ရှင်ကဝိ (လောကမှန်ကင်းဆရာတော်)

ရှင်ကဝိ (၁၁၂၉ - ၁၂၁+) သည် “လောကမှန်ကင်းဆရာတော်” ဟု ထင်ရှားသည့် ဆရာတော် ဖြစ်သည်။

ဘဝ

ဆရာတော်ကို ၁၁၂၉ ခုနှစ်၊ ပြာသိုလပြည့်ကျော် ၁ ရက်နေ့တွင် အလုံမြို့၌ ဖွားမြင်ခဲ့သည်။ ငယ်မည်မှာ “မောင်ကံရ” ဖြစ်သည်။ အရွယ်ရောက်သည့်အခါ “ရှင်ကဝိ” ဟူသည့် ဘွဲဖြင့် ရဟန်းပြုခဲ့သည်။

ရဟန်း ၁၆ ရသည့်အခါ လူထွက်ခဲ့၍ ရန်ကုန်မြို့တွင် တရားဟောပြာသည်။ ရတနပုရစတုတ္ထမြို့တည် မင်းတရားကြီးလက်ထက်တွင် ရဟန်းပြုပြန်၍ ပရိယတ္တိ ဆည်းပူးပြန်သည်။ အင်းဝမြို့တော် ဝက်လက်ကျောင်းတိုက်တွင် ပေါင်းတည်မြို့စား အရီးတော်ရှင်ပုက ဆောက်လုပ်လှူဒါန်းသည့် လေးထပ်ကျောင်းတွင် သီတင်းသုံးခဲ့သည်။

ဒုတိယအမရပူရမြို့တည် မင်းတရားလက်ထက်တွင် မြို့တော်မြောက်မျက်နှာရှိ လောကမှန်ကင်းကျောင်းတိုက်တွင် ဖရွံမြို့စားအတွင်းဝန် မင်းကြီးမဟာသက်တော်ရှည်မောင်ဘုံ ဆောက်လုပ်သည့်ကျောင်းတွင် သီတင်းသုံးခဲ့သည်။

ဆရာတော်သည် “ကဝိန္ဒသာရဓဇမဟာဓမ္မရာဇာဓိရာဇဂုရုတံဆိပ်တော်”ကို ရရှိခဲ့သည်။

ပျံလွန်တော်မူခြင်း

ဆရာတော်သည် ၁၂၁၃ ခုနှစ်နောက်ပိုင်းတွင် ပျံလွန်တော်မူခဲ့သည်။