သိန်းလွင်၊ ဒေါက်တာ
၁၉၄၄ - ခုနှစ်၊ ဖေဖော်ဝါရီလ(၁၁)ရက် သောကြာနေ့တွင် မကွေးမြို့နယ်၊ မိကျောင်းရဲတိုက်နယ်၌ အဖ-ဦးအေး မောင်၊ အမိ-ဒေါ်မြသန်းတို့က မွေးဖွားခဲ့သည်။
| ဒေါက်တာ သိန်းလွင် | |
|---|---|
| မွေးဖွား | ဖေဖော်ဝါရီ ၁၁၊ ၁၉၄၄ မကွေးမြို့နယ်၊ မိကျောင်းရဲ |
| မိခင်ကျောင်း | မိကျောင်းရဲအထက်တန်း
မကွေးဥပစာကောလိပ် ရန်ကုန်တက္ကသိုလ် ပညာရေးတက္ကသိုလ် |
| အလုပ်အကိုင် | ပါမောက္ခ စာရေးဆရာ |
| မိဘ(များ) | ဦးအေးမောင် ဒေါ်မြသန်း |
၁၉၄၉ - ၅၉ - မကွေးမြို့နယ်၊ မိကျောင်းရဲအထက်တန်းကျောင်းတွင် (၁၀)တန်းအောင်သည်အထိ ပညာသင်ခဲ့ သည်။
၁၉၆၀ - ၆၂ - မကွေးဥပစာကောလိပ်တွင် ဥပစာ(ခ)တန်းအထိ ဆက်လတ်ပညာသင်ယူခဲ့သည်။
၁၉၆၂ - ၆၄ - ရန်ကုန်တက္ကသိုလ်တွင် ဝိဇ္ဇာဘွဲ့အထိ ဆက်လက်သင်ယူခဲ့။
၁၉၆၄ - ၆၆ - ပညာရေးတက္ကသိုလ်တွင် ဆက်လက်ပညာသင်B.E.D ဘွဲ့ရရှိ။
၁၉၆၆ - ၆၇ - လမ်းမတော် အထက်တန်းကျောင်း အမှတ်(၁)တွင် အထက်တန်းပြဆရာအဖြစ် စတင်တာဝန် ထမ်းဆောင်။
၁၉၆၇ - ၇၁ - တာဝန်ထမ်းဆောင်စဉ် မော်စကို တက္ကသိုလ်တွင် ဆက်လက်ပညာသင်ကြားခွင့်ရခဲ့ပြီး ပညာရေး စိတ်ပညာဘာသာရပ်တွင် ပါရဂူဘွဲ့ရခဲ့သည်။
၁၉၇၂ - ၇၈ - ပညာရေးတက္ကသိုလ်၊ ပညာရေးစိတ်ပညာဌာနတွင် နည်းပြ။ လက်ထောက်ကထိက တာဝန် ထမ်းဆောင်ခဲ့။
၁၉၇၆ - ၇၇ - ၎င်းနှစ်အတွင်း ပညာရေးဝန်ကြီးဌာနတွင် တွဲဖက်ပြီး ဒေသကောလိပ်များ ဖွင့်လှစ်ရေးလုပ်ငန်း များ တာဝန်ယူဆောင်ရွက်ခဲ့။
၁၉၇၈ - ၈၆ - ထားဝယ်ကောလိပ်တွင် ကျောင်းအုပ်ဆရာကြီးအဖြစ် တာဝန်ထမ်းဆောင်။
၁၉၈၆ - ၈၇ - ပညာရေးတက္ကသိုလ်၊ ပညာရေးစိတ်ပညာဌာနတွင်ကထိက။
၁၉၈၇ - ၉၆ - ပညာရေးစိတ်ပညာဌာန-ပါမောက္ခ။
၁၉၉၃ - ယူနီဆက်အတွက်မိဘနှင့်ကလေးသူငယ်များ ပြုစုစောင့်ရှောက်ရေးအတွက်(လသားမှ ၅-နှစ်အထိ)လက်စွဲစာစောင်ထွက်။
၁၉၉၄ - ယူနီဆက်မှပင် ရေပတ်ဝန်းကျင်သန့်ရှင်းရေးနှင့် တစ်ကိုယ်ရေကျန်းမာရေး(ဆရာလမ်းညွှန်) စာအုပ် ထွက်။
၁၉၉၅ - ခေတ်အမြင် ဗုဒ္ဓဘာသာဆိုင်ရာ အမေးအဖြေများ စာအုပ်(မင်္ဂလာရောင်ခြည်စာပေ)မှထွက်။
၁၉၉၆ - ရာပြည့်စာအုပ်တိုက်မှ ဗုဒ္ဓနည်းကျ စိတ်ထားလေ့ကျင့်ပျိုးထောင်မှု စာအုပ်ထွက်။ သင့်ဘဝစာပေမှ သင့်ကလေး လူတော်လူကောင်းဖြစ်အောင် စာအုပ်ထွက်။ သားဖွားဆရာမများအတွက် အခြေခံဆက်သွယ်ရေး ကျွမ်းကျင်မှုများ(လက်စွဲစာစောင်)၊ ရှေ့သို့တက်လှမ်း ဘဝအောင်ပန်း စသော စာအုပ်များထွက်။
