘုရားကို ပြုပြင်ရန် စစ်သည်တို့နှင့်အတူ ချီတက်လာ၏။ ထိုအခါ မှူးမတ်များသည် ကောင်းမှုပြုလိုသဖြင့် မြစ်တစ်ဖက်ကမ်းတွင် တည်ရှိသည့် ရွှေမြင်တင်တောင်ပေါ်တွင် စေတီတော်ကို တည်ကာ ဓာတ်တော်များ ဌာပနာခဲ့ကြသည်။

ပြုပြင်မွမ်းမံမှုများ

• စေတီတော်သည် ပြိုပျက်ခဲ့သဖြင့် ၁၃၁၄ ခုနှစ်တွင် ရာကျော်ဆရာတော် ဦးဆောင်ကာ ပြုပြင်ခဲ့သည်။ ထိုသို့ ပြုပြင်စဉ် မိုးသည်းထန်စွာရွာသွန်းခြင်း၊ မိုးကြိုးပစ်ခြင်းတို့ ဖြစ်ပေါ်ခဲ့သည်။
• ၁၃၁၉ ခုနှစ်တွင် ထီးတော်ကို မိုးကြိုးထိမှန်ခဲ့သဖြင့် သစ်တောမင်းကြီး ဦးစောလင်းက ပြုပြင်ခဲ့သည်။
• မန္တလေးမြို့မှ ဦးအေး၊ ဒေါ်အေးတို့သည် ရွှေသင်္ကန်းကပ်လှူကာ မွမ်းမံခဲ့သည်။

ယုံကြည်မှုများ

ထိုတောင်ပေါ်တွင် ဥစ္စာစောင့်များ၊ သူတော်သူမြတ်များ လာရောက်ကြသည်ဟု ယုံကြည်မှုများ ရှိသည်။