ဝလုံး (ကာတွန်း)
ကာတွန်း ဝလုံး၏ အမည်ရင်းမှာ ရဲမာန်ဖြစ်သည်။ ကာတွန်း ဝလုံးကို ၁၉၇၅ ခုနှစ် မေလ(၂၈)ရက်နေ့တွင် အဖ ဦးတင်ဝင်းနှင့် အမိ ဒေါ်မာလာတို့မှ ရန်ကုန်တိုင်းဒေသကြီးတွင် မွေးဖွားခဲ့သည်။ ၂၀၀၀ ခုနှစ်တွင် ယဉ်ကျေးမှုတက္ကသိုလ်ကို ရန်ကုန်မြို့တွင် တက်ရောက်ခဲ့သည်။
၁၉၉၈ ခုနှစ် ဒီဇင်ဘာလမှစပြီး ဝလုံးဆိုသည့် ကလောင်အမည်ဖြင့် ပလုတ်တုတ်ကလေးဂျာနယ်တွင် ကာတွန်းများ စတင်ရေးဆွဲခြင်းဖြင့် ကာတွန်းလောကထဲသို့ စတင်ဝင်ရောက်ခဲ့သည်။ ထင်ရှားသော ကာတွန်းဇာတ်ကောင်မှာ ဇော်ဂျီကလေး ကြယ်နီ ဖြစ်သည်။ ကာတွန်း ဝလုံးသည် ပန်းချီ၊ ဒီဇိုင်း၊ ကာတွန်း အလုပ်များကို လုပ်ကိုင်လျက်ရှိသည်။
တစ်ကိုယ်တော်ပန်းချီပြပွဲသုံးကြိမ် ပြသခဲ့သည်။ ၂၀၁၃ခုနှစ်တွင် Fantisia ပန်းချီပြပွဲ၊ ၂၀၁၄ခုနှစ်တွင် I am Musical Legend ပန်းချီပြပွဲ နှင့် ၂၀၁၅ခုနှစ် တွင် A Burmese Legend ပန်းချီပြပွဲတို့ ဖြစ်သည်။ အုပ်စုပြပွဲပေါင်း ၃၀ကျော် တွင်လည်း ပါဝင်ပြသခဲ့ဖူးသည်။