ဟက်ထရာမြို့

ဟက်ထရာမြို့သည် ယနေ့ခေတ်အီရတ်နိုင်ငံ နင်နီဗေးပြည်နယ်အတွင်း တည်ရှိသော ရှေးဟောင်းမြို့တော် တစ်ခု ဖြစ်သည်။ ထိုမြို့တော်သည် ဘဂ္ဂဒက်မြို့၏ အနောက်မြောက်ဘက် ၁၈၀မိုင် (၂၉၀ ကီလိုမီတာ) အကွာတွင် တည်ရှိပြီး မိုဆူးမြို့၏ အနောက်တောင်ဘက် ၆၈မိုင် (၁၁၀ ကီလိုမီတာ) အကွာတွင် တည်ရှိသည်။

ဟက်ထရာ*
UNESCO ကမ္ဘာ့အမွေအနှစ်နေရာများ
တည်ရှိသည့် နိုင်ငံ	အီရတ်
အမျိုးအစား	ယဉ်ကျေးမှု
ရွေးချယ်သည့်စံနှုန်း	ii,iii,iv,vi
ကိုးကား	၂၇၇
ဒေသ**	အာရပ်နိုင်ငံများ
သတ်မှတ်ခြင်း မှတ်တမ်း
စတင်သတ်မှတ်ခြင်း	၁၉၈၅  (နဝမအကြိမ်)
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည် ** ယူနက်စကိုမှ ခွဲခြားသတ်မှတ်ထားသောဒေသ

ဟက်ထရာသည် ရောမအင်ပိုင်ယာ နှင့် ပါသီယန်/ပါရှန်းအင်ပိုင်ယာ တို့၏ ကြားတွင် တည်ရှိသော အာရာဘာတိုင်းပြည်လေး မြို့တော်နှင့် ခံတပ် ကောင်းစွာ တည်ဆောက်ကာရံထားသော လှည်းနားနေစခန်း မြို့တစ်မြို့ ဖြစ်ခဲ့သည်။ ဟက်ထရာသည် ၂ ရာစုနှစ်အတွင်း ကြီးပွားတိုးတက်ခဲ့ပြီး ၃ ရာစုနှစ်တွင် ဖျက်စီးခံခဲ့ရကာ လူသူမနေဘဲ စွန့်ပစ်ခဲ့ကြသည်။ ၎င်း၏ ရင်သပ်ရှုမောဖွယ်ရာ အပျက်အစီးများကို ၁၉ ရာစုတွင် ရှာဖွေတွေ့ရှိခဲ့သည်။