သမ္မုခါထဝိက

အရှင်သမ္မုခါထဝိကထေရ် သည် မြတ်စွာဘုရား၏ သာသနာတော်ရှိ ရဟန်းတစ်ပါး ဖြစ်သည်။

ဘဝဇာတ်ကြောင်း

ဝိပဿီမြတ်စွာဘုရား

ဝိပဿီမြတ်စွာဘုရားလောင်း ဖွားမြင်ချိန်တွင် ဖြစ်၏။ အရှင်သမ္မုခါထဝိကထေရ် သည် မြတ်စွာဘုရား၏ နိမိတ်လက္ခဏာတို့ကို ဖတ်ကြား၏။ ထို့ပြင် မြတ်စွာဘုရား၏ အမျိုးမျိုးသော ဂုဏ်တော်တို့ကို နှုတ်မှ ပြောကြားပြီးနောက် အရှေ့အရပ်သို့ ထွက်ခွာခဲ့၏။

အကျိုးခံစားရခြင်း

ဤဘဒ္ဒကမ္ဘာမှ ကိုးဆယ့်တစ်ကမ္ဘာထက်တွင် မြတ်စွာဘုရားအား ချီးမွမ်းပြောဆိုခဲ့သည့် အချိန်မှစကာ အပါယ်လေးဘုံသို့ မကျရောက်ခဲ့ရပေ။

ဤဘဒ္ဒကမ္ဘာမှ ကမ္ဘာကိုးဆယ်ထက်တွင်လည်း “သမ္မုခါထဝိက” အမည်ဖြင့် စကြဝတေးမင်း ဖြစ်ခဲ့၏။ ရှစ်ဆယ့်ကိုးကမ္ဘာထက်တွင် “ပထဝီဒုန္ဒုဘိ” အမည်ဖြင့် စကြဝတေးမင်း ဖြစ်ခဲ့၏။ ရှစ်ဆယ့်ရှစ်ကမ္ဘာထက်တွင် “သရိတစ္ဆေဒန” အမည်ဖြင့် စကြဝတေးမင်း ဖြစ်ခဲ့၏။ ရှစ်ဆယ့်ခြောက်ကမ္ဘာထက်တွင် “အဂ္ဂိနိဗ္ဗာန” အမည်ဖြင့် စကြဝတေးမင်း ဖြစ်ခဲ့၏။ ရှစ်ဆယ့်ငါး ကမ္ဘာထက်တွင် “ဂတိပစ္ဆေဒန” အမည်ဖြင့် စကြဝတေးမင်း ဖြစ်ခဲ့၏။ ရှစ်ဆယ့်လေးကမ္ဘာထက်တွင် “ဝါတသမ” အမည်ဖြင့် စကြဝတေးမင်း ဖြစ်ခဲ့၏။ ရှစ်ဆယ့်သုံးကမ္ဘာထက်တွင် “ရတနပဇ္ဇလ” အမည်ဖြင့် စကြဝတေးမင်း ဖြစ်ခဲ့၏။ ရှစ်ဆယ့်နှစ်ကမ္ဘာထက်တွင် “ပဒဝိက္ကမန” အမည်ဖြင့် စကြဝတေးမင်း ဖြစ်ခဲ့၏။ ရှစ်ဆယ့်တစ်ကမ္ဘာထက်တွင် “ဝိလောကန” အမည်ဖြင့် စကြဝတေးမင်း ဖြစ်ခဲ့၏။ ကမ္ဘာရှစ်ဆယ်ထက်တွင် “ဝိရသာရ” အမည်ဖြင့် စကြဝတေးမင်း ဖြစ်ခဲ့၏။

ဂေါတမမြတ်စွာဘုရားထက်ထက်

နောက်ဆုံးဘဝတွင် ဂေါတမမြတ်စွာဘုရား၏ သာသနာတော်တွင် အရှင်သမ္မုခါထဝိကထေရ် အဖြစ်ဖြင့် အာသဝေါကုန်ခမ်း ရဟန္တာ ဖြစ်တော်မူ၏။