အက်ဆွန်မိုဘေး

အက်ဆွန်မိုဘေး ကော်ပိုရေးရှင်း သည် အမေရိကန်ပြည်ထောင်စုရှိ နိုင်ငံတကာအခြေစိုက် ရေနံနှင့် သဘာဝဓာတ်ငွေ့ ကော်ပိုရေးရှင်းတစ်ခု ဖြစ်ပြီး တက္ကဆပ်ပြည်နယ် အိုင်ဗင်မြို့တွင် ရုံးချုပ်တည်ရှိသည်။ ထိုကုမ္ပဏီသည် ဂျွန်ဒေးဗီဆန် ရော့ကဖဲလား၏ စတန်းဒတ် ရေနံကုမ္ပဏီမှ ဆင်းသက်လာသော ကုမ္ပဏီများတွင် အကြီးဆုံး ဖြစ်ပြီး ၁၉၉၉ ခု နိုဝင်ဘာလ ၃၀ ရက်တွင် ယခင် နယူးဂျာဆီ စတန်းဒတ် ရေနံကုမ္ပဏီ ဖြစ်သော အက်ဆွန် ကုမ္ပဏီ နှင့် ယခင် နယူးယောက်စတန်းဒတ် ရေနံကုမ္ပဏီဖြစ်သော မိုဘေးကုမ္ပဏီ တို့ ပေါင်းစပ်ဖွဲ့စည်းခဲ့ခြင်း ဖြစ်သည်။

အက်ဆွန်မိုဘေး ကော်ပိုရေးရှင်း

အမျိုးအစား	အများပိုင်
လုပ်ငန်း	စွမ်းအင် ။ ရေနံနှင့်ဓာတ်ငွေ့
လွှဲအပ်သူ	အက်ဆွန် မိုဘေး
ဝန်ဆောင်မှု ဧရိယာ	တကမ္ဘာလုံး
အရေးပါ ပုဂ္ဂိုလ်များ	Darren Woods (Chairman & CEO)
ထုတ်ကုန်ပစ္စည်း	ရေနံစိမ်း ရေနံပစ္စည်းများ သဘာဝဓာတ်ငွေ့ ရေနံဓာတုပစ္စည်းများ ဓာတ်အားထုတ်လုပ်ခြင်း
ဝင်ငွေ	US$၂၃၇.၁ ဘီလီယံ
အခွန်မဆောင်မီ ဝင်ငွေ	US$၁၂.၀၇ ဘီလီယံ
အသားတင် ဝင်ငွေ	US$၁၉.၇၁ဘီလီယံ
ရင်းနှီးမြှုပ်နှံမှု	US$၃၄၈.၇ဘီလီယံ
စုစုပေါင်း ရှယ်ယာတန်ဖိုး	US$၁၈၇.၇ဘီလီယံ
အလုပ်သမားဦးရေ	69,600
ကုမ္ပဏီခွဲ	Aera Energy Esso Esso Australia Exxon Exxon Neftegas FuelCell Energy Imperial Oil (69.6%) Mobil Mobil Producing Nigeria SeaRiver Maritime Superior Oil Co. Syncrude (25%) Vacuum Oil Co. XTO Energy

၁၉၉၆ ခုနှစ်မှ ၂၀၁၇ ခုနှစ် အထိ ကမ္ဘာပေါ်တွင် ဝင်ငွေအားဖြင့် ဒသမမြောက် အကြီးဆုံး ကုမ္ပဏီ ဖြစ်ခဲ့ပြီး ဈေးကွက်အတွင်း အများနှင့်ဆိုင်ရာတွင် အရောင်းအဝယ်ပြုလုပ်ရာ၌ အရင်းအနှီးအများဆုံး နေရာတွင် နံပါတ် ၁ မှ ၆ အတွင်း ပြောင်းလဲနေခဲ့သည်။ ၂၀၁၆ ခုနှစ် ဖော်ဘီ၏ ဂလိုဘယ် ၂၀၀၀ စာရင်းတွင် တကမ္ဘာလုံး နံပါတ် ၉ နေရာတွင် ရှိခဲ့သည်။ အက်ဆွန်မိုဘေးသည် ၂၀၁၄ ခုနှစ်တွင် ဖော်ကျွန်း မဂ္ဂဇင်း၏ နိုင်ငံတကာ အကြီးဆုံး ကုမ္ပဏီ ၅၀၀ စာရင်းတွင် ဒုတိယမြောက် အမြတ်အစွန်း အများဆုံး ကုမ္ပဏီ အဖြစ် စာရင်းဝင်ခဲ့သည်။