သီးနှံကာကွယ်ရေးဌာနခွဲ

နောက်ခံသမိုင်း

ဌာနခွဲ (၁၅)ခုအနက် တစ်ခုဖြစ်သော သီးနှံကာကွယ်ရေးဌာနခွဲအား ၁၉၇၉ခုနှစ်တွင် လယ်ယာစိုက်ပျိုးရေးကော်ပိုရေးရှင်း၊ တိုးချဲ့ပညာပေးရေးဌာနခွဲ လက်အောက်တွင် စတင်ဖွဲ့စည်းခဲ့သည်။

ကုလသမဂ္ဂစိုက်ပျိုးရေးနှင့် စားနပ်ရိက္ခာအဖွဲ့(FAO)၊ ဂျာမနီနိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေးအဖွဲ့(GTZ)စသည့် ပြည်ပအဖွဲ့အစည်းများမှ ကျွမ်းကျင်သူ အင်အား၊ ငွေကြေးနှင့် နည်းပညာဆိုင်ရာ ပံ့ပိုးပစ္စည်း အထောက်အပံ့များဖြင့် လုပ်ငန်းများကို တိုးချဲ့ဆောင်ရွက်ခဲ့သည်။

၁၉၉၅ခုနှစ်မှ စတင်၍ မြန်မာစိုက်ပျိုးရေးလုပ်ငန်းလက်အောက်တွင် သီးနှံကာကွယ်ရေးဌာနခွဲ အဖြစ် ပြုပြင်ဖွဲ့စည်းခဲ့သည်။

ယခုအခါတွင် စိုက်ပျိုးသီးနှံများ ပိုးမွှားရောဂါကာကွယ်ရေး၊ ပိုးသတ်ဆေးဆိုင်ရာ သုတေသန လုပ်ငန်းများ၊ သီးနှံပိုးမွှားရောဂါပြန့်ပွားမှု ထိန်းချုပ်ရေးလုပ်ငန်းများ၊ အစားအစာဘေးအန္တရာယ်ကင်းရှင်းရေးနှင့် ပိုးသတ်ဆေးတင်သွင်းတင်ပို့ခြင်းဆိုင်ရာကြီးကြပ် ကွပ်ကွဲခြင်းလုပ်ငန်းများအား ဆောင်ရွက်လျက် ရှိသည်။

ဌာနစုများ

1. ပိုးသတ်ဆေးမှတ်ပုံတင်အဖွဲ့ရုံး
2. ပိုးသတ်ဆေးဓာတ်ခွဲခန်း
3. သီးနှံထွက်ကုန်များ စစ်ဆေးရေးဓာတ်ခွဲခန်း
4. ဇီဝနည်းဖြင်.ကာကွယ်နှိမ်နှင်းခြင်းဌာနစု
5. သီးနှံပိုးမွှား​ရောဂါပြန့်ပွားမှုထိန်းချုပ်ရေးဌာနစု
6. ကိမိလဗေဒဌာနစု
7. အပင်ရောဂါဗေဒဌာန
8. ပေါင်းဌာနစု
9. ကြွက်ကာကွယ်နှိမ်နှင်းရေးဌာနစု
10. စီမံခန့်ခွဲရေးနှင့် ငွေစာရင်း ဌာနစု

ပိုးသတ်ဆေးမှတ်ပုံတင်ဌာနစု၏လုပ်ငန်းရည်ရွယ်ချက်

• တောင်သူများ အရည်အသွေးစစ်မှန်သည့်ပိုးသတ်ဆေးများကို အသုံးပြုရန်၊

• နိုင်ငံအတွင်း သုံးစွဲခွင့်ပြုမည့် ပိုးသတ်ဆေးများ ထိရောက်မှုရှိရန်နှင့် လူနှင့်ပတ်ဝန်းကျင် အန္တရာယ်မဖြစ်စေသည့် ပိုးသတ်ဆေးများကို အသုံးပြုနိုင်ရန်၊

• ပိုးသတ်ဆေးဥပဒေဖြင့် ထိန်းချုပ်တင်သွင်းခြင်းဖြင့် ထွက်ကုန်သီးနှံများတွင် ဓာတ်ကြွင်းအန္တရာယ်နှင့် ပြည်ပပို့ကုန်ပြဿနာများ လျော့နည်းစေရန်၊