၁၉၉၇ - ပညာရေးဌာနမှ လုပ်သက်(၃၀)ပြည့် အငြိမ်းစားယူ။ ကလေးသူငယ်ပြုစုစောင့်ရှောက်ရေးနှင့် ဖွံ့ဖြိုး တိုးတက်ရေးလုပ်ငန်းအတွက် အကြံပေးပုဂ္ဂိုလ်အဖြစ် ကလေးသူငယ်စောင့်ရှောက်ရေးအဖွဲ့(U.K)တွင် ဆက်လက် လုပ်ကိုင်။
၁၉၉၇ - နုနယ်စဉ်က အစပျိုးကြ(ကလေးသူငယ်စောင့်ရှောက်ရေးအဖွဲ့U.K)။ သောမတ်စ်ကို သင်ကြားခြင်း (U.K)။ ပျော်ရွှင်ကြည်နူးစရာ ကလေးကစားစရာ အရုပ်များ။ အခက်အခဲကျော်နိုင်ရေး နည်းလမ်းကောင်းများ စသော စာအုပ်များထွက်။
၁၉၉၇ - ပညာရပ်နယ်ပယ်တွင် ESCAPနှင့် လူမှုဝန်ထမ်းဌာနတို့ ပူးပေါင်းအကောင်အထည်ဖော်သော Community-bared Prevention-ပရောဂျက်ကို ဆောင်ရွက်ခဲ့။
၁၉၉၇ - ၂၀၀၀ - ယူအင်ဒီပီ-ယူနက်စကိုပညာရေး ပရောဂျက်တွင် ကျောင်းလုပ်ငန်းအစီအစဉ်များ ဖွံ့ဖြိုး တိုးတက်ရေးအတွက် ကျွမ်းကျင်သူအဖြစ် ဆက်လက်လုပ်ကိုင်။
၁၉၉၈ - တူဒေးစာအုပ်တိုက်မှ ရဲဝံ့စိတ်ဖြင့် ဘဝကိုအနိုင်ယူပါ။ ဆုစာအုပ်တိုက်မှ ပြီးပြည့်စုံသော ဘဝတစ်ခု ကို ဖန်တီးခြင်း စသောစာအုပ်များထွက်။
၁၉၉၉ - တူဒေးစာအုပ်တိုက်မှ ကြီးပွားချမ်းသာသော နည်းလမ်းကောင်းများ စာအုပ်ထွက်။
၂၀၀၀ - ၂၀၀၁ - ပညာရေးညှိနှိုင်းရေးမှူးအဖြစ် ကလေးသူငယ်စောင့်ရှောက်ရေးအဖွဲ့(ယူကေ)တွင် ဆက်လက် လုပ်ကိုင်။
၂၀၀၀ - (ပြည့်) - သောကကင်းကွာ စိတ်ချမ်းသာ(ကောင်းသန့်စာပေ)။ ကိုယ်ကျင့်တရားနှင့်ဘဝအောင်မြင်ရေး အလေ့အကျင့်များ(တူဒေးစာပေ)။ ချမ်းသာအောင်နေနည်း(ဆု-စာပေ)။ အပြုသဘောစိတ်ကောင်းနှင့်ယှဉ်ပြီးနေ တတ်သော အလေ့အကျင့်(တူဒေး)။ စိတ်စေတနာကောင်းဖြင့် အကျိုးဆောင်ခြင်း(တူဒေး)။ စိတ်ကျန်းမာရေး အတွေးစာစုများ(ပ-တွဲ)(ကောင်းသန့်စာပေ) စသည့်စာအုပ်များထွက်။
၂၀၀၁ - စိတ်ကျန်းမာရေး အတွေးစာစုများ (ဒု-တွဲ)၊ (တ-တွဲ)၊ (စတုတ္ထတွဲ)၊ ချစ်ခြင်းမေတ္တာရသစာစုများ၊ ပုံပြင်ဖတ်ရအောင်၊ နိုင်ငံတကာပညာရေးနှင့်မြတ်ပညာ စသော စာအုပ်များထွက်။
၂၀၀၂ - နှစ်ဦးပိုင်းမှစတင်ပြီး ပညာရေးလုပ်ငန်းကျွမ်းကျင်သူအဖြစ် အကြံပေးခြင်း၊ သုတေသနပြုလုပ်ခြင်း လုပ်ငန်းများကို အပြည်ပြည်ဆိုင်ရာ အဖွဲ့အစည်းများနှင့် လက်တွဲလုပ်ဆောင်နေ။ ADBနှင့်ပညာရေးဌာနတို့ ပူးပေါင်းဆောင်ရွက်သော Education Sector Study in Myanma-လုပ်ငန်းလုပ်ဆောင်။ နိုင်ငံတကာပညာရေးနှင့် မြတ်ပညာ(ကောင်းသန့်စာပေ)ထွက်။ မိဘတို့၏သူငယ်ဥယျာဉ်(မုံရွေး)၊ မိဘတို့၏အရိပ်ပြစကား လက်ဆောင် မွန်များ စသည့် စာအုပ်များထွက်။
