အသင်္ခယာ စောယွန်း
အသင်္ခယာ စောယွန်း (c. ၁၂၉၉– ၅ ဖေဖော်ဝါရီ ၁၃၂၇) သည် စစ်ကိုင်းမင်းဆက်ကို တည်ထောင်ခဲ့သည့် ဘုရင်တစ်ပါးဖြစ်သည်။
| အသင်္ခယာ စောယွန်း | |
|---|---|
| စစ်ကိုင်းဘုရင် | |
| နန်းသက် | ၁၅ မေ ၁၃၁၅ – ၅ ဖေဖော်ဝါရီ ၁၃၂၇ |
| ရှေ့မင်းဆက် | သီဟသူ |
| ဆက်ခံသူ | တရဖျားကြီး |
| မွေးဖွား | c. ၁၂၉၉ မြန်မာသက္ကရာဇန် ၆၆၁၊ တနင်္လာ ပင်လယ်မြို့၊ မြင်စိုင်းနေပြည်တော် |
| ကွယ်လွန် | ၅ ဖေဖော်ဝါရီ ၁၃၂၇ (အသက် ၂၇) မြန်မာသက္ကရာဇ် ၆၈၈၊ တပေါင်းလပြည့်၊ အင်္ဂါနေ့ စစ်ကိုင်းမြို့၊ စစ်ကိုင်းနေပြည်တော် |
| ကြင်ရာတော် | စောနှောင်း |
| သားသမီးများ | စိုးမင်း ကိုယ်တော်ကြီး ကျစွာ နော်ရထာ မင်းရဲ တရဖျားငယ် |
| စံအိမ် | မြင်စိုင်း |
| ခမည်းတော် | တစ်စီးရှင် သီဟသူ |
| မယ်တော် | ရတနာပုံ |
| ကိုးကွယ်မှု | ထေရဝါဒ ဗုဒ္ဓဘာသာ |
ပင်းယမြို့တည် တစ်စီးရှင် သီဟသူမင်း နှင့် စစ်ကိုင်းမြို့နယ်အတွင်းရှိ လင်းယဉ်ရွာသူ ရတနာပုံမိဖုရားတို့မှ ဖွားမြင်သော သားတော်ဖြစ်ပြီး သာသနာနှစ် ၁၈၅၉၊ ကောဇာသက္ကရာဇ်-၆၇၇တွင် စစ်ကိုင်းမြို့ကို တည်၍ သီရိအသင်္ခယာဟူသော ဘွဲ့မည်ခံကာ မြန်မာပြည် မြောက်ဘက်တစ်လွှားကို မင်းပြုတော်မူသည်။ ကောဇာသက္ကရာဇ်-၆၈၀တွင် ထောင်သင်းအစုနှင့် မြင်းကိုးသင်း ဘွဲ့တော်မူ၏။ ထို့ကြောင့် (ယခုတိုင် စစ်ကိုင်းထောင်သင်း)ဟူ၍ တွင်သည်။
အသင်္ခယာစောယွန်းသည် ဘုန်းလက်ရုံးအာဏာနှင့် ပြည့်စုံတော်မူ၏။ ပြည်သူလူထု ရဟန်းတို့အားလည်း သနားကြင်နာတော်မူသည်။ သက္ကရာဇ် ၆၈၂-ခုနှစ်တွင် စင်္ကြန်ကျောင်းဆောက်လုပ်တော်မူပြီး ၆၈၄-ခုတွင် ပြီးစီးသည်။ နတ်ရွာစံတော်မူပြီး နောင်တော် တရဖျားကြီး နန်းဆက်ခံသည်။[၁] ရာဇဝင်ကျော်တွင် သာသနာနှစ် ၁၈၅၂၊ ကောဇာသက္ကရာဇ်-၆၇၀ ဟုပြဆိုသည်။[၂]
အသင်္ခယာ စောယွန်းတွင် သမီးတော် စိုးမင်း ကိုယ်တော်ကြီး၊ သားတော် ကျစွာ၊ သားတော် နော်ရထာ မင်းရဲ၊ သားတော် တရဖျားငယ် လေးပါးရှိသည်။
ကိုးကား
ပြင်ဆင်ရန်အသင်္ခယာ စောယွန်း မွေးဖွား c. ၁၂၉၉ ကွယ်လွန် ၅ ဖေဖော်ဝါရီ ၁၃၂၇
| ||
| Regnal titles | ||
|---|---|---|
| ယခင်က တစ်စီးရှင် သီဟသူ |
စစ်ကိုင်းဘုရင် ၁၅ မေ ၁၃၁၅ – ၅ ဖေဖော်ဝါရီ ၁၃၂၇ |
ဆက်ခံသူ တရဖျားကြီး |