ရှင်သဒ္ဓမ္မရံသီ

ညောင်ကန်ဆရာတော် ရှင်သဒ္ဓမ္မရံသီ (၁၁၁၀ − ၁၁၉၄) သည် ဘိုးတော်ဘုရားလက်ထက်တွင် ထင်ရှားခဲသည့် ဆရာတော် ဖြစ်သည်။ မင်းအိုဆရာတော်၏ တပည့်လည်း ဖြစ်သည်။

ဘဝ

ဆရာတော်ကို ၁၁၁၀ ပြည့်နှစ်တွင် မင်းအိုရွာ၌ ဖွားမြင်ခဲ့သည်။ ငယ်မည်မှာ ဦးညွန့် ဖြစ်သည်။ ဆရာတော်သည် ဥဘတောဝိဘင်းပြန်ဆိုနိုင်၍ အလုံအထက်တိုက်၊ အောက်တိုက် သံဃာစုတွင် နိသျည်းဆရာတော်အဖြစ် မောင်းထောင်သာသနာပိုင် ဆရာတော်က စာချွန်ပေးအပ်သည်။

ဘိုးတော်ဘုရားလက်ထက် မြို့တော်အရှေ့မြောက်ယွန်း အောင်မြေဘုံကျော်ကျောင်းတော်ကို တင်လှူသည်။ သီရိသဒ္ဓမ္မာဘိပရမဓဇမဟာဓမ္မရာဇာဓိရာဇဂုရုတံဆိပ်တော်ကို ခံယူသည်။

ရတနာပူရ စတုတ္ထမြို့တည်မင်းလက်ထက်တွင် ဆရာဝန်မင်းကြီးသည် ကိုးကွယ်ခဲ့သည်။ အင်းဝမြို့သို့ ရောက်သည့်အခါ မဟာအောင်မြေဘုံစံအုတ်ကျောင်း၌ သီတင်းသုံးခဲ့သည်။

ဆရာတော် ပြုစုခဲ့သည့် ကျမ်းတို့ကို ထင်ရှားစွာ မတွေ့ရချေ။

ပျံလွန်တော်မူခြင်း

ဆရာတော်သည် ၁၁၉၄ ခုနှစ်တွင် ပျံလွန်တော်မူခဲ့သည်။