ဇာတိပူဇက

အရှင်ဇာတိပူဇကထေရ် သည် မြတ်စွာဘုရား၏ သာသနာတော်ရှိ ရဟန်းတစ်ပါး ဖြစ်သည်။

ဘဝဇာတ်ကြောင်း

ဝိပဿီမြတ်စွာဘုရားလက်ထက်

ဝိပဿီမြတ်စွာဘုရား ဖွားမြင်ချိန်တွင် ဖြစ်၏။ ထိုအချိန်တွင် တောတောင်၊ သမုဒ္ဒရာနှင့်တကွ မဟာပထဝီမြေကြီးသည် တုန်လှုပ်၏။ နိမိတ်ဖတ်သူတို့သည် “ဘုရားပွင့်လတ္တံ့” ဟုပြောကြ၏။ ထိုသို့ နိမိတ်ဖတ်သူတို့၏ ပြောစကားကို အရှင်ဇာတိပူဇကထေရ် သည် ကြား၍ ဖွားမြင်စ ဘုရားလောင်းကို ပူဇော်ခြင်း ပြု၏။ ထိုသို့ ပြုပြီးနောက် ထိုနေရာတွင်ပင် သေဆုံးခဲ့၏။

အကျိုးခံစားရခြင်း

ဤဘဒ္ဒကမ္ဘာမှ ကိုးဆယ့်တစ်ကမ္ဘာထက်တွင် ဖွားမြင်စ ဘုရားလောင်းကို ပူဇော်ခဲ့သည့် အချိန်မှစကာ အပါယ်လေးဘုံသို့ မကျရောက်ခဲ့ရပေ။ ဤဘဒ္ဒကမ္ဘာမှ သုံးခုမြောက် ကမ္ဘာထက်တွင် “သုပါရိစရိယ” အမည်ဖြင့် စကြဝတေးမင်း သုံးဆယ့်လေးကြိမ် ဖြစ်ခဲ့၏။

ဂေါတမမြတ်စွာဘုရားထက်ထက်

နောက်ဆုံးဘဝတွင် ဂေါတမမြတ်စွာဘုရား၏ သာသနာတော်တွင် အရှင်ဇာတိပူဇကထေရ် အဖြစ်ဖြင့် အာသဝေါကုန်ခမ်း ရဟန္တာ ဖြစ်တော်မူ၏။