သမိန်ဗြာဇ္ဇ

သမိန်ဗြာဇ္ဇ သည် မွန်မင်း ရာဇာဓိရာဇ်လက်အောက်တွင် အမှုထမ်းသူ ဖြစ်သည်။ ယခင်ဘွဲ့မှာ သမိန်သံဗြတ် ဖြစ်သည်။ နောက် မုတ္တမနှင့် မော်လမြိုင် ကို သိမ်းရာတွင် အမတ်ဒိန်နှင့် သမန်သံဗြတ်တို့ အလုပ်အကြံကောင်း၍ သာလွန်အင်းအားဖြင့် ရန်သူကို နိုင်သည်။ သို့ဖြင့် သမိန်ဗြာဇ္ဇဟူသော ဘွဲ့ကို ပေးသည်။ ဒုံဝန်းမြို့ကိုလည်း စားရသည်။ နောက် မြောင်းမြကို စားရသည်။

တတိယအကြိမ် မင်းခေါင်က မွန်ပြည်သို့ စစ်ချီလာစဉ်တွင် ရိက္ခာဖြတ်တောက်ကာ အဝတပ်အား ချည့်နဲ့စေသည်။ နောက် အဝတပ် ပြန်ဆုတ်သည်တွင် လိုက်စစ်ဆင်ရာ ပဲခူး၌ လက်ရသုံ့ပန်း အများရသည်။ မိဖုရားများပင် ရ၏။

ဘဝနိဂုံး

မင်းရဲကျော်စွာနှင့် လဂွန်းအိန်တို့ လှေစီးချင်းမထိုးမီ နာမကျန်းဖြစ်ကာ မြောင်းမြ၌ပင် လွန်သည်။