ဝူရှူ

ဝူရှူ (武術) သည် တရုတ်သိုင်းပညာတစ်ရပ် ဖြစ်ပြီး ကွမ်တုန်းနှင့် ကွမ်ရှီး ဒေသများတွင် ‘ကွန်ဖူး’ (功夫) ဟု ခေါ်ရာမှတဆင့် မြန်မာပြည်နှင့် အနောက်တိုင်းတွင် ‘ကွန်ဖူး’ဟု လူသိများလာသည်။ တရုတ်ပြည်တွင် ဝူရှူကို သင်ယူလေ့ကျင့်ခဲ့သည်မှာ နှစ်ပေါင်း ရာချီရှိပြီဖြစ်သည်။ သိုင်းကွက် (စတိုင်) ကို မိသားစု (家) ၊ ဂိုဏ်း (派) နှင့် ကျောင်း (門) အလိုက် အမျိုးအစား ခွဲထားပြန်သည်။ ၎င်းတို့အနက် ဝူတန်ဂိုဏ်း (武當派) နှင့် ရှောင်လင်ဂိုဏ်း (少林派) တို့မှာ ယနေ့အထိ လူသိများ ကျော်ကြားသည့် ဂိုဏ်းများဖြစ်သည်။

ရှောင်လင် ဘုန်းတော်ကြီးများ ကိုယ်ခံပညာ လေ့ကျင့်နေပုံ။