သမ္မာသင်္ကပ္ပ သည် မဂ္ဂင်ရှစ်ပါး အကျင့်မြတ်တရားတွင် တစ်ပါးအပါအဝင် ဖြစ်သည်။ “မှန်ကန်သောအကြံအစည်” အဓိပ္ပာယ်ရသည်။[၁]

သမ္မာသင်္ကပ္ပ (၃) ပါးပြင်ဆင်

မှန်ကန်သော ကြံစည်မှု သမ္မာသင်္ကပ္ပသည် (၃) မျိုးရှိ၏။ ၎င်းတို့မျာ - (၁) နေက္ခမ္မသင်္ကပ္ပ၊

(၂) အဗျာပါဒသင်္ကပ္ပ၊

(၃) အဝိဟိံသာသင်္ကပ္ပ တို့ ဖြစ်ကြသည်။[၁]

(၁) နေက္ခမ္မသင်္ကပ္ပပြင်ဆင်

နေက္ခမ္မသင်္ကပ္ပဆိုသည်မှာ ကောင်းသောအဆင်း, ကောင်းသောအသံ, ကောင်းသောအနံ့, ကောင်းသောအရသာ, ကောင်းသော အထိအတွေ့မျိုးဟူသော ကာမဂုဏ်ငါးပါးတို့၌လည်းကောင်း၊ ခန္ဓာငါးပါး ရုပ်နာမ်တရားတို့၌လည်းကောင်း၊ တပ်ခြင်း, တွယ်တာခြင်း, စွဲလမ်းခြင်းကို ပယ်စွန့်နိုင်သော အလောဘတရားသည် ရှိ၏၊ ထိုအလောဘတရားနှင့် ယှဉ်သော အကြံအစည်မျိုးသည် “နေက္ခမ္မသင်္ကပ္ပ” မည်၏။[၁]

(၂) အဗျာပါဒသင်္ကပ္ပပြင်ဆင်

အဗျာပါဒသင်္ကပ္ပဆိုသည်မှာ လူ, တိရစ္ဆာန် အစရှိသော ခပ်သိမ်သော သတ္တဝါတို့၌ ကောင်းကျိုးချမ်သာကို လိုလားသော မေတ္တာတရားသည် ရှိ၏၊ ထိုမေတ္တာတရားနှင့် ယှဉ်သော အကြံအစည်မျိုးသည် “အဗျာပါဒ သင်္ကပ္ပ” မည်၏။[၁]

(၃) အဝိဟိံသာသင်္ကပ္ပပြင်ဆင်

အဝိဟိံသာသင်္ကပ္ပ ဆိုသည်မှာ ခပ်သိမ်းသော ဒုက္ခိတသတ္တဝါတို့ကို သနားညှာတာတတ်သော ကရုဏာတရားသည် ရှိ၏၊ ထိုကရုဏာတရားနှင့် ယှဉ်သော အကြံအစည်မျိုးသည် “အဝိဟိံသာသင်္ကပ္ပ” မည်၏။[၁]

ကိုးကားပြင်ဆင်

  1. ၁.၀ ၁.၁ ၁.၂ ၁.၃ ၁.၄ လယ်တီဆရာတော်။ ကျေးဇူးရှင်လယ်တီဆရာတော်ဘုရားကြီး ရေးသားစီရင်တော်မူသော မဂ္ဂင်္ဂဒီပနီ။ မန္တလေးပိဋကတ်စာပုံနှိပ်တိုက်။ pp. ၅၅၊ ၅၆။