(၅)သုတ် ရှိပါသည်။

[၁] ပရိဗိုဇ်တို့က “မိမိတို့နှင့် ရဟန်းဂေါတမတို့ တရားဟောပုံခြင်း ထူးခြားမှုမရှိကြောင်း” ပြောသဖြင့် ရဟန်းတို့က ဘုရားရှင်အား လျှောက်ထားကြရာ ဗောဇ္ဈင်ပွား များမှုနှင့်ပတ်သက်၍ ဘုရားရှင် သို့မဟုတ် ဘုရားရှင်ထံမှ ကြားနာဘူးသော ပုဂ္ဂိုလ်များမှ တပါး ပြည့်စုံအောင် မဖြေဆိုနိုင်ကြကြောင်း မိန့်ကြားတော်မူပြီး စိတ်တွန့်တိုဆုတ်နစ် နေသောအခါ၊ ပြန့်လွင့်နေသောအခါတို့၌ မပွားများသင့်သော ဗောဇ္ဈင်နှင့် ပွားများ သင့်သောဗောဇ္ဈင်တို့ကို မီးမွှေးသောယောက်ျား၊ မီးငြိမ်းသတ်သောယောက်ျား ဥပမာတို့ဖြင့် ရှင်လင်းဟောကြားတော်မူသည့်သုတ်။


[၂] ဤသုတ်၌ မီးလှုံခြင်း၏အပြစ်ငါးမျိုးကို ဟောကြားတော်မူသည်။


[၃] ပထမအဂ္ဂိသုတ်၌ -မီးခုနစ်မျိုးကို အကျဉ်းချုပ်ဟောတော်မူသည်။

ဒုတိယအဂ္ဂိသုတ်၌ -ပဉ္စသတိကယဇ်ပူဇော်ပွဲကြီး ခြိမ့်ခြိမ့်သဲကျင်းပရန် စီစဉ်ပြီး ဘုရားရှင်ထံရောက်လာသော ဥဂ္ဂတသရီရပုဏ္ဏားက ဘုရားရှင်အား မေးလျှောက်ပုံ အချိုးမကျသဖြင့် မေးလျှောက်ပုံစနစ်ကျအောင် အရှင်အာနန္ဒာက သင်ကြားပေးပုံ၊ ဘုရားရှင်က ဥဂ္ဂတသရီရပုဏ္ဏားအား ယဇ်ပူဇော်ပွဲနှင့်စပ်လျဉ်း၍ ယဇ်ပူဇော်သူများသည် ယဇ်ပူဇော်မီကပင် အကုသိုလ်လက်နက်သုံးမျိုးကို စိုက်ထူကြပုံ၊ ပယ်အပ်သော မီးသုံးမျိုး၊ ရိုသေလေးစားအပ် မြတ်နိုးပူဇော်၍ ချမ်းသာစွာဆောင်အပ်သော မီးသုံးမျိုး၊ ထင်းမီးနှင့် ပတ်သက်၍ ပြုကျင့်ပုံတို့ကို ဟောကြားတော်မူသဖြင့် ဥဂ္ဂတသရီရပုဏ္ဏား ဥပါသကာအဖြစ် ခံယူလျှောက်ထားပြီး ပဉ္စသတိက ယဇ်ပူဇော်ရန် စီစဉ်ထားသော သတ္တဝါ များအား ဘေးမဲ့လွှတ်ပုံကို ဟောကြားတော်မူသည့်သုတ်။


[၄] ရာဂ၊ ဒေါသ၊ မောဟ မီးသုံးမျိုးလောင်မြိုက်ခံရသူ၊ ယင်းမီးသုံးပါးကြောင့် ဒုဂ္ဂတိ ဘဝသို့ရောက်ရပြီး မာရ်မင်း၏အနှောင်အဖွဲ့မှ မလွတ်ကြပုံ၊ မီးသုံးပါးငြိမ်းသတ်နည်းများ၊ ယင်းမီးသုံးပါးငြိမ်းသဖြင့် ဒုက္ခငြိမ်းပျောက် နိဗ္ဗာန်ရောက်ပုံကို ခုဇ္ဇုတ္တရာက သာမာဝတီ မဟေသီ အမှူးရှိသော မိဖုရားငါးရာတို့အား ဟောပြသည့်သုတ်။ [၅]



အဂ္ဂိသုတ် သည် မြတ်စွာဘုရား ဟောကြားတော်မူခဲ့သည့် သုတ္တန်တစ်ခု ဖြစ်သည်။ ဤသုတ္တန်တွင် မြတ်စွာဘုရားသည် မီးလှုံခြင်း၏ အပြစ်ငါးမျိုးကို ဟောကြားတော်မူခဲ့သည်။[၆]

