ဟွာဆောင်းကွင်းဆက်လူသတ်မှုများ

ဟွာဆောင်း ကွင်းဆက်လူသတ်မှုများ (ကိုရီးယား: 화성 연쇄 살인 사건; ဟန်ဂျာ: 華城連鎖殺人事件; RR: hwaseong yeonswae sarin sageon) သည် ၁၉၈၆ စက်တင်ဘာ ၁၅ နှင့် ၁၉၉၁ ဧပြီ ၃ ရက်အကြား တောင်ကိုရီးယား ဟွာဆောင်းမြို့တွင် ပေါ်ပေါက်ခဲ့သော မဖြေရှင်းနိုင်သေးသည့် လူသတ်မှုများဖြစ်သည်။ ကျူးလွန်သည့်အခါတိုင်း အမျိုးသမီး သို့မဟုတ် မိန်းကလေးငယ်များအား တုပ်နှောင်သတ်ဖြတ်ထားသည်။ တောင်ကိုရီးယားနိုင်ငံ ခေတ်နှောင်းသမိုင်းတလျောက် အကျော်စော်ဆုံး လူသတ်မှုများ ဖြစ်ပြီး ရာသီခွင်လူသတ်သမား ၏ ကျူးလွန်မှုနှင့် ခိုင်းနှိုင်းခံရသည်။

သမိုင်းကြောင်း

ဂျုံးဂီစီရင်စု ဟွာဆောင်းနယ်မြို့လေး၌ ၄ နှစ်နှင့် ၇ လအတွင်း အသက် ၁၄ နှစ်မှ ၇၁ နှစ်အရွယ် အမျိုးသမီးတို့ ပါးစပ်ဆို့ ၊ မတရားကျင့်ပြီး အသတ်ခံရသည်။ အမျိုးသမီးများ၏ အဝတ်အစားဖြင့်ပင် အသက်ရှုကြပ်အောင်ပြုလုပ်ပြီး အသတ်ခံ ရခြင်း ဖြစ်သည်။ ကျူးလွန်သူမှာ အရပ်အမြင့် ၁၆၅ မှ ၁၇၀ စင်တီမီတာ ၊ သွေးအုပ်စု ဘီ ပိုင်ရှင် အသက် ၂၀ တွင်းရှိ အမျိုးသားဟု မှုခင်းဆေးပညာ သက်သေအထောက်အထားများအရ သိရသည်။

လုပ်နည်းလုပ်ဟန်ထား သတ်ဖြတ်မှုများအား ပထမဆုံးအကြိမ်အနေဖြင့် အမှန်တကယ်သေချာပိုင်းဖြတ်နိုင်သည်ဖြစ်ရာ ကိုရီးယား၌ နာမည်ကျော်ခဲ့သည်။ ရဲအရာရှိများမှာ လူအလုပ်ရက်ပေါင်း ၂ သန်း ကြာအောင် ဤအမှုအား ဆောင်ရွက်ခဲ့သည်။ သံသယရှိခံရသူအရေအတွက်မှာလည်း တိုးပွားလာရာ အဆုံး၌ ၂၁၂၈၀ ဦးအထိ ရှိလာခဲ့သည်။

၂၀၁၅ ဇူလိုင် အမျိုးသားညီလာခံက ဖယ်ရှားလိုက်ချိန်အထိ ကိုရီးယားနိုင်ငံ၌ လူသတ်မှုအတွက် statute of limitations မှာ ၁၅ နှစ်ဖြစ်သည်။ ၂၀၀၆ ဧပြီ ၂ တွင် သတ်ဖြတ်မှုအတွက် ပြဋ္ဌာန်းချက်မှာ သက်တမ်းကုန်ဆုံးသွားသည်။ သို့သော် အမှု၏ ထင်ရှားကျော်စော်မှုကြောင့် ရဲမှတ်တမ်းများအား ဆက်လက်သိမ်းဆည်းထားဆဲဖြစ်သည်။ ပြဋ္ဌာန်းချက် ကို ဖယ်ရှားလိုက်သည့်အတွက် သွေးအေးသွားသောအမှုများအား ပြန်လည် သုံးသပ်လျက်ရှိသည်။

၂၀၀၄ တွင် ကောလိပ်ကျောင်းသူတဦးအသတ်ခံရသဖြင့် ဟွာဆောင်း ကွင်းဆက်လူသတ်မှုများအား စိတ်ဝင်စားမှုများ ပြန်လည်အစပျိုးလာခဲ့သည်။ ယင်းအမှုမှာလည်း ဖော်ထုတ်နိုင်ခြင်းမရှိသေးပေ။

