အသုဘနိမိတ္တသုတ်

အသုဘနိမိတ်ကို ကုသိုလ်တရားတို့ဖြစ်ခြင်း၏ (သင့်မြတ်သော)အကြောင်းအားဖြင့် နှလုံးသွင်းသောသူအား မဖြစ်သေးသော ကာမစ္ဆန္ဒနီဝရဏမဖြစ်ရန်၊ ဖြစ်ပြီးသော ကာမစ္ဆန္ဒနီဝရဏကိုပယ်ရန် ဖြစ်၏။ မဖြစ်သေးသော ကာမစ္ဆန္ဒနီဝရဏမဖြစ်ရန်၊ ဖြစ်ပြီးသော ကာမစ္ဆန္ဒနီဝရဏကိုပယ်ရန် အသုဘနိမိတ်မှတပါး အခြားတစ်ခုသော တရားကိုမျှ မြင်တော်မမူ-ဟု ဘုရားရှင် ဟောတော်မူသည့်သုတ်။

အဋ္ဌကထာ၌ -(၁) ဝတ္တသမ္ပန္န မိလက္ခတိဿတ္ထေရဝတ္ထု၊ (၂) ဂန္ထယုတ္တ မလိယဒေဝတ္ထေရဝတ္ထု၊ (၃) တိဿဘူတိထေရဝတ္ထု၊ (၄) ဂါမန္တပတ္တရဝါသီ မဟာသိဝတ္ထေရဝတ္ထု၊ (၅) မဟာတိဿတ္ထေရဝတ္ထု၊ (၆) သဋ္ဌိမတ္တ အာရဒ္ဓဝိပဿကဘိက္ခုဝတ္ထု၊ (၇) စိတ္တလပဗ္ဗတ တိဿတ္ထေရဝတ္ထု၊ (၈) မဟာကဿပတ္ထေရဝတ္ထုတို့ကို ကိလေသာ ပယ်ခွါပုံ သာဓကအဖြစ် ပြဆိုထားပါသည်။ ပဟာန် ၅-မျိုး၊ အသုဘနိမိတ်၊ ကာမစ္ဆန္ဒ နီဝရဏကိုပယ်ခွါသော တရား ၆-ပါးတို့ကို ပြဆိုထားပါသည်။