အဂ္ဂိသုတ် ပြင်ဆင်ရန်

ရဟန်းတို့ မီးလှုံခြင်း၌ အပြစ်တို့သည် ဤငါးမျိုးတို့တည်း။ အဘယ်ငါးမျိုးနည်းဟူမူ -

  • မျက်စိ မကြည်လင်။
  • အဆင်းမလှခြင်းကို ပြုတတ်၏။
  • အားနည်းခြင်းကို ပြုတတ်၏။
  • အပေါင်းအဖော်၌ မွေ့လျော်မှု “တဏှာ” ပွားများတတ်၏။
  • တိရစ္ဆာနကထာစကားမျိုး ဖြစ်ပေါ်စေတတ်၏။

ရဟန်းတို့ မီးလှုံခြင်း၌ အပြစ်တို့သည် ဤငါးမျိုးတို့တည်း ဟု (မိန့်တော်မူ၏)။[၆]

ကိုးကား ပြင်ဆင်ရန်

  1. -သံ၊၃၊၉၈-၁၀၀။ သံ၊မြန်၊၃၊၁၀၂-၄။ သံ၊ဋ္ဌ၊၃၊၂၀၇။ -သံယုတ္တနိကာယ၊ မဟာဝဂ္ဂသံယုတ္တ၊ ၂-ဗောဇ္ဈင်္ဂသံယုတ္တ၊ ၆-သာကစ္ဆဝဂ်၊ တတိယသုတ်။
  2. -အံ၊၂၊၂၂၄။ အံ၊မြန်၊၂၊၂၈၃။ -အင်္ဂုတ္တရနိကာယ၊ ပဉ္စကနိပါတ၊ ပဉ္စမပဏ္ဏာသက (၂၂)၂-အက္ကောသကဝဂ္ဂ၊ နဝမသုတ်။
  3. -အံ၊၂၊၄၂၈-၄၃၂။ အံ၊မြန်၊၂၊၅၄၂-၆။ အံ၊ဋ္ဌ၊၃၊၁၆၅-၆။ -အင်္ဂုတ္တရနိကာယ၊ သတ္တကနိပါတ၊ ၅-မဟာယညဝဂ္ဂ၊ တတိယသုတ်နှင့် စတုတ္ထသုတ်။
  4. -ဣတိဝုတ်၊၂၅၇။ ဣတိဝုတ်၊မြန်၊၂၄၂-၃။ ဣတိဝုတ်၊ဋ္ဌ၊၂၈၁-၃။ -ခုဒ္ဒကနိကာယ၊ ဣတိဝုတ္တက၊ တိကနိပါတ၊ ပဉ္စမဝဂ္ဂ၊ စတုတ္ထသုတ်။
  5. ပခုက္ကူမြို့ မဟာဝိသုတာရာမတိုက်၊ သာသနဓဇ သိရီပဝရ ဓမ္မာစရိယ၊ B.A (ဝိဇ္ဇာဂုဏ်ထူး-သီရိလင်္ကာ)၊ အဂ္ဂမဟာပဏ္ဍိတ ဘဒ္ဒန္တ ကေလာသမဟာထေရ် တိပိဋကသူစိကျမ်း နှင့် နိုင်ငံတော်ပရိယတ္တိသာသနာ့ တက္ကသိုလ် (ရန်ကုန်) ဒုတိယပါမောက္ခချုပ်၊ အဂ္ဂမဟာပဏ္ဍိတ ဘဒ္ဒန္တကုမာရထေရ် တိပိဋက သုတ္တသူစိ ဝိဘာဝိနီ
  6. ၆.၀ ၆.၁ ဆဋ္ဌသံဂါယနာတင် ပိဋကတ်တော်၊ အင်္ဂုတ္တရနိကာယ်ဝင် သုတ္တန်ပိဋကတ်၊ အင်္ဂုတ္တိုရ်ပါဠိတော် မြန်မာပြန် (ဒုတိယတွဲ) ၊ ပဉ္စက - ဆက္က - သတ္တကနိပါတ်၊ ၅ - ပဉ္စမ ပဏ္ဏာသက - ပဉ္စမသုတ် ငါးဆယ်၊ (၂၂) အက္ကောသကဝဂ်၊ ၉-အဂ္ဂိသုတ်။ ရန်ကုန်မြို့၊ ကမ္ဘာအေး၊ သာသနာရေးဝန်ကြီးဌာန၊ သာသနာရေးဦးစီးဌာနပုံနှိပ်တိုက်။ သာသနာ - ၂၅၄၁၊ ကောဇာ - ၁၃၅၉၊ ၁၉၉၈ ခုနှစ်။ pp. ၂၈၃။ |date= ရှိ ရက်စွဲတန်ဖိုး စစ်ဆေးရန် (အကူအညီ)