၂၀၀၃ - ကလေးသူငယ် ပြုစုရေးအဖွဲ့(ယူ၊အက်စ်)နှင့်ပေါင်းပြီး Early Childhood Care; A Postive Impact (Myanma)သုတေသနလုပ်ငန်းကို ဆောင်ရွက်။ တူဒေးစာအုပ်တိုက်မှ စိတ်၏ဖိစီးမှုကို လျှော့ချနည်းများ စာအုပ်ထွက်။ Child Focused Networkနှင့် ပူးပေါင်းပြီး သင်တန်းကျောင်းရှိကလေးသူငယ်များ၏ အခြေအနေကို လေ့လာသုတေသနပြုလုပ်ငန်း ဦးစီးဆောင်ရွက်ခဲ့။ (ပညာရေးဌာနအတွက်) လူတိုင်းအတွက်ပညာရေး၊ နိုင်ငံ အဆင့်လုပ်ငန်းစီမံချက် စာအုပ်များ မြန်မာပြန်ခဲ့။ ပညာရေးဌာနနှင့် အပြည်ပြည်ဆိုင်ရာအဖွဲ့အစည်းများတွင် တာဝန်ထမ်းဆောင်စဉ် အပြည်ပြည်ဆိုင်ရာ ပညာရေးဆွေးနွေးပွဲများ၊ နှီးနှောဖလှယ်ပွဲများ၊ လေ့လာရေးခရီးများ သွားရောက်ခဲ့။ ဆိုဗီယက်ရုရှားနိုင်ငံ၊ ဂျပန်၊ ဆွစ်ဇာလန်၊ တရုတ်၊ ထိုင်း၊ ဗီယက်နမ်၊ သီရိလင်္ကာ၊ စင်္ကာပူနှင့် ဖိလစ်ပိုင်နိုင်ငံများသို့ ပညာရေးလုပ်ငန်းနှင့်ဆက်သွယ်ပြီး သွားရောက်ခဲ့။ စိတ်၏ဖိစီးမှုကို လျှော့ချနည်းများ စာအုပ်တူဒေးမှထွက်။
၂၀၀၄ - အမှားစွမ်းအင်၊ အမှန်ခွန်အား စာအုပ်ထွက်။
၂၀၀၅ - လူသားနှင့် နှလုံးသားအလှပုံရိပ်များ စာအုပ်ထွက်။
၂၀၀၆ - ဗုဒ္ဓဓမ္မအနှစ်ပြ စာအုပ်ထွက်။
ဒေါက်တာသိန်းလွင်သည် ယခုအခါ အမှတ်-၆၄၊ ရွှေစံပယ်(၅)လမ်း၊FMIလှိုင်သာယာတွင် နေထိုင်ရင်း ရပ်ရွာ ဖွံ့ဖြိုးရေးလုပ်ငန်းများလုပ်ဆောင်ရင်း စာပေများပြုစုနေ။
ထင်ရှားသည့် စာအုပ်အချို့
ပြင်ဆင်ရန်- ဗုဒ္ဓလမ်းစဉ်နှင့် ဘဝအမြင်
- ခေတ်အမြင် ဗုဒ္ဓဘာသာဆိုင်ရာ အမေးအဖြေများ
- ဗုဒ္ဓနည်းကျ စိတ်ထားလေ့ကျင့်ပျိုးထောင်မှု
- သင့်ကလေးလူတော်လူကောင်းဖြစ်အောင်
- ရှေ့သို့တက်လှမ်းဘဝအောင်ပန်း
- အခက်အခဲကျော်နိုင်ရေး နည်းလမ်းကောင်းများ
- ရဲဝံ့စိတ်ဖြင့် ဘဝကိုအနိုင်ယူပါ
- ပြီးပြည့်စုံသော ဘဝတစ်ခုကို ဖန်တီးခြင်း
- ကြီးပွားချမ်းသာသောနည်းလမ်းကောင်းများ
- သောကကင်းကွာ စိတ်ချမ်းသာ
- ကိုယ်ကျင့်တရားနှင့် ဘဝအောင်မြင်ရေးအလေ့အကျင့်များ
- ချမ်းသာအောင်နေနည်း
- အပြုသဘောစိတ်ကောင်းနှင့်ယှဉ်ပြီးနေတတ်သော အလေ့အကျင့်
- စိတ်စေတနာကောင်းဖြင့် အကျိုးဆောင်ခြင်း
- စိတ်ကျန်းမာရေးအတွေးစာစုများ(၄-တွဲ)
- ဗုဒ္ဓဓမ္မအနှစ်ပြ
- နိုင်ငံတကာပညာရေးနှင့်မြတ်ပညာ
- မိဘတို့၏ သူငယ်ဥယျာဉ်
- စိတ်ဖိစီးမှုလျှော့ချနည်းများ။