သားကောင်များ

မှုခင်း	ရက်စွဲ	နေရာ	သားကောင်	မှတ်ချက်များ
၁	၁၉၈၆ စက်တင်ဘာ ၁၅	ဟွာဆောင်း ၊ အန်ယောင်း-ရီ (ယခု ဟွာဆန်း-ဒုံ) စားကျက်ကွင်း	လီဝမ်-အင်းမ် (၇၁ နှစ်)	Statute of limitations expired on September 15, 2001, at 12 am.
၂	၁၉၈၆ အောက်တိုဘာ ၂၀	ဟွာဆောင်း ၊ ဂျီနန်း-ရီ (ယခုဂျီနန်း-ဒုံ) တူးမြောင်း	ပါခ့် ဟျွန်ဆုခ် (၂၅ နှစ်)	Statute of limitations expired on October 19, 2001, at 12 am.
၃	၁၉၈၆ ဒီဇင်ဘာ ၁၂	ဟွာဆောင်း ၊ အန်ယောင်း-ရီ (ယခု ဟွာဆန်း-ဒုံ) ကမ်းပါး	Kwon ဂျူဘုံ (၂၅ နှစ်)	Statute of limitations expired on December 11, 2001, at 12 am.
၄	၁၉၈၆ ဒီဇင်ဘာ ၁၄	ဂျောင်နမ်-မြောင်, ဂွမ်ဟန်း-ရီ တူးမြောင်း	Lee Kye-sook (23 years old)	Statute of limitations expired on December 13, 2001, at 12 am.
၅	၁၉၈၇ ဇန်နဝါရီ ၁၀	ဟွာဆောင်း ဟွမ်ဂိုင်း-ရီ (ယခု ဟွာဆန်း-ဒုံ) လယ်ကွင်း	ဟွန် ဂျင်-ယောင်း (၁၉ နှစ်)	Statute of limitations expired on January 9, 2002, at 12 am.
၆	၁၉၈၇ မေ ၂	ဟွာဆောင်း ၊ ဂျီနန်-ရီ (ယခု ဂျီနန်ဒုံ) တောင်	ပါ့ခ် အွန် ဂျူး (၂၉ နှစ်)	Statute of limitations expired on May 1, 2002, at 12 am.
၇	၁၉၈၈ စက်တင်ဘာ ၇	ပါလ်တန်မြောင် ၊ ဂါဂျေး-ရီ တူးမြောင်း	အန် ဂီဆွန်း (၅၄ နှစ်)	Statute of limitations expired on September 6, 2003, at 12 am.
၈	၁၉၈၈ စက်တင်ဘာ ၁၆	ဟွာဆောင်း ဂျီနန်-ရီ (ယခုဂျီနန်-ဒုံ) နေအိမ်	ပါ့ခ်ဆန်းဟီး (၁၄ နှစ်)	၁၉၈၉ ဇူလိုင် ၂၇ တွင် ယွန်းမို (၂၂ နှစ်) အားဖမ်းဆီးခဲ့။
၉	၁၉၉၀ နိုဝင်ဘာ ၁၅	ဟွာဆောင်း ဗျောင်ဂျမ်းဒုံ (ဗျောင်ဂျမ်း ၁(အီလ်)-ဒုံ) တောင်ကုန်း	ကင်မ် မီဂျွန်း (၁၄နှစ်)	Statute of limitations expired on November 14, 2005, at 12 am.
၁၀	၁၉၉၁ ဧပြီ ၃	ဒုန်တန်း-မြောင် ၊ ဘန်ဆုန်း-ရီ (ယခု ဒုန်တန်း ၁ - ဒုံ) တောင်ကုန်း	Kwon ဆုန်းဆန်း (၆၉ နှစ်)	Statute of limitations expired on April 2, 2006, at 12 am.

မီဒီယာများတွင် ဖော်ပြခြင်း

ဤလူသတ်မှုများအပေါ် အခြေတည်၍ ရုပ်ရှင်နှင့် ရုပ်မြင်သံကြားဇာတ်လမ်းများစွာ ဖန်တီးခဲ့ကြသည်။

• Memories of Murder (၂၀၀၃)
• Confession of Murder (၂၀၁၂)
• Gap-dong (၂၀၁၄)

• Signal (၂၀၁၆)
• Tunnel (၂၀၁၇)
• Criminal Minds (၂၀၁၇)
• Partners for Justice (၂၀၁၈)
• Signal (၂၀၁၈)