ရှင်ဉာဏဝံသ (ဂွေးချိုဆရာတော်)

ရှင်ဉာဏဝံသ (၁၁၆၃ - ၁၂၁+) သည် “ဂွေးချိုဆရာတော်” ဟု သိကြသည့် ဆရာတော်ဖြစ်သည်။

ဘဝ

ဆရာတော်ကို ၁၁၆၃ ခုနှစ်၊ နယုန်လဆန်း ၈ ရက်နေ့တွင် ဗန့်ကျီတိုက်ကျားတက်ရွာ၌ ဖွားမြင်ခဲ့သည်။ အရွယ်ရောက်သည့်အခါ ရဟန်းပြုခဲ့သည်။ ရဟန်းဘွဲ့မှာ “ရှင်ဉာဏဝံသ” ဖြစ်သည်။ ပုဂံမင်းလက်ထက် အင်းဝမြို့တော်တောင်ဘက်အတွင်း၌ သီတင်းသုံးသည့် ပုဂံနတ်ထောင့်ဆရာတော်ထံတွင် ပညာများ သင်ယူခဲ့သည်။ မင်းတုန်းမင်းလက်ထက်တွင် အမရပူရမြို့ မြောက်မျက်နှာ ဂွေးချိုကျောင်းတိုက်တွင် မြင်စိုင်းနှင့် မြင်ကွန်းမြို့စားမင်းသမီး ဆောက်လုပ်လှူဒါန်းသည့် ကျောင်းတွင် သီတင်းသုံးခဲ့သည်။

ဆရာတော်သည် “ဉာဏဝဇီရဓဇမဟာဓမ္မရာဇဂုရုတံဆိပ်တော်” ကို ရခဲ့သည်။

ပျံလွန်တော်မူခြင်း

ဆရာတော်သည် ၁၂၁၃ ခုနှစ်နောက်ပိုင်းတွင်မှ ပျံလွန်တော်မူခဲ့သည်။