ခင်အုန်းမြ၊ ဒေါ်: တည်းဖြတ်မှု မူကွဲများ

ဒါ်ခင်အုန်းမြသည် ဒုတိယ ကမ္ဘာစစ် အတွင်း အိန္ဒိယပြည်သို့ လီဒိုလမ်းမှ ထွက်ပြေးကြရသည့် စစ်ပြေး ဒုက္ခသည်များနှင့် တရုတ်ပြည်သို့ ပြေးကြသူ ဒုက္ခသည်များအား ကူညီ စောင့်ရှောက်ခဲ့ပြီး ဂျပန် တော်လှန်ရေးတွင် ဗမာ့ မျိုးချစ် တပ်မတော် တိုင်း (၄) မှ ပါဝင်ခဲ့၏။ ဂျပန် တော်လှန်ရေး ပြီးဆုံးချိန်တွင် ဗိုလ်ချုပ် အောင်ဆန်း၏ ဂုဏ်ထူးဆောင် လက်မှတ် ရရှိခဲ့သည်။ အင်းစိန်တိုက်ပွဲ ဖြစ်ပွားချိန်တွင် ကျန်းမာရေး ဆရာမ သင်တန်း တက်ရောက်နေရာမှ ပညာရေးကို စွန့်လွှတ်ကာ ရှေ့တန်း စစ်မျက်နှာ ဆေးရုံ (၁) သို့ သူနာပြု အဖြစ် ရောက်ရှိ တာဝန် ထမ်းဆောင်ခဲ့သည်။

 

ဒေါ်ခင်အုန်းမြကို ၁၆ အောက်တိုဘာ ၁၉၂၂ တွင် ရှမ်းပြည်နယ် နမ္မတူမြို့၌ ရှေ့နေကြီး ဦးအုန်းဖေနှင့် ဒေါ်ခင်တို့က ဖွားမြင်ခဲ့သည်။ ငယ်စဉ်က မြစ်ကြီးနား အထကနှင့် မော်လမြိုင် မော်တင်လိန်း ကျောင်းတို့တွင် ပညာ သင်ယူခဲ့သည်။ ၁၉၃၈ ခုနှစ်တွင် မိုးကောင်းမြို့၌ အမျိုးသမီး ကြက်ခြေနီ သူနာပြုတပ်ကို ဦးဆောင် ဖွဲ့စည်းခဲ့ပြီး ၁၉၄၂ ခုနှစ်တွင် မြန်မာ့ တပ်မတော်၌ နာမကျန်း ရဲဘော်များ အား ပြုစုရေး တာဝန် ယူခဲ့၏။