ဂန္ဓမာလိယ

အရှင်ဂန္ဓမာလိယထေရ် သည် မြတ်စွာဘုရား၏ သာသနာတော်ရှိ ရဟန်းတစ်ပါး ဖြစ်သည်။

ဘဝဇာတ်ကြောင်း

သိဒ္ဓတ္ထမြတ်စွာဘုရားလက်ထက်

အရှင်ဂန္ဓမာလိယထေရ် သည် သိဒ္ဓတ္ထမြတ်စွာဘုရား ၏ နံ့သာပုထိုတော်ကို ပြုလုပ်လှူဒါန်းခဲ့၏။ ထိုအခါ မြတ်စွာဘုရားအား ရဟန်းအပေါင်းခြံရံလျက် ဖူးမြင်ရ၏။ ထို့နောက် အရှင်ဂန္ဓမာလိယထေရ် သည် မြတ်စွာဘုရားအား ရှိခိုးကာ မြောက်အရပ်သို့ သွား၏။

အကျိုးခံစားရခြင်း

ဤဘဒ္ဒကမ္ဘာမှ ကိုးဆယ့်လေးကမ္ဘာထက်တွင် ပန်းနံ့သာလှူခဲ့သည့်အချိန်မှစကာ အပါယ်လေးဘုံသို့ မကျရောက်ခဲ့ရပေ။ ထို့အပြင် သုံးဆယ့်ကိုးကမ္ဘာထက်တွင်လည်း “ဒေဝဂန္ဓ” အမည်ဖြင့် စကြဝတေးမင်း တစ်ဆယ့်ခြောက်ကြိမ် ဖြစ်ခဲ့၏။

ဂေါတမမြတ်စွာဘုရားထက်ထက်

နောက်ဆုံးဘဝတွင် ဂေါတမမြတ်စွာဘုရား၏ သာသနာတော်တွင် အရှင်ဂန္ဓမာလိယထေရ် အဖြစ်ဖြင့် အာသဝေါကုန်ခမ်း ရဟန္တာ ဖြစ်တော်မူ၏။