ဝါဒိုလာ မူအစ်ဇာဒင်

ဝါဒိုလာ မူအစ်ဇာဒင် (အင်္ဂလိပ်: Sultan Haji Hassanal Bolkiah Mu'izzaddin Waddaulah)သည် ဘရူနိုင်းနိုင်ငံ၏ ဘုရင်ဖြစ်သည်။ ဘုရင်မကြီး ဒုတိယ အယ်လီဇဘက် နတ်ရွာစံပြီး​နောက် လက်ရှိတွင် ကမ္ဘာ့နန်းသက်အရှည်ဆုံး ဘုရင်ဖြစ်သည်။ ဘုရင်မင်းမြတ်သည် ၁၉၄၆-ခုနှစ်၊ ဇူလိုင်လ (၁၅)ရက်​နေ့တွင် ဘရူနိုင်းမြို့ (ယခု ဘန်ဒါဆရီဘဂါဝမ်မြို့၌ မွေးဖွားသည်။ ဘုရင်မင်းမြတ်သည် ဘရူနိုင်းနိုင်ငံတွင် ဦးစွာ ပညာဆည်းပူးခဲ့ပြီး​နောက် မလေးရှားနိုင်ငံ၊ ကွာလာလမ်ပူမြို့သို့ သွားရောက်၍ ပညာဆက်လက် ဆည်းပူးခဲ့သည်။ ဘုရင်မင်းမြတ်သည် ၁၉၆၆၊ ၆၇-ခုနှစ်တွင် ယူနိုက်တက်ကင်းဒမ်းနိုင်ငံ၊ ဆင်းဟတ်စ်မြို့ရှိ ဘုရင်စစ်သက္ကသိုလ်တွင် အရာရှိတစ်ဦးအဖြစ်သင်တန်း တက်ရောက်ခဲ့သည်။

(Kebawah Duli Yang Maha Mulia Paduka Seri Baginda) Hassanal Bolkiah
၂၉ ဦးမြောက် ဆူလတန် နှင့် Yang di-Pertuan of Brunei Darussalam
တာဝန်ထမ်းဆောင်ဆဲ
တာဝန် စတင် ၅ အောက်တိုဘာ ၁၉၆၇
လက်ထောက်	Al-Muhtadee Billah
ယခင်လူ	Omar Ali Saifuddien III
ဘရူနိုင်းနိုင်ငံ ဝန်ကြီးချုပ်
တာဝန်ထမ်းဆောင်ဆဲ
တာဝန် စတင် ၁ ဇန်နဝါရီ ၁၉၈၄
လက်ထောက်	Al-Muhtadee Billah
ယခင်လူ	ရာထူးစတင်
ကာကွယ်ရေး ဝန်ကြီးနှင့် တော်ဝင်ဘရူနိုင်းတပ်မတော် စစ်ဦးစီးချုပ်
တာဝန်ထမ်းဆောင်ဆဲ
တာဝန် စတင် ၇ စက်တင်ဘာ ၁၉၈၆
ယခင်လူ	Omar Ali Saifuddien III
ဘဏ္ဍာရေးဝန်ကြီး
တာဝန်ထမ်းဆောင်ဆဲ
တာဝန် စတင် ၁ ဇန်နဝါရီ ၁၉၈၄
ယခင်လူ	ရာထူးစတင်
နိုင်ငံခြားရေးဝန်ကြီး
တာဝန်ထမ်းဆောင်ဆဲ
တာဝန် စတင် ၂၂ အောက်တိုဘာ ၂၀၁၅
ယခင်လူ	Mohamed Bolkiah
ဘရူနိုင်းဒါရူဆလမ် တက္ကသိုလ် အဓိပတိ
တာဝန်ထမ်းဆောင်ဆဲ
တာဝန် စတင် ၁၉၈၄
ယခင်လူ	ရာထူးစတင်
ဆူလတန်ရှရစ်အလီ အစ္စလာမ်တက္ကသိုလ် အဓိပတိ
တာဝန်ထမ်းဆောင်ဆဲ
တာဝန် စတင် ၂၀၀၇
ယခင်လူ	ရာထူးစတင်
ဘရူနိုင်း နည်းပညာတက္ကသိုလ် အဓိပတိ
တာဝန်ထမ်းဆောင်ဆဲ
တာဝန် စတင် ၂၀၀၈
ယခင်လူ	ရာထူးစတင်
ကိုယ်ရေး အချက်အလက်များ
မွေးဖွား	Hassanal Bolkiah Muiz'zaddin Wad'daulah (1946-07-15) ၁၅ ဇူလိုင်၊ ၁၉၄၆ Istana Darussalam, Bandar Seri Begawan, Brunei
ကြင်ဖော်(များ)	Raja Isteri Pengiran Anak Hajah Saleha (m. ၁၉၆၅–လက်ရှိ) Hajah Mariam (m. ၁၉၈၂–၂၀၀၃) Azrinaz Mazhar (m. ၂၀၀၅–၂၀၁၀)
သားသမီး	မင်းသမီး Rashidah Bolkiah မင်းသမီး Muta-Wakillah Bolkiah အိမ်ရှေ့မင်းသား Al-Muhtadee Billah မင်းသမီး Majeedah Bolkiah မင်းသမီး Hafeezah Bolkiah မင်းသား Abdul Malik မင်းသား Abdul Azim မင်းသမီး Azemah Ni'matul Bolkiah မင်းသမီး Fadzillah Lubabul Bolkiah မင်းသား Abdul Mateen မင်းသား Abdul Wakeel မင်းသမီး Ameerah Wardatul Bolkiah
မိခင်	Suri Seri Begawan (မိဖုရား မယ်တော်) Pengiran Anak Damit
ဖခင်	Begawan Sultan, Omar Ali Saifuddien III
မိခင်ကျောင်း	Royal Military Academy Sandhurst, United Kingdom
ကြွယ်ဝချမ်းသာမှု	US$ ၂၀ ဘီလီယံ (၂၀၀၈)
လက်မှတ်