ပိုးသတ်ဆေးမှတ်ပုံတင်အဖွဲ့ရုံးမှ ဆောင်ရွက်လျက်ရှိသော လုပ်ငန်းများ

• ပိုးသတ်ဆေးမှတ်ပုံတင်အစည်းအဝေးသို့ တင်ပြမည့် နည်းပညာအချက်အလက် များ စိစစ်ဆောင်ရွက်ခြင်း၊

• ပိုးသတ်ဆေးမှတ်ပုံတင်လက်မှတ် ထုတ်ပေးခြင်း၊

• ပိုးသတ်ဆေးဖော်စပ်ရောင်းချခွင့်လိုင်စင်များ၊ ပိုးသတ်ဆေး ပြန်လည်ထုပ်ပိုး ရောင်းချခွင့်လိုင်စင်၊ ပိုးသတ်မှိုင်းတိုက်ခွင့်လိုင်စင်များအတွက် စိစစ်ဆောင်ရွက် ခြင်း၊

• ပိုးသတ်ဆေးမှတ်ပုံတင်ခြင်းဆိုင်ရာလုပ်ငန်းများ ဆောင်ရွက်ရာတွင် အထောက် အကူဖြစ်စေနိုင်သော နည်းပညာရပ်ဆိုင်ရာလမ်းညွှန်ချက်များ၊ ပိုးသတ်ဆေးများ ၏ ဘေးအန္တရာယ်ဖြစ်စေမှုအား လေ့လာဆန်းစစ်တိုင်းတာနိုင်သော နည်းလမ်း များနှင့်ပတ်သက်၍ အပြည်ပြည်ဆိုင်ရာ အဖွဲ့အစည်းများနှင့် ဆောင်ရွက်လျက် ရှိခြင်း။

ပိုးသတ်ဆေးဓာတ်ခွဲခန်း ၏ရည်ရွယ်ချက်

• အရည်သွေးပြည့်မီသောပိုးသတ်ဆေးများမှတ်ပုံတင်ခြင်း နှင့် တင်သွင်း ခြင်းအားကြီးကြပ်ထိန်းသိမ်းရန်။
• စိုက်ပျိုးသီးနှံထွက်ကုန်များ ပြည်ပသို့ တင်ပို့ ရာတွင် လိုအပ်သော သတ်မှတ်စံချိန် စံညွှန်းများနှင့် အညီတင်ပို့နိုင်ရန်။
• ပိုးသတ်ဆေးမှတ်ပုံတင်ခြင်းလုပ်ငန်းတွင်နည်းပညာရပ်ဆိုင်ရာမှာ အထောက် အကူပြုနိုင်ရန်။
• ပြည်ပမှ ပိုးသတ်ဆေးများတင်သွင်းရာတွင် ဥပဒေလုပ်ထုံးလုပ်နည်း နှင့်အညီ တင်သွင်းနိုင်ရန်။

ပိုးသတ်ဆေးဓာတ်ခွဲခန်းမှဆောင်ရွက်လျက် ရှိသောလုပ်ငန်းများ

ပိုးသတ်ဆေးအရည်အသွေးများ စစ်ဆေးခြင်း

• အင်ဒိုနီးရှားသို့တင်ပို့မည့်စိုက်ပျိုးသီးနှံထွက်ကုန်များပိုးသတ်ဆေးဓာတ်ကြွင်းစစ်ဆေးခြင်း
• အင်ဒိုနီးရှားသို့တင်ပို့မည့်စိုက်ပျိုးသီးနှံထွက်ကုန်များတွင်မှိုအဆိပ်စစ်ဆေးခြင်း
• အင်ဒိုနီးရှားသို့တင်ပို့မည့်စိုက်ပျိုးသီးနှံထွက်ကုန်များအားအဆိပ်ဖြစ်သတ္တုစစ်ဆေးခြင်း
• ပိုးသတ်ဆေးတင်သွင်းခွင့်ထောက်ခံချက်ထုတ်ပေးခြင်း။
• မှတ်ပုံတင်လျှောက်ထားသည့်ပိုးသတ်ဆေးများ၏ ​အဆိပ်သင့်မှုအား စိစစ်ခြင်း။