၁၉၆၁-ခုနှစ်၊ အသက် (၁၅)နှစ်အရွယ်တွင် အိမ်ရှေ့မင်းသားအဖြစ် ရွေးချယ်တင်မြှောက်ခြင်း ခံရပြီး ဖခင်ဖြစ်သူ ဘုရင်ကြီး အယ်မာဟွန်၊ ဆူလ်တန်၊ ဟာဂျီ၊ အိုမာအလီ၊ ဆိုင်ဖူးဒင်း၊ ဆာ့အဒူ၊ ခိုင်ရီ၊ ဝါဒီယန်က ထီးနန်းကို ၎င်း၏ သဘောဆန္ဒအရ စွန့်လွှတ်လွှဲပြောင်းခဲ့သည့်အတွက် ၁၉၆၇-ခုနှစ်၊ အောက်တိုဘာ (၅)ရက်န​ေ့တွင် ဆူလ်တန်ဘုရင်မင်းမြတ် အရိုက်အရာကို အပ်နှင်းခံရပြီး ၁၉၆၈-ခုနှစ်၊ ဩဂုတ်လ(၁)ရက်န​ေ့တွင် ဘရူနိုင်းနိုင်ငံ၏ (၂၉)ဆက်မြောက် ဘုရင်မင်းမြတ်အဖြစ်သို့ ဘိသိက်ခံပါသည်။

ဘုရင်မင်းမြတ်သည် ဘရူနိုင်းနိုင်ငံ၏ ဝန်ကြီးချုပ်တာဝန်ကို၎င်း၊ ကာကွယ်ရေးဝန်ကြီးနှင့် ဘဏ္ဍာရေးဝန်ကြီး၏ တာဝန်များကို၎င်း ပူးတွဲထမ်းဆောင်သည်။ ထို့အပြင် ဘုရင်မင်းမြတ်သည် ဘရူနိုင်းနိုင်ငံ၏ အမြင့်ဆုံး အုပ်ချုပ်မှုအာဏာပိုင်ဖြစ်သည်။ ဘုရင်မင်းမြတ်၏ တာဝန်ယူ စီမံအုပ်ချုပ်မှုကို ဝန်ကြီးများအဖွဲ့ကောင်စီ၊ အရိုက်အရာ ဆက်ခံမှုဆိုင်ရာကောင်စီ၊ အကြံပေးကောင်စီနှင့် ဘာသာရေးကောင်စီ စသည့် ကောင်စီများ၏ ပံ့ပိုးထောက်ကူမှုဖြင့် ဆောင်ရွက်သည်။ ဘုရင်မင်းမြတ်သည် ၁၉၇၈-ခုနှစ်တွင် ကိုယ်စားလှယ်အဖွဲ့ကို ဦးဆောင်ကာ လန်ဒန်မြို့သို့ သွားရောက်ခဲ့ပြီး ဘရူနိုင်းဒါရုဆလမ်နိုင်ငံအား အချုပ်အခြာအာဏာ ပိုင်ဆိုင်သော လွတ်လပ်သည့် နိုင်ငံအဖြစ် ပြောင်းလဲ အသိအမှတ်ပြုရန် ဗြိတိသျှ အစိုးရအဖွဲ့နှင့် ဆွေးနွေးခဲ့သည်။

ယင်းဆွေးနွေးပွဲ၏ ရလဒ်မှာ ဘရူနိုင်းဒါရုဆလမ်နိုင်ငံနှင့် ဗြိတိန်နိုင်ငံတို့အကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှု သဘောတူစာချုပ်ကို ချုပ်ဆိုနိုင်ခဲ့ခြင်း ဖြစ်ပြီး စာချုပ်အရ ဗြိတိသျှအစိုးရသည် ဘရူနိုင်းဒါရုဆလမ်နိုင်ငံ၏ နိုင်ငံရေးနှင့် ကာကွယ်ရေးဆိုင်ရာ တာဝန်ရယူထားမှု အားလုံးကို ၁၉၈၄-ခုနှစ်၊ ဇန်နဝါရီလ (၁)ရက်နေ့မှ စတင်၍ စွန့်လွှတ်ခဲ့သည်။

ဘုရင်မင်းမြတ်သည် မိဖုရား ရာဂျာ၊ အစ်တရီ၊ ပင်ဂျီယန်၊ အနတ်ခ်၊ ဟာဂျာ၊ ဆယ်လ်လီယာနှင့် ကြင်ယာတော် ပင်ဂျီယန်၊ မစ်တရီ၊ ဟာဂျာ၊ မာရီယမ်တို့နှင့် လက်ဆက်ခဲ့ပြီး သားတော် လေးပါးနှင့် သမီးတော် ခြောက်ပါး ရှိသည်။

ဘုရင်မင်းမြတ်သည် ပိုလို၊ စကွပ်ရှ်နှင့် ကြက်တောင်တို့ကို ကစားသည်။ ဘုရင်မင်းမြတ်သည် ရဟတ်ယာဉ်မောင်းရာတွင် ကျွမ်းကျင်သူတစ်ဦးလည်း ဖြစ်သည်။ ဘုရင်မင်းမြတ်သည် Sovereign and Chief of the Family Orders of The Crown of Brunei (DKMB) ဂုဏ်ထူးဆောင်ဘွဲ့ကို ရရှိခဲ့သည်။ ထို့အပြင် ပြင်ပမှ အခြားဂုဏ်ထူးဆောင်ဘွဲ့များနှင့် တံဆိပ်များကိုလည်း ရရှိခဲ့